ताजा समाचार

माधव नारायण तथा स्वस्थानी व्रतकाे मेला सुरु (तस्बिरहरू)

समाचार
- न्युज नेपाल
       

काठमाडौं । काठमाडौंकाे सांखुस्थित शाली नदीमा माधव नारायण तथा स्वस्थानी मेलाको व्रत सुरु भएकाे छ। बिहीबारदेखि व्रतमेला सुरु भएकाे हाे।

पौष शुक्ल पूर्णिमादेखि सुरु भएकाे व्रत माघ शुक्ल पूर्णिमासम्म एक महिना जारी रहने छ।

व्रतमेला सुरु भएसँगै भक्तजनहरू माघ स्नान गर्ने र अधिकांश हिन्दुले घरमा सात्विक भावले श्रद्धा भक्तिपूर्वक श्री स्वस्थानीको पूजा आराधना गरी स्वस्थानी कथा सुन्ने र सुनाउने गरिन्छ।

व्रत बस्ने व्यक्तिले व्रत सुरु हुनु अघिल्लो दिनदेखि निराहार बस्नुपर्ने, बिहानै त्रिवेणीमा स्नान गरी चोखो जल तथा पूजा सामाग्रीले पूजा गर्नुपर्ने, शङ्ख जल ग्रहण गरी मन्त्रोच्चारण गर्नुपर्ने, शङ्ख जल ग्रहण गरेपछि कसैलाई छुन नहुने तथा जुत्ता लगाउन नहुने परम्परा रहेको छ।

स्वस्थानी व्रतका बेला विभिन्न ठाउँमा मेलासमेत लाग्ने गर्दछ।

Comments

प्रकाशित मिति : 2024-01-25

अरु समाचार

© NewsNepal 2018 - All Right Reserved.
newsnepal.com 2017.hlon.org