ताजा समाचार

सेयर बजार परिसुचक सामान्य अंकमा वृद्धि

अर्थ र बाणिज्य
- न्युज नेपाल
       

काठमाडौं । साताको दोस्रो दिन सोमबार कारोबार सेयर बजारमा सामान्य वृद्धि भएको छ । आइतबार दोहोरो अंकमा घेटेको परिसुचक आज(सोमबार)५.१९ अंकले वृद्धि भई १९७६.२९ विन्दुमा रोकिएको हो । यो ०.२६ प्रतिशतको वृद्धि हो ।

सोमबार होटल तथा पर्यटन र उत्पादन तथा प्रशोधन उपसूचकबाहेक सबै उपसूचक हरियो देखिए पनि बजारमा ठूलो वृद्धि नभएकाले ठुलो अंकमा वृद्धि नभएको हो ।

सोमबार कुल २८६ धितोपत्रको ८५ हजार ५९१ वटा कारोबारबाट ५७ लाख ७६ हजार ८९६ कित्ता सेयर किनबेच हुँदा १ अर्ब ७३ करोड ७३ लाख १४ हजार ९२ रुपैयाँको कारोबार भएको छ ।

सोमबार सीवाईसी नेपाल लघुवित्त, सयपत्री हाइड्रोपावर, इन्फिनिटी लघुवित्त र सामुदायिक लघुवित्तको सकारात्मक सर्किट लेबलमा कारोबार भएको छ ।

पिपुल्स हाइड्रो, मनकामना इन्जिनियरिङ हाइड्रो, ग्लोबल आईएमई लघुवित्तसहितका धितोपत्रको मूल्य आज धेरैले घटेको छ ।

Comments

प्रकाशित मिति : 2023-10-02

अरु समाचार

© NewsNepal 2018 - All Right Reserved.
newsnepal.com 2017.hlon.org