मस्कोमा अन्तर्राष्ट्रिय रुसोफाइल आन्दोलनको दोस्रो कंग्रेस सम्पन्न, १३० भन्दा बढी देशका प्रतिनिधि सहभागी
मस्को । अन्तर्राष्ट्रिय कंग्रेस रुसोफाइल मुभमेन्ट (आईएमआर) र फोरम अन मल्टिपोलारिटीको दोस्रो कंग्रेस सोमबार मस्कोमा सम्पन भएको छ । यो कार्यक्रम लोमोनोसोभ इनोभेसन क्लस्टरमा आयोजना गरिएको हो ।
कंग्रेसले एसिया,अफ्रिका,ल्याटिन अमेरिका र उत्तरी अमेरिकाका बुद्धिजीवीहरू एकैठाउँमा ल्याएको छ । रूसी विदेश मन्त्रालयका प्रवक्ता मारिया जाखारोभा,रूसी दार्शनिक प्रोफेसर डा. अलेक्जेन्डर दुगिन र मिडिया समूहका अध्यक्ष जारग्राद कोन्स्टान्टिन मालोफीभ समारोहका प्रमुख वक्ताहरु थिए ।
यस्तै रूसी संघका विदेशमन्त्री सेर्जेई लाभरोभले पनि अन्तर्राष्ट्रिय कंग्रेस रुसोफाइल मुभमेन्ट कार्यक्रममा सम्बोधन गरेका थिए । राष्ट्रपति भ्लाभिमिर पुटिनले भने शुभकामना सन्देश पठाएका थिए । उनको सन्देश पढेर सुनाइएको थियो । अन्तर्राष्ट्रिय रुसोफिल आन्दोलन कंग्रेसमामा नेपालबाट मोहन ज्ञवालीको सहभागिता रहेको थियो ।
सम्मेलनमा बहुध्रुवीय विश्व व्यवस्था,संस्कृति र सभ्यताको संवाद,परम्परागत मूल्यमान्यताको संरक्षण,पश्चिमा आधिपत्यको विरोधलगायत विषयमा छलफल भएको रूसी सञ्चारमाध्यमहरूले जनाएका छन् । यस्तै पश्चिमा आधिपत्य र संस्कृति लोपको विपक्षमा पनि गहन छलफल भएको थियो । मार्च २०२३ मा अन्तर्राष्ट्रिय रुसोफाइल आन्दोलनको सम्मेलनको सुरुवात भएको थियो । यस वर्षको कार्यक्रम फेब्रुअरी २६ देखि सुरु भएर दुई दिनसम्म सञ्चालन भयो । यो प्लेटफर्मले १३१ देशका मानिसहरूलाई एकताबद्ध गरेको छ । सम्मेलनमा बहुध्रवीय विश्व व्यवस्थाका सम्बन्धमा गहन विचार-विमर्श भएको छ ।
यसैबीच रुसका राष्ट्रपति भ्लादिमिर पुटिनले अन्तर्राष्ट्रिय कंग्रेसको रुसोफाइल मुभमेन्टको दोस्रो महाधिवेशन सफलताको कामना गर्दै आयोजक र सहभागीहरूलाई शुभकामना सन्देश पठाएका छन् । राष्ट्रपति पुटिनको सन्देशमा लेखिएको छ, ‘तपाईंको मञ्चले सबै महादेशका १३० भन्दा बढी देशका सयौं प्रतिनिधिहरूलाई एकसाथ ल्याएको छ। यो व्यापक प्रतिनिधित्वले स्पष्ट रूपमा देखाउँछ कि अन्तर्राष्ट्रिय रुसोफाइल सार्वजनिक आन्दोलन आत्मविश्वासका साथ बढिरहेको छ र यसले नयाँ समर्थकहरू प्राप्त गर्दैछ।’
यस्तै शुभकामना सन्देशमा उनले ‘रुसोफाइल मुभमेन्टले रूसलाई अन्तर्राष्ट्रिय रूपमा एक्ल्याउने सामूहिक पश्चिमको प्रयासको सामना गर्न विदेशमा हाम्रो देशको बारेमा वस्तुनिष्ठ र विश्वसनीय जानकारी फैलाउन मद्दत गर्दछ । साथै प्रोपोगान्डाद्वारा सिर्जना गरिएको रूस विरोधी अनुमानहरू र मिथकहरू हटाउन मद्दत गर्दछ।’ भनेका छन् ।
पुटिन शुभकामना सन्देशमा लेख्छन्, ‘यस आन्दोलनका महान गतिविधिहरूले मित्रता र पारस्परिक सम्मानको परम्पराको संरक्षण र सुदृढीकरण गर्न मद्दत गर्दछ जसले रूसीहरूलाई अन्य राष्ट्रहरूसँग जोड्दछ । यसले रूसी विश्वलाई एकताबद्ध गर्न, हाम्रो राष्ट्रिय संस्कृति र यसका उपलब्धिहरूलाई बढावा दिनुका साथै विश्वमा हाम्रो मानवीय उपस्थिति विस्तार गर्न मद्दत गर्दछ।’
Comments
अरु समाचार
-
चीनले चन्द्रमाको टाढाबाट नमूना संकलन गर्न अनुसन्धान सुरु गर्यो
वेनचाङ ।चीनले चन्द्रमाको टाढाबाट नमूना सङ्कलन गर्नका लागि अनुसन्धान सुरु गरेको छ । यो अनुसन्धान विश्वमा पहिलो पटक हो ।...
