अल्का अस्पतालमा सञ्चालकबीच लफडा: कुमार थापा दम्पत्ति विरुद्ध क्याप्टेन थापाले दिए किर्ते र ठगीको उजुरी
ललितपुर । ललितपुरको जावलाखेल स्थित अल्का अस्पतालकाे २१ औं वर्षगाँठ मनाउने तयारी गर्दैगर्दा लगानीकर्ताहरु बीच लफडा उत्पन्न भएको छ ।
सञ्चालकमाथि नै किर्ते तथा ठगी प्रकरणको विवादमा उजुरबाजुर पर्न थालेपछि संस्थापन पक्ष मानिएका अस्पतालका अध्यक्ष कुमार थापा उर्फ तिलक बहादुर थापा र उनकै श्रीमती विद्या श्रेष्ठ थापा विरुद्ध क्याप्टेन रामेश्वर थापा कम्पनी रजिस्ट्रारको कार्यालयमा उजुरी गर्न पुगेका छन् ।
२०५८ साल मंसिर ९ गते स्थापना भएको अल्का अस्पतालमा हर्ताकर्ता सञ्चालक मानिएका अध्यक्ष कुमार थापा दम्पत्ति कम्पनी रजिस्ट्रारको कार्यालयमा उजुरी परेपछि किर्ते तथा ठगी प्रकरणमा पनि तानिने भयमा परेका हुन् । अस्पतालकै अर्का लगानीकर्ता समेत रहेका सञ्चालक रामेश्वर थापाले कम्पनी रजिस्ट्रारको कार्यालयमा गरेको उजुरीबाट लगानीकर्ताबीच विवाद रहेको सार्वजनिक भएको हो ।
कुमार थापाले तीन दशकअघि अल्का फार्मेसी खोलेका थिए छोरीका नाममा । ०५९ सालमा पोलिक्लिनिक हुँदै ०६२ सालमा त्यसलाई अस्पताल बनाए । १४ वर्षपछि शेयर होल्डर बनेर भित्रिए रामेश्वर थापा । उनी ०७६ साल साउनदेखि ४९ प्रतिशत शेयर स्वामित्व लिएर एस.एस.जी. इन्भेष्टमेन्ट कम्पनीमार्फत अल्कामा इन्ट्री भएका हुन् । जहाँ कुमार थापाको ५१ प्रतिशत अर्थात् १४ लाख ९५ हजार ३ सय ६४ कित्ता र रामेश्वरको एक कित्ता कम शेयर स्वामित्व रहेको छ । करिब ५० प्रतिशत लगानीका सञ्चालकलाई जानकारी नै नदिएर थापा दम्पतीले अस्पताल सञ्चालन गर्ने नाममा आर्थिक लगायतका सम्पूर्ण काम कारवाही आफू खुशी गर्न थालेपछि सञ्चालकबीच असन्तुष्टि चुलिँदै गएर विवाद कम्पनी रजिष्ट्रारको कार्यालयसम्म पुगेको हो ।
अस्पतालको आर्थिक लगायतका काम कारवाही विवादित देखिएको बताइन्छ । समाचार स्रोतका अनुसार रामेश्वर थापाको किर्ते दस्तखत गरी २०७७/०७८ को वार्षिक साधारण सभा सम्पन्न एवं सञ्चालक समिति गठन गरेको देखिएपछि यो प्रकरणले उजुरीको रुप लिएको हो । अल्काको सञ्चालक समितिमा तिलकबहादुर पुवाँर थापा (कुमार) अध्यक्ष, विद्या श्रेष्ठ थापा उपाध्यक्ष र निर्देशकका रूपमा क्याप्टेन रामेश्वर थापा छन् । थापाले आफ्नो तर्फबाट दुई जना शेयरधनी हुनुपर्ने र शेयर स्वामित्व ५०/५० प्रतिशत हुनुपर्ने माग राखेर उजुरी दिएका थिए । वार्षिक १० करोड बढी मुनाफा आर्जन गर्दै आइरहेको अल्कामा कुमार थापासँग सो शेयर संरचनामा बराबरी हैसियत र सञ्चालक समितिमा समान सुविधा माग्दै उनी त्रिपुरेश्वर बोकेर पुगेका हुन् ।
