नेपालले त्रिकोणात्मक ट्वान्टी–२० श्रृंखला आयोजना गर्ने
काठमाडौं । नेपालले यूएई र हङकङसम्मिलित त्रिकोणात्मक ट्वान्टी–२० श्रृंखला आयोजना गर्ने भएको छ । नेपाल क्रिकेट संघ (क्यान) को नवनिर्वाचित केद्रीय समिति बैठकले उक्त प्रतियोगिता अक्टोबर १७ देखि २६ सम्म काठमाडौंमा गर्ने निर्णय गरेको हो ।
नेपालले यो प्रतियोगितालाई आईसीसी पुरुष ट्वान्टी–२० विश्वकप एसिया छनोट तयारीमा लिएको छ । ट्वान्टी–२०विश्वकप एसिया छनोट नोभेम्बर १ देखि १० सम्म काठमाडौं मै हुँदैछ । त्यसमा हङकङ, यूएई, नेपाल सहित १० राष्ट्र अर्को वर्ष अमेरीका र वेस्ट इन्डिजले आयोजना गर्ने ट्वान्टी–२० विश्वकपमा पुग्नेछन् ।
निर्वाचित क्यानको पहिलो बैठकले अध्यक्ष चतुरबहादुर चन्दको संयोजकत्वमा उपाध्यक्ष रोशनकुमार सिंह, सचिव पारस खड्का, उपाध्यक्ष पदम खड्कार सदस्य दिवाकर घले सदस्य रहने गरी कार्य सम्पादन समिति गठन गरेको छ ।बैठकले प्रधानमन्त्री कप राष्ट्रिय प्रतियोगीतालाई यसपालि ७ प्रदेश र ३ विभागीय टोलीबीच राउन्ड रोबिनका आधारमा गर्ने निर्णय गरेको छ । प्रतियोगिताको सेमिफाईनल दुइदिवसीय र फाईनल तीनदिवसीय हुनेछ ।
क्यानले नेपाल प्रिमियर लिग(एनपीएल) आफैले आयोजना गर्ने निर्णय गरेको छ । प्रतियोगीता मार्च , अप्रिलमा गर्ने जनाइएको छ । अन्य फ्रेन्चाइज लिग क्रिकेटको हकमा विदेशी खेलाडीविना घरेलु लिगको क्रिकेटको हकमा विदेशी खेलाडीसहितको एभरेस्ट प्रिमियर लिग आयोजनाको प्रस्ताव सम्बन्धमा छलफल हुँदा एनपिएल प्रतियोगिता सम्पन्न भएपछि आगामी बोर्ड बैठकमा छलफल गरेर प्रगियोगिता गर्न दिने सम्बन्धमा सहमति गरियो, क्यान सचिव पारस खड्काद्धारा जारी विज्ञप्तिमा भनिएको छ ।
क्यानले सय वर्षदेखि कार्यविधि बनाएर वार्षिक रुपमा क्रिकेट अर्वाड गर्ने निर्णय गरेको छ । शुक्रबार र शनिबार सम्पन्न क्यानको साधारणसभामा झापा जिल्ला क्रिकेट संघ प्रतिनिधि विवाद सम्बन्धमा जाँचबुझ गरी प्रतिबेदन पेस गर्न कोशी प्रादेशिक क्रिकेट संघका अध्यक्ष सर्वजित पाण्डेको संयोजकत्वमा सोही प्रदेश क्रिकेट संघका सचिव टीकाराम पुरी र सदस्य नारद नेपाल सदस्य रहने गरी ३ सदस्यीय छानबिन समिति गठन गरेको छ।
झापाको प्रतिनिधिका रुपमा लाक्पा र मनोज कटुवाल दुवैले दाबी गरेपछि क्यानले झापाको प्रतिनिधि खारेज गर्ने विवादास्पद निर्णय गरेको थियो । साधारणसभाबाट सुरक्षाकर्मी लगाएर निकालिएपछि पूर्वराष्ट्रीय खेलाडी लामाले क्यान पदधिकारीहरु व्यक्तिगत स्वार्थका लागि भ्रष्ट हुन पुगेको आरोप लगाएको थिए ।
