ताजा समाचार

सेनाकाे जहाजमा गाउँ लगियाे सुजन र वीरेन्द्रकाे शव

समाचार
- न्युज नेपाल
       

काठमाडाैँ । ललितपुरकाे बालकुमारीमा प्रहरीसँगकाे झडपमा ज्यान गुमाएका दुई युवाकाे शव अन्तिम संस्कारका लागि उनीहरूकाे घरतर्फ पठाइएकाे छ ।

बालकुमारी झडपमा परी निधन भएका अछामका वीरेन्द्र शाह र दैलेखका सुजन रावतकाे शव आज त्यसतर्फ पठाइएकाे हाे । दुवै जनाकाे शव नेपाली सेनाकाे जहाजमार्फत काठमाडाैंबाट पठाइएकाे हाे ।

दुवै जनाकाे शव सुर्खेतसम्म सेनाकाे जहाज र त्यहाँबाट हेलिकाेप्टरमार्फत सम्बन्धित गाउँसम्म पुर्‍याइने बताइएकाे छ । सरकारसँग चार बुँदे सहमति भएपछि दुवै परिवारले साेमबार साँझ शव बुझेका थिए ।

दुवैकाे शव घरसम्म पुर्‍याउने व्यवस्था सरकारले मिलाउने सहमति भएकाे थियाे ।

Comments

प्रकाशित मिति : 2024-01-02

अरु समाचार

© NewsNepal 2018 - All Right Reserved.
newsnepal.com 2017.hlon.org