‘नमस्ते काठमाडौं’ लेख्दै नेपाल उत्रिए भारतीय विदेशमन्त्री

समाचार

- न्युज नेपाल

काठमाडाैँ । भारतीय विदेशमन्त्री एस जयशंकर काठमाडौं आइपुगेका छन् ।

नेपाल-भारत परराष्ट्र मन्त्रीस्तरीय संयुक्त आयोगको बैठकमा सहभागी हुन उनी केही बेरअघि काठमाडौं आइपुगेका हुन् ।

भारतीय वायु सेवाको विशेष विमानमार्फत् आएका जयशंकर नेतृत्वको प्रतिनिधिमण्डललाई त्रिभुवन अन्तर्राष्ट्रिय विमानस्थलमा परराष्ट्र मन्त्री एनपी साउद र परराष्ट्र मन्त्रालयकी सचिव सेवा लम्सालले स्वागत गरेका छन् ।

काठमाडौं पुगेसँगै उनले ‘नमस्ते काठमाडौं’ लेख्दै तस्वीर राखेका छन् । सन् २०२४ को पहिलो भ्रमणमा नेपाल फर्किन पाउँदा खुसी लागेको उनले उल्लेख गरेका छन् ।

उनले आजैदेखि उच्चस्तरीय राजनीतिक भेटवार्ता गर्ने कार्यक्रम छ । आजै उनले राष्ट्रपति, प्रधानमन्त्रीलगायतलाई भेट्ने कार्यक्रम छ ।आजै दिउँसो परराष्ट्र मन्त्रिस्तरीय आयोगको बैठक बस्दैछ ।

बेलुका परराष्ट्रमन्त्री एनपी साउदले आयोजना गर्ने रात्रिभोजमा उनी सहभागी हुनेछन् । शुक्रबार बिहान पशुपतिनाथ मन्दिरमा पूजा गरेपछि उनी भारत फर्किने कार्यक्रम छ ।

नमस्ते काठमाडौँ

Happy to be back in Nepal for my first visit of 2024.

Looking forward to the engagements over the next two days. pic.twitter.com/YMddPDbkwk

— Dr. S. Jaishankar (@DrSJaishankar) January 4, 2024