क्यानको १७ सदस्यीय समिति अब २१ सदस्यीय बन्न सक्ने छ । हाल अध्यक्ष,उपाध्यक्ष, सचिव र कोषाध्यक्षसहित १३ सदस्य रहेकामा क्यानले त्यसमा वरिष्ठ उपाध्यक्ष, सहसचिव र दुई सदस्य थप्न लागेको छ । राष्ट्रिय खेलकुद परिषदबाट प्रारम्भीक सहमति प्रदान भए अनुसार केन्द्रीय पदाधिकारी थप गर्ने सम्बन्धमा हालै सम्पन्न वार्षिक साधारणसभाका दौरान सबै प्रतिनिधि सदस्यले आवश्यकता महसुस गरेको हँुदा यसलार्य आवश्यक प्रक्रिया पूरा गरी संघको वार्षिक साधारणसभामा लैजाने क्यानले जनाएको छ ।
क्यानले प्रत्येक प्रदेशमा स्वयंसेवक प्रोभेन्सियल डेभलपमेन्ट अफिसर नियुक्त गर्ने भएको छ । त्यसका लागि सबै प्रादेशिक क्रिकेट संघले पूर्व खेलाडी, क्रिकेटसँग सम्बन्धित व्यक्तिहरुमध्येबाट एक जना केन्द्रमा सिफारिस गरेर पठाउनुपर्नेछ ।
Comments
अरु समाचार
-
ला लिगाको उपाधि रियल मड्रिडको पोल्टामा
काठमाडौं । रियल मड्रिडले ३६औं पटक स्पानिस ला लिगाको उपाधि जितेको छ । ला लिगामा दोस्रो स्थानको बार्सिलोना शनिबार राति...
-
वेस्ट इन्डिज ‘ए’ माथि नेपालको ६ विकेटको जीत
काठमाडौं । ओपनर आसिफ शेख र अनिल साहको अर्धशतकप्रेरित नेपालले ट्वान्टी–२० शृंखलाको अन्तिम खेलमा वेस्ट इन्डिज ‘ए’विरुद्ध ६ विकेटको सहज...
-
आईपीएल: शीर्ष स्थानको राजस्थानमाथि हैदरावादको १ रनको सनसनीपूर्ण जित
काठमाडौं। इन्डियन प्रिमियर लिग (आईपिएल) अन्तर्गत गएराति भएको खेलमा शीर्ष स्थानको राजस्थान रोयर्ल्समाथि सनराइजर्स हैदरावादले १ रनको सनसनीपूर्ण जित निकालेको...
-
वेस्टइन्डिज ‘ए’ले जित्यो टस, नेपालले पायो फिल्डिङको निम्तो
काठमाडौं । वेस्ट इन्डिज ‘ए’ सँगको चौथो खेलमा नेपालले पहिले फिल्डिङ गर्ने भएको छ । बिहीबार कीर्तिपुरस्थित त्रिवि क्रिकेट मैदानमा...
-
टी-२० सिरिज अन्तर्गत नेपालले आज वेस्टइन्डिजसँग चौंथो खेल खेल्दै
काठमाडौं । वेस्टइन्डिज ए सँगको टी-२० सिरिजअन्तर्गत नेपालले आज चौंथो खेल खेल्दैछ । खेल दिउँसो १२ स् १५ मा त्रिवि...
-
आइपीएलः पञ्जाबले चेन्नईमाथि ७ विकेटको सहज जित हात हात पार्यो
काठमाडौं । पञ्जाब सुपर किंग्सले इन्डियन प्रिमियर लिग (आईपीएल) २०२४ को ४९ औं खेलमा चेन्नई सुपर किंग्समाथि ७ विकेटको सहज...
-
राेहितकाे कप्तानीमा टी–२० विश्वकप खेल्ने नेपाली टाेलीकाे घाेषणा
काठमाडौं । नेपाल क्रिकेट संघ (क्यान)ले विश्वकप खेल्ने नेपाली टोलीको घोषणा गरेको छ । बुधबार क्यानले टिमको घोषणा गरेको हो ।...
-
वेस्ट इन्डिज ‘ए’द्वारा नेपालसामु २२८ रनको लक्ष्य
काठमाडौं । टी–ट्वान्टी शृङ्खलाको तेस्रो खेलमा वेस्ट इन्डिज ‘ए’ले नेपालसामु जितका लागि दुई सय २८ रनको लक्ष्य प्रस्तुत गरेको छ...
-
टस हारेर फिल्डिङ गर्दै नेपाल, दीपेन्द्र सिंहको कप्तानी
काठमाडाैं। पाँच खेलको टी–२० श्रृङ्खला अन्तर्गत आज नेपाल र वेस्ट इन्डिज ‘ए’ बीच तेस्रो खेलमा वेस्ट इन्डिज ‘ए’ले टस जितेर...