गुणस्तरीय शिक्षाका लागि संखुवासभाका स्थानीय तहका जनप्रतिनिधिसँग अन्तरक्रिया
संखुवासभा । संखुवासभा सदरमुकाम खाँदबारीमा युनाइटेड वर्ल्ड स्कूल (युडब्लुएस) नेपालले गुणस्तरीय शिक्षा लागि जिल्लाका स्थानीय तहका जनप्रतिनिधिसँग अन्तरक्रिया गरेको छ । आधुनिक प्रविधिसहितको गुणस्तरीय शिक्षा लागि युडब्लुएस संखुवासभाले स्थानीय तहका जनप्रतिनिधि र सरोकारवाला निकायसँग अन्तरक्रिया गरेको हो । गुणस्तरीय शिक्षाको प्रवर्द्धनमा युडब्लुएस नेपाल र स्थानीय तहको भूमिकाबारे अन्तरक्रिया गरेको जनाएको छ ।
आधुनिक प्रविधिसहित अध्ययन तथा सिकाइ विधिको माध्यमबाट ग्रामिण तथा सिमान्तकृत समुदायका बालबालिकाहरुलाई गुणस्तरीय शिक्षा प्रदान गर्नका लागि संखुवासभाका स्थानीय तहका जनप्रतिनिधि र सरोकारवाला निकाय सँग युडब्लुएस नेपालका अध्यक्ष खेमराज खड्काले जानकारी दिए ।
सामुदायिक विद्यालयअन्तर्गत आधारभूत तहमा अध्ययनरत बालबालिकाको शिक्षालाई गुणस्तरीय बनाउने उद्देश्य राखेर संस्थाले आफ्नो गतिविधि गर्दै आएको अध्यक्ष खड्काले बताए । युनाइटेड वर्ल्ड स्कूलले नेपालको शैक्षिक गुणस्तर अभिवृद्धिका लागि संचालन गरेका परियोजनाको उद्देश्यहरु प्रस्तुत गर्दै गुणस्तरीय शिक्षा प्रवर्द्धनमा स्थानीय तहका जनप्रतिनिधिसँग सुझाव समेत संकलन गरेको छ । कायक्रममा गुणस्तरीय शिक्षा प्रवर्द्धनमा टेवा पुर्याउने उद्देश्यसहित युडब्लुएस नेपालले आफ्नो परियोजना (कार्यक्रम) सञ्चालन गरी भौतिक पूर्वाधार लगायतमा लगानी गर्नेबारे जानकारी गराइएको थियो ।
२०७२ सालमा स्थापना भएको संस्थाले हाल सङ्खुवासभा, गुल्मी र ताप्लेजुङ जिल्लामा ७६ वटा विद्यालय भवन निर्माण गरिसकेको संस्थाका शिक्षा विभाग प्रमुख आशिष अधिकारीले जानकारी दिए । परियोजना कार्यान्वयन संस्था र सम्बन्धित स्थानीयबीच सहकार्य र साझेदारीमा गरिने बताइएको छ ।
परियोजनाअन्तर्गत भवन निर्माण गर्दा आधारभूत तहको कक्षा १–५ सम्मको विद्यालयमा आठ कोठे र १–८ कक्षा सञ्चालित विद्यालयमा ११ कोठे भवन निर्माण गर्ने गरेको अधिकारीले जानकारी दिए । प्रविधिसहितको सिकाइ, खेलकुद सामग्री, दक्ष शिक्षकका लागि तालिम र बिद्यार्थी सहयोग कार्यक्रमसहितका गतिविधि पनि संस्थाले गर्ने उनको भनाइ छ ।
हाल परियोजना कार्यान्वयनमा रहेका जिल्लाबाहेक भोजपुर, धनकुटा, तनहुँ र हुम्लामामा विस्तार गर्ने तयारी रहेको युडब्लुएसले जनाएको छ । पाँच वर्षपछि युडब्लुएसले विद्यालयलाई समुदायमा हस्तान्तरण गर्ने गरेको छ । हाल सम्म १३ विद्यालय हस्तान्तरण गरी सकेको संस्थाले जनाएको छ ।
Comments
अरु समाचार
-
कोशी प्रदेश योजना आयोगको उपाध्यक्षमा राजेन्द्र अधिकारी नियुक्त
काठमाडौं । कोशी प्रदेश योजना आयोगको उपाध्यक्षमा डा राजेन्द्र अधिकारी नियुक्त भएका छन् । कोशी प्रदेश सरकार मन्त्रिपरिषद्को आजको बैठकले...
-
पाथीभरा केबलकार निर्माणको विरोधमा दुइ दिन तमोर कोरिडोर बन्द
काठमाडौं । पाथीभरा केबलकार निर्माण विरोध गर्दै आज र भोलि तमोर कोरिडोर बन्द घोषणा भएको छ । विभिन्न ६ संस्थाले...
-
कोशीका मुख्यमन्त्री कार्कीले आज विश्वासको मत लिदै
काठमाडौं । कोशी प्रदेशका मुख्यमन्त्री हिक्मतकुमार कार्कीले आज विश्वासको मत लिने भएका छन् । प्रदेश प्रमुख परशुराम खापुङले कोशी प्रदेशसभाको...
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
कोशी प्रदेशको मुख्यमन्त्रीमा हिक्मत कार्की नियुक्त
विराटनगर । नेकपा एमाले कोशी प्रदेश संसदीय दलका नेता हिक्मतकुमार कार्की कोशी प्रदेशकाे मुख्यमन्त्री नियुक्त भएका छन् । एमाले र...
-
कोशीको मुख्यमन्त्रीमा हिक्मत कार्कीको दाबी पेश
काठमाडाैं । कोशी प्रदेशको मुख्यमन्त्रीमा हिक्मतकुमार कार्कीको दाबी पेश भएको छ। नेकपा एमाले र माओवादी केन्द्रका ५२ प्रदेशसभा सदस्यको हस्ताक्षरसहित...
-
सर्वोच्च जाने तयारीमा केदार कार्की
काठमाडाैँ । प्रदेश प्रमुखको कार्यालयले नयाँ सरकार गठनको आह्वान गरेसँगै कोशी प्रदेशका मुख्यमन्त्री केदार कार्की अदालत जाने तयारीमा रहेका छन्।...
-
तुम्लिङटार विमानस्थलमा बाह्र दिनदेखि उडान ठप्प
काठमाडाैँ । सङ्खुवासभाको तुम्लिङटार विमानस्थलमा १२ दिनदेखि उडान ठप्प भएको छ। विमानस्थल तुवाँलोले ढाकेपछि १२ दिनदेखि उडान ठप्प भएको हो। वैशाख...