मुसिकोट नगरपालिका १ वडाध्यक्ष मृत अवस्थामा भेटिए

अपराध

२ भदौ, काठमाडौं ।गुल्मीको मुसिकोट नगरपालिका १ पौदीअमराइका वडाध्यक्ष मृत अवस्थामा भेटिएका छन् ।

आज बिहान करिब पाँच बजे फेसबुकमा स्टाटस लेखेर अलबिदा उल्लेख गरेका मोहन घिमिरे बिहान साढे सात बजे रुखमा झुन्डिएको अवस्थामा फेला परेका थिए ।

घरबाट करिब डेढ घण्टाको दूरीमा रहेको घन्टुङ भन्ने जंगलमा घिमिरे मृत भेटिएको जिल्ला प्रहरी कार्यालय गुल्मीका प्रहरी उपरीक्षक एसपी नवीन किशोर प्रधानले बताउनु भएको छ ।

घिमिरेले आफ्नो फेसबुकवालमा परिस्थितिको चपेटामा परेपछि बाँच्नुको कुनै अर्थ हुँदो रहेनछ । प्रीय अनिता, साथ निभाउन सकिन। मलाई माफ गरे । घर परिवार, साथिभाइ सुभचिन्तक सबैसँग माफी चाहान्छु। अल बिदा ।’ भनेर स्टाटस लेखेका थिए ।

शुक्रबार अपराह्न घरबाट वडाको काम छ भनि निस्केका थिए उनि रातभर घर नफर्केको पारिवारिक स्रोतले जनाएको छ । घिमिरे नेपाली कांग्रेस मुसिकोट नगरपालिका नगर कमिटीका अध्यक्षसमेत हुन् ।

घटनाबारे अनुसन्धान भइरहेको र थप अनुसन्धानका लागि जिल्ला प्रहरी कार्यलय गुल्मीबाट प्रहरी निरीक्षकसहितको टोली खटिएको प्रहरी उपरीक्षक प्रधानले बताएका छन् ।