यसै विषयमा जानकारी लिन अस्पतालका अध्यक्ष समेत रहेका सञ्चालक कुमार थापा उर्फ तिलक थापा र अर्का सञ्चालक विद्या श्रेष्ठसँग सम्पर्क गर्न खोज्दा उनीहरूको पनि मोवाइल स्वीचअफ पाइयो भने कम्पनी सचिव राजु थापाले सञ्चालकबीच विवाद रहेको स्वीकार गरे । उनले भने ‘सञ्चालकबीच विवाद रहेको पक्कै हो, पछिल्ला दुई बैठकमा रामेश्वरजी आउनु भएको छैन । सञ्चालक बीचको यो विवाद किर्ते र ठगीको सन्दर्भमा प्रहरीको क्षेत्राधिकारभित्र पर्छ पर्दैन, त्यो मलाई थाहा भएन ।’
स्मरणीय छ, अल्का अस्पतालका अध्यक्ष मानिएका कुमार थापा विभिन्न प्रकरणमा पटक पटक विवादमा छाइरहने व्यक्ति हुन् । यदि किर्ते तथा ठगी प्रकरण सही ठहरियो भने उनीमाथि कैदसम्मको सजाय हुन सक्छ ।
Comments
अरु समाचार
-
आउँदो बिहीवारसम्म मौसम बदली र पानी पर्ने सम्भावना
काठमाण्डौ । आउँदो बिहीवारसम्म नै मौसम बदली र पानी पर्ने सम्भावना रहेकाले मौसमविद्ले मुख्यगरी धानखेती गरेका किसानलाई सतर्कता र सावधानी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
सहकारीको रकम हिनामिना छानबिन समितिको प्रतिवेदन सार्वजनिक (पूर्णपाठ सहित)
काठमाडौं । सहकारी संस्थाहरुको रकम हिनामिनाबारे सरकारले गठन गरेको संसदीय छानबिन समितिको प्रतिवेदन सार्वजनिक भएको छ । प्रतिनिधि सभाले छानबिन...
-
राष्ट्रपतिसमक्ष वित्त आयोगको प्रतिवेदन पेस
काठमाडौं । राष्ट्रपति रामचन्द्र पौडेल समक्ष राष्ट्रिय प्राकृतिक स्रोत तथा वित्त आयोगको वार्षिक प्रतिवेदन पेस गरिएको छ । राष्ट्रपति भवन...
-
रुपा चक्रपथ दोस्रो खण्डको शिलान्यास
काठामाडौं । रुपा गाउँपालिकामा निर्माणाधीन चक्रपथको दोस्रो खण्डको शिलान्यास गरिएको छ । गण्डकी प्रदेशका पूर्व मुख्यमन्त्री खगराज अधिकारी र गण्डकी...
-
कार्यवाहक प्रधानमन्त्रीको जिम्मेवारी उपप्रधानमन्त्री सिंहलाई
काठमाडौं । राष्ट्रपति रामचन्द्र पौडेलले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक काम उपप्रधानमन्त्री एवं सहरी विकासमन्त्री प्रकाशमान सिंहले सम्हाल्ने गरी...
-
मध्यपूर्वमा बढ्यो युद्धको खतरा, इजरायलद्वारा लेबनानमाथि सयभन्दा बढी रकेट आक्रमण
काठमाडौं । मध्यपूर्वमा युद्धको खतरा बढेर गएको छ । लेबनानमा मङ्गलवार र बुधवार भएको वाकीटकी र पेजर विस्फोट पछि बिहीवार...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
सुरु भयो पदयात्राको याम
काठमाडौं । शरद ऋतुसँगै पदयात्रा पर्यटनको मुख्य याम सुरु भएको छ । असोज–कात्तिक र चैत–वैशाखको याम पदयात्राका लागि अत्यन्त राम्रो...