आफ्नै अभिव्यक्तिका कारण चौतर्फी विवादमा कोशीका मुख्यमन्त्री
काठमाडौं । कोशी प्रदेशका मुख्यमन्त्री केदार कार्की पछिल्लो समय आलोचनाको घेराबन्दीमा परेका छन् । कार्कीले सार्वजनिक मञ्चबाट दिएको अभिव्यक्तिका कारण चर्को आलोचनाको सिकार बनेका हुन् ।
गत सोमबार मोरङको सुन्दरहरैंचास्थित साँजीलाल माविको वार्षिकोत्सवमा उनले आफू विद्यार्थीकालमा सधै लास्ट बेन्तर भएर पनि मुख्यमन्त्री बनेको तर फस्ट बेन्चर खरिदार भएर आफ्नो भुँडीमात्र भर्न ठिक्क भएको भनेर सारै निम्छरो टिप्पणी गरेका थिए । सार्वजनिक कार्यक्रमा आफ्नो पद र मर्यादाको सामान्य हेक्का समेत नराखी कार्कीले गरेको भाषणको कर्मचाीहरु मात्र नभएर राजनीतिकर्मीहरुलाई समेत चित्तबुझेको छैन् । उनले मिहिनेत गरेर अध्यायन गर्ने, अनुसाशीत, नियमित विद्यालय आउने र पहिलो स्थानमा बस्न रुचाउने विद्याथीका साथै, सरकारी जागीर खाएर राष्ट्रको सेवा गर्ने सोच भएका विद्यार्थीहरुलाई अबहेलना गरेको प्रष्ट देखिन्छ ।
कार्कीले आफूहरूको आत्मसम्मानमा चोट पुग्ने गरी अभिव्यक्ति दिएको भन्दै निजामती कर्मचारीका विभिन्न चार संगठनद्वारा उनले आफ्नो अभिव्यक्तिमा क्षमायाचना नगरे आन्दोलन गर्ने चेतावनी दिएका छन् । ‘म कक्षामा लास्ट बेन्चर हुँ, फस्ट बेन्चमा बस्नेले केवल लेख्न र पढ्नमात्र जान्यो,’ उनले भनेका थिए, ‘कसरी लोकसेवा पास गर्ने र भुँडी भर्ने मात्र जान्यो, ऊ अहिले खरिदार छ, म मुख्यमन्त्री छु ।’
कांग्रेसनिकट नेपाल निजामती कर्मचारी युनियन कोशीका अध्यक्ष मानबहादुर वन, एमालेनिकट निजामती कर्मचारी संगठन कोशीका अध्यक्ष काशीराज पराजुली, माओवादी केन्द्रनिकट कर्मचारी संगठन कोशीका अध्यक्ष रुद्र सुवेदी र एकीकृत समाजवादीनिकट कर्मचारी संगठन कोशीका कार्यवाहक अध्यक्ष योगेश्वर खनालले संयुक्त विज्ञप्ति जारी गर्दै मुख्यमन्त्री कार्कीको उक्त अभिव्यक्ति गैरजिम्मेवार, अपरिपक्व र आपत्तिजनक भएको उल्लेख गर्दै क्षमायाचनाको माग गरेका छन् ।
त्यतिमात्र हैन् कार्कीले तीन दिनअघि चार मन्त्री र दुई राज्यमन्त्री नियुक्त गर्दा सहमति र सहकार्यविपरीत गएको भन्दै सत्तारूढ समाजवादी र कांग्रेसको संसदीय दलले तीव्र आलोचना गरिरहेको छ । उनले कांग्रेसबाट दुई मन्त्री र दुई राज्यमन्त्री तथा माओवादी केन्द्रबाट दुई मन्त्री नियुक्त गरेका थिए । त्यसमा असन्तुष्टि जनाउँदै कांग्रेस नेता उद्धव थापा र समाजवादी संसदीय दलका नेता राजेन्द्र राईले कार्कीलाई काँध थाप्न नसकिने बताएका थिए ।
एमालेको समर्थनमा मुख्यमन्त्री भएलगत्तै कार्कीले एमालेका रामबहादुर मगर र कांग्रेसका शमशेर राईलाई समेटेर मन्त्रिपरिषद् विस्तार गरेका थिए । त्यसमाथि मुख्यमन्त्री कार्कीले दुई साताअघि मात्रै प्रदेश सांसद र पदाधिकारीलाई सुविधा दिने गरी चोरबाटोबाट अध्यादेश ल्याएको भन्दै एमाले उनीसँग थप बिच्केको हो । अध्यादेश फिर्ता नलिए समर्थन फिर्ता लिएर अन्य विकल्पको खोजी गर्ने एमाले संसदीय दलका प्रमुख सचेतक रेवतीरमण भण्डारीले चेतावनी नै दिइसकेका छन् ।
Comments
अरु समाचार
-
कोशीका मुख्यमन्त्री कार्कीले आज विश्वासको मत लिदै
काठमाडौं । कोशी प्रदेशका मुख्यमन्त्री हिक्मतकुमार कार्कीले आज विश्वासको मत लिने भएका छन् । प्रदेश प्रमुख परशुराम खापुङले कोशी प्रदेशसभाको...