-
राजदूत पौड्यालद्वारा क्यानडाकी गभर्नर जनरलसमक्ष ओहोदाको प्रमाणपत्र पेश
काठमाडौं । क्यानडाका लागि नेपालका राजदूत भरतराज पौड्यालले त्यहाँका गभर्नर जलरल मेरी जे मे सिमनसमक्ष आफ्नो ओहोदाको प्रमाणपत्र पेश गरेका...
-
अफगान मस्जिदमा बन्दुक आक्रमणमा छ जनाको मृत्यु
काठमाडौं । पश्चिमी अफगानिस्तानमा बन्दुकधारीले एक मस्जिदमा आक्रमण गर्दा छ जनाको मृत्यु भएको सरकारका एक प्रवक्ताले मङ्गलबार बताएका छन् ।...
-
कोलम्बिया सेनाको हेलिकप्टर दुर्घटना हुँदा नौ सैनिकको मृत्यु
काठमाडौं । उत्तरी कोलम्बियामा सैनिकहरूलाई आपूर्ति गरेर फर्कने क्रममा सोमबार सेनाको हेलिकप्टर दुर्घटना हुँदा त्यसमा सवार नौ सैनिकको मृत्यु भएको...
-
नाइजेरियामा दादुराका कारण १९ बालबालिकाको मृत्यु
काठमाडौं । नाइजेरियाको उत्तरपूर्वी राज्य अदामावामा दादुरा सङ्क्रमणबाट हालसम्म कम्तीमा १९ बालबालिकाको मृत्यु भएको स्थानीय अधिकारीहरूले जानकारी दिएका छन् ।...
-
एम्बाप्पे चम्किँदा पीएसजीको सानदार जित, उपाधिका लागि अब एक जित आवश्यक
काठमाडाैँ । कप्तान केलियन एम्बाप्पे चम्किएको खेलमा पेरिस सेन्ट जर्मेन (पीएसजी) ले फ्रेन्च लिग वानमा सानदार जित हात पारेको छ...
-
फिलिपिन्समा चरम गर्मीका कारण छको मृत्यु
काठमाडौं । फिलिपिन्सको स्वास्थ्य विभाग (डिओएच) ले यस वर्ष जनवरी १ देखि अप्रिल १८ को अवधिसम्ममा छ जनाको मृत्युसहित गर्मीसम्बन्धी...
-
अमेरिकामा टिकटकमाथि प्रतिबन्ध लगाउने विधेयक कांग्रेसद्वारा पारित
काठमाडौं । अत्यन्त लोकप्रिय सामाजिक सञ्जाल एप टिकटकलाई यसको चिनियाँ मूल कम्पनी बाइटडान्सबाट अलग गर्न वा अमेरिकी बजारबाट बन्द गर्नुपर्ने...
-
कतारका अमिर र प्रधानमन्त्री प्रचण्डबीच भेटवार्ता
काठमाडौं । नेपाल भ्रमणमा रहेका कतारका शेख तमिम बिन हमाद अल थानी र प्रधानमन्त्री पुष्पकमल दाहाल ‘प्रचण्ड’बीच भेटवार्ता भएको छ...