बालिकालाई बिक्री गर्न लैजाँदै गर्दा तीन जना प्रहरी नियन्त्रणमा

अपराध

काठमाडौं । जिल्ला प्रहरी कार्यलय उदयपुरले बालबालिकालाई प्रलोभनमा पारी बिक्री गर्न लैजाँदै गर्दा तीन जनालाई नियन्त्रणमा लिएको छ ।

त्रियुगा नगरपालिका–६ जलजले चेकपोस्टमा खटिएका इलाका प्रहरी कार्यलय जलजले टोलीले चेकजाँच क्रममा शंका लागि नियन्त्रणमा लिएको हो ।

गाईघाटबाट सिरहा लाहानतर्फ जाँदै गरेको प्रदेश नम्बर ३–०२–२२ प ५०१० नम्बरको मोटरसाइकल पछाडि राखी १५ वर्षिय बालिकालाई लिएर जाँदै गरेको अवस्थामा प्रहरीले शंका लागि चेकजाँच क्रममा बालिकालाई ललाईफकाई गरी बालिकालाई प्रलोभनमा पारी बिक्री गर्न लैजादै गरेको खुलेको छ ।

मोटरसाइकलसहित सिरहाको साबिक सोनावती मझौला गाविस–०८ अहिले लाहान नगरपालिका–१९ का २८ वर्षीय सतिकुमार यादव, त्रियुगा नगरपालिका–१० का ब्रोर्दस रेस्टुरेन्टका मालिक २७ वर्षीय अनिल शिवसमेत तीन जना संलग्न रहेको जिल्ला प्रहरी नायब उपरीक्षक (डीएसपी) हरिनन्द चौधरीले जानकारी दिए ।

उनिहरुलाई मानव बेचविखन तथा ओसारपोसारमा संलग्न रहेको आरोपमा उदयपुर जिल्ला अदालतबाछ सात दिनमा म्याद थप गरी अनुसन्धान थालेको प्रहरीले जनाएको छ ।