-
केही पहाडी उच्च स्थानमा हिमपात र केही ठाउँमा वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल नेपालमा स्थानीय र पश्चिमी वायुका साथै भारतको बिहार आसपास...
-
एक सातासम्म मेघगर्जनसहित पानी पर्ने,चट्याङबाट जोगिन विज्ञको आग्रह
काठमाडौं । अहिले नेपालमा सक्रिय मौसमी प्रणाली आगामी केही दिनसम्म रहने भएकाले यो साताभरि नै देशका विभिन्न भागमा मेघगर्जनसहित पानी...
-
कोशी प्रदेशको मुख्यमन्त्रीमा हिक्मत कार्की नियुक्त
विराटनगर । नेकपा एमाले कोशी प्रदेश संसदीय दलका नेता हिक्मतकुमार कार्की कोशी प्रदेशकाे मुख्यमन्त्री नियुक्त भएका छन् । एमाले र...
-
कोशीको मुख्यमन्त्रीमा हिक्मत कार्कीको दाबी पेश
काठमाडाैं । कोशी प्रदेशको मुख्यमन्त्रीमा हिक्मतकुमार कार्कीको दाबी पेश भएको छ। नेकपा एमाले र माओवादी केन्द्रका ५२ प्रदेशसभा सदस्यको हस्ताक्षरसहित...
-
सर्वोच्च जाने तयारीमा केदार कार्की
काठमाडाैँ । प्रदेश प्रमुखको कार्यालयले नयाँ सरकार गठनको आह्वान गरेसँगै कोशी प्रदेशका मुख्यमन्त्री केदार कार्की अदालत जाने तयारीमा रहेका छन्।...
-
तुम्लिङटार विमानस्थलमा बाह्र दिनदेखि उडान ठप्प
काठमाडाैँ । सङ्खुवासभाको तुम्लिङटार विमानस्थलमा १२ दिनदेखि उडान ठप्प भएको छ। विमानस्थल तुवाँलोले ढाकेपछि १२ दिनदेखि उडान ठप्प भएको हो। वैशाख...
-
आजको राशिफल: २०८१ वैशाख १८ गते मंगलवार
मेष: भूमि,वाहन र पैत्रिक सम्पत्तिबाट लाभ मिल्नेछ। व्यापारमा पनि प्रशस्त फाइदा हुनेछ। काम बन्नेछ र महत्त्वपूर्ण वस्तु लाभ हुनेछ। सहयोगीहरूले...
-
विराटनगरमा विद्युतीय गाडी उत्पादन गर्न कोशी एनके मोटर्स र चिनियाँ कम्पनीबीच सम्झौता
विराटनगर । विराटनगरमा कोशी एनके मोटर्सले विद्युतीय गाडी उत्पादन गर्ने भएको छ । चिनियाँ कम्पनीसँगको साझेदारीमा एनके मोटर्सले विद्युतीय गाडी...