ताजा समाचार

ललिता निवास प्रकरणमा १७ जनासँग धरौटी माग, मीनबहादुर गुरुङले २ करोड ४६ लाख बुझाउनुपर्ने

अर्थ र बाणिज्य
- न्यूज नेपाल
       

काठमाडौं। ललिता निवास प्रकरणमा भाटभटेनी सुपर मार्केटका सन्चालक मीनबहादुर गुरुङसँग २ करोड ४६ लाख रुपैयाँ धरौटी मागिएको छ।न्यायधीश भोलानाथ ढकालको एकल इजलासले आइतबार उक्त थुनछेक आदेश गरेको हो। एक जनालाई साधारण तारेख र १७ जनासँग धरौटीमा मागिएको छ।

काठमाडौं जिल्ला सरकारी वकिल कार्यालयले सरकारी कागजत कीर्तेमा २ सय ९० जनालाई प्रतिवादी बनाएर अभियोग पत्र दायर गरेको थियो। केन्द्रीय अनुसन्धान ब्युरोले संगठित अपराधसमेतमा अनुसन्धान गरेपनि सरकारी वकिल कार्यालयले कीर्तेमा मात्र मुद्धा दायर गर्ने निर्णय गरेको थियो। यो प्रकरणमा अदालतमा अभियोगपत्र पेश गर्दा १८ जना प्रहरी हिरासतमा रहेका थिए।

ललिता निवासको करिब एक सय ४३ रोपनी सरकारी जग्गा कीर्ते गरेर व्यक्तिको नाममा लगिएको भन्दै विचौलिया, तत्कालिन विभागीय मन्त्री, कर्मचारी र मालपोतका कर्मचारीसमेतलाई प्रतिवादी बनाएर अभियोग दायर गरिएको थियो।

Comments

प्रकाशित मिति : 2023-09-10

अरु समाचार

© NewsNepal 2018 - All Right Reserved.
newsnepal.com 2017.hlon.org