ताजा समाचार

ठोरीमा भारतीय नागरीककोे शव

प्रदेश
-
       

काठमाडौं । पर्सा जिल्लाको ठोरीमा आज बिहान एक भारतीय नागरीककोे शव फेला परेको छ । हत्या गरि झाडीमा फालिएको अवस्थामा ४५ वर्षीय पुरुषको शव फेला परेको ईलाका प्रहरी कार्यालय ठोरीले जनाएको छ ।

ठोरी गाउँपालिका वडा नम्बर ५ बाघमोर्चा पुलको दक्षिण र भारतीