श्री एयरलाइन्सले फड्को मार्दै, भारतको तीन सहरमा उडानकाे प्रस्ताव
काठमाडौं ।श्री एयरलाइन्सले भारतको ३ सहरमा उडानको प्रस्ताव गरेको छ। कम्पनीले संस्कृति, पर्यटन तथा नागरिक उड्डयन मन्त्रालयमा ३ भारतीय गन्तव्यमा उडानको लागि प्रस्ताव गरेको हो।पछिल्लो समय धमाधम जहाज थपेर आन्तरिक उडानमा आक्रामक रुपमा प्रस्तुत भएको श्री एयरलाइन्सले भारतका ३ वटा सहरमा एकै पटक उडानको प्रस्ताव गरेको छ।
चाडपर्व सुरु हुनुअगावै नियमित उडान गर्ने कम्पनीको प्रस्तावमा मन्त्रालयले विभिन्न कारण देखाउँदै आएको छ। श्री एयरलाइन्सका कर्पोरेट प्रबन्धक अनिल मानन्धरले मन्त्रालयले उडानको अनुमति दिए असोजबाट उडान गर्ने तयारी रहेको सुनाए। ‘मन्त्रालयसँग छलफल तथा समन्वयकै क्रममा छौँ’, मानन्धरले भने, ‘तत्काल उडान अनुमति दिए असोजबाटै नियमित उडान गर्ने हाम्रो योजना छ।’
कलकत्ता, अहमदावाद र जयपुरमा उडानको लागि मन्त्रालयमा प्रस्ताव पुगेको छ। मन्त्रालयले भारतमा उडान अनुमतिको लागि ४५ दिने सूचना निकाल्नुपर्ने बताउँदै श्री एयरलाइन्सको प्रस्ताव स्वीकृत गरेको छैन। ‘हामीले अन्तर्राष्ट्रिय उडानको लाइसेन्स पाइसकेका छौँ’, मानन्धरले भने, ‘नेपालबाट एयर एम्बुलेन्सको रुपमा श्री एयरलाइन्सले भारतमा धेरैपटक उडान भरिसकेको छ। त्यसैलाई नियमित गर्छौँ भन्दा मन्त्रालयले धेरै प्रक्रियागत कुरा देखाएको छ।’
पछिल्लो समय श्री एयरलाइन्सले राष्ट्रपति रामचन्द्र पौडेल, सांसद चन्द्र भण्डारीलाई एयर एम्बुलेन्सबाट भारतमा उपचारको लागि उडान गरेको थियो। संस्कृति, पर्यटन तथा नागरिक उड्डयन मन्त्रालयकी सहसचिव इन्दु घिमिरेले उडान अनुमतिसम्बन्धी कार्यविधिले ४५ दिने सूचना निकाल्नुपर्ने व्यवस्था भएको हुँदा प्रक्रियागत रुपमा जानुपर्ने बाध्यता रहेको बताइन्।
‘हाम्रो कार्यविधिले ४५ दिने सूचना निकालेर उडान अनुमति दिनु भन्ने व्यवस्था गरेको छ। श्री एयरलाइन्सले चार्टर्ड उडान गरिरहेकाले अनुमति दिइहाल्नुपर्ने बताएको छ’, घिमिरेले भनिन्, ‘कसरी अनुमति दिन सकिन्छ भन्ने छलफलमै छौँ।’श्री एयरलाइन्सले गत चैतयता मात्रै ३ वटा ८० सिटे क्यू ४०० जहाज नेपालमा भित्र्याएको छ। ठूला जहाज उड्ने नेपालका सबै विमानस्थलमा उडान गर्दै भारतमा उडान विस्तार गर्ने कमपनीको लक्ष्य छ।
‘४५ दिनको सूचना निकाली आवेदन मागेर जाँदा सबै प्रक्रिया पूरा गर्दा असोजमा उडान गर्न सकिँदैन’, उनले भने, ‘असोजमा उडान गर्न नसके नियमित गर्न सक्दैनौँ।’ श्री एयरलाइन्सले ११ वटा जहाज पुर्याएको छ। बुद्ध एयरले मात्रै उडान गर्दै आएका भरतपुर, सुर्खेत र धनगढीमा उडान थपेर प्रतिस्पर्धी बनाइरहेको छ।
Comments
अरु समाचार
-
सर्वोच्च अदालतको प्रधानन्यायाधीशमा प्रकाशमान सिंह राउत सिफारिस
काठमाडौं । सर्वोच्च अदालतको प्रधानन्यायाधीशमा प्रकाशमान सिंह राउत सिफारिस भएका छन् । आज बसेको संवैधानिक परिषद्को बैठकले वरिष्ठताका आधारमा उनलाई...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
महासभामा नेपालको शिर ढल्ने वा प्रतिष्ठा तल पर्ने गरी कुनै काम नगर्ने प्रधानमन्त्रीको प्रतिबद्धता
काठमाडौं । प्रधानमन्त्री केपी शर्मा ओलीले संयुक्त राष्ट्रसङ्घको ७९औँ महासभामा भाग लिने क्रममा आफूले नेपालको शिर ढल्ने वा प्रतिष्ठा तल...
-
विश्वकप लिग–२ मा नेपालले आज घरेलु टोली क्यानडासँग प्रतिस्पर्धा गर्दै
काठमाडौं । आईसिसि विश्वकप लिग–२ मा नेपालले आज घरेलु टोली क्यानडासँग प्रतिस्पर्धा गर्दै छ । लिग–२ अन्तरगतको पहिलो खेल आज...
-
राष्ट्रिय नाटक महोत्सव’मा छवटा नाटक मञ्चन गरिँदै
काठमाडौं । वरिष्ठ नाट्यकर्मी हरिप्रसाद रिमालको १००औँ जन्मजयन्तीका अवसरमा आयोजित राष्ट्रिय नाटक महोत्सवमा छ नाटक मञ्चन गरिने छ । हरिप्रसाद...
-
प्रधानमन्त्री ओलीले आज प्रतिनिधि सभाको बैठकमा सम्बोधन गर्दै
काठमाडौं । प्रधानमन्त्री केपी ओलीले सोमबार प्रतिनिधि सभाको बैठकलाई सम्बोधन गर्दैछन्। संघीय संसद् भवनमा दिउँसो १ बजे बस्ने बैठकमा प्रधानमन्त्री...
-
दिक्तेल रुपाकोट मझुवागढी नगरपालिकाद्वारा आठ स्थानीय पाठ्यक्रम लागू
खोटाङ । खोटाङको दिक्तेल रुपाकोट मझुवागढी नगरपालिकाले आठ वटा स्थानीय पाठ्यक्रम तयार पारेर लागू गरेको छ । नगरपालिकाले विसं २०७८...
-
स्वास्थ्यकर्मीको समायोजनसम्बन्धी प्रक्रिया अघि बढाउन अनुमति
काठमाडौँ, ३१ भदौ । स्वास्थ्यकर्मीको व्यवस्थापनका लागि स्वास्थ्य तथा जनसङ्ख्यामन्त्री प्रदीप पौडेलको आठ बुँदे प्रस्ताव मन्त्रिपरिषद्बाट स्वीकृत भएको छ ।...
-
विदेशी मुद्राको विनिमय दर : आज अमेरिकी डलरको मूल्य बढेन
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलरको...