संस्थाविरुद्ध भ्रामक समाचार सम्प्रेषण गरियोः अध्यक्ष शर्मा, सिवाईसी नेपाल लघुवित्त संस्था
काठमाडौं । सिवाईसी नेपाल लघुवित्त वित्तीय संस्था लिमिटेडले एक सञ्चारमाध्यमले संस्थाका विरुद्ध भ्रामक समाचार लेखेको भन्दै गम्भीर ध्यानाकर्षण भएको जनाएको छ । संस्थाका अध्यक्ष पद्मनाथ शर्माले सोमवार एक विज्ञप्ति प्रकाशित गर्दै विभिन्न मितिमा संस्था र संस्था प्रमुखका विरुद्ध पटकपटक प्रकाशित तथ्यहिन समाचारप्रति गम्भीर ध्यानाकर्षण भएको उल्लेख गरेका छन् ।
एक अनलाईन पत्रिकाले आचारसंहिताको सामान्य मूल्य, मान्यता र धर्म समेतको पालना नगरी संस्थाका सञ्चालक समिति तथा संस्था प्रमुखविरुद्ध आम जनसमुदायमा दिगभ्रमित पार्ने खालका झूठा, भ्रामक तथा तथ्यहिन समाचार समप्रेषण गरेकोे विज्ञप्तिमार्फत जनाइएको छ । ‘संस्था र सम्वन्धित व्यक्तिसँग कुनै किसिमको बाईट तथा प्रतिक्रिया नलिई एकपक्षीय ढंगले लगाइएको आरोप भ्रमित, व्यक्तिगत चरित्र हत्या गर्ने, बदनाम गर्ने बाहेक अरु केही नदेखिएको भन्दै यस प्रकारका भ्रामक समाचारप्रति संस्था खेद प्रकट गर्दछ’, अध्यक्ष शर्माले विज्ञप्तिमार्फत जनाएका छन् ।
समाचारमा भनिएजस्तो संस्थाले वित्तीय अनुशासनविपरीत कार्यहरु गरेको, नेपाल राष्ट्र बैंकबाट जारी निर्देशनहरुको पालना नगरेको, पदीय दुरुपयोग गरी भ्रष्टाचारजन्य गतिविधिहरु भएको तथा संस्थागत सुशासन कमजोर भएका जस्ता विषयहरु निराधार र तथ्यहिन रहेका अध्यक्ष शर्माले जनाएका छन् । सिवाईसी एक सार्वजनिक संस्था (पव्लिक कम्पनी) भएको हुँदा कम्पनी ऐन, बैंक तथा वित्तीय संस्था सम्वन्धि ऐन, नेपाल राष्ट्र बैंकले विभिन्न समयमा प्रदान गर्ने निर्देशन लगायत संस्थाका आन्तरिक नीति-नियम र कार्यविधिहरुको अधिनमा रहि सञ्चालनमा रहेको व्यहोरा पनि विज्ञप्तिमा उल्लेख छ ।
समय/समयमा नेपाल राष्ट्र बैंक लगायतका नियामक निकायहरुबाट स्थलगत र गैरस्थलगत निरीक्षण कार्य भएको संस्थाको दाबी छ । यस्तै वार्षिकरुपमा वाह्य लेखापरीक्षण सम्पन्न गरी वित्तीय विवरण सार्वजनिक गर्नुका साथै छुट्टै आन्तरिक लेखापरीक्षण विभागले संस्थागत सुशासन कायम गर्न कुनै कसर बाँकी नराखेकाले संस्था र संस्था प्रमुखविरुद्ध आएका समाचारलाई लिएर कुनै पनि गलत धारणा नबनाउन शेयरधनी, ग्राहक सदस्य तथा संस्थासँग प्रत्यक्ष वा परोक्ष सरोकार राख्ने सम्वन्धित सबैमा अनुरोध पनि गरिएको छ ।
संस्थाबाट कुनै कमिकमजोरी भएको भए स–प्रमाण औँल्याईदिन पनि अध्यक्ष शर्माले आग्रह गरेका छन् ।
Comments
अरु समाचार
-
समस्याग्रस्त घोषित सहकारीको दायित्व भुक्तानी गर्न सार्वजनिक सूचना
काठमाडौं । समस्याग्रस्त सहकारी व्यवस्थापन समितिको कार्यालयले समस्याग्रस्त घोषित सहकारी संस्थाका ऋणीलाई १५ दिनभित्र दायित्व भुक्तानी गर्न सार्वजनिक सूचनामार्फत आह्वान...
-
नेपाल वायुसेवा निगमद्वारा छ अर्ब ३२ करोड ऋण भुक्तानी
काठमाडौं । नेपाल वायुसेवा निगमले हालसम्म विमानको छ अर्ब ३२ करोड ८५ लाख ९७ हजार पाँच सय ३३ ऋण भुक्तानी...
-
सुनको मूल्य तोलामा रु छ सयले वृद्धि
काठमाडौं । स्थानीय बजारमा आज सुनको मूल्य तोलामा रु छ सयले वृद्धि भएको छ । नेपाल सुनचाँदी व्यवसायी महासङ्घका अनुसार...
-
भैरहवा विमानस्थलबाट तीन कम्पनीले अन्तर्राष्ट्रिय उडान सुरु गर्दै
भैरहवा । भैरहवास्थित गौतम बुद्ध अन्तर्राष्ट्रिय विमानस्थलबाट आगामी महिनादेखि सेवा सुरु गर्न दुई अन्तर्राष्ट्रिय एअरलाइन्स कम्पनीले उडान तालिका स्वीकृत गराएको...
-
पर्यटन प्रवर्द्धन गर्न बृहत् हतुवागढी महोत्सव हुने
काठमाडौं । स्थानीय जातजातिको संस्कार र संस्कृतिको प्रचारप्रसारका साथै पर्यटन प्रवर्द्धन गर्ने उद्देश्यले आगामी कात्तिक ३ देखि १७ गतेसम्म बृहत्...
-
यस्तो छ आजका लागि विदेशी मुद्राको विनिमय दर
काठमडौं । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार आजका लागि...
-
भदौ महिनामा भित्रियो दुई खर्ब ६३ अर्ब विप्रेषण
काठमाडौं । चालु आर्थिक वर्ष २०८१/८२ को भदौ महिनामा रु दुई खर्ब ६३ अर्ब १४ करोड विप्रेषण भित्रिएको छ ।...
-
यस्तो छ आजका लागि विदेशी मुद्राको विनिमय दर
काठमाडौं । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार आज अमेरिकी...
-
महेन्द्रनगर दसैँ बजारमा तीन करोडको कारोबार
काठमाडौं । दसैँका अवसरमा जनकपुरधामस्थित गोपाल धर्मशाला परिसरमा आयोजित सस्ता बजारमा यस वर्ष रु तीन करोडको कारोबार भएको छ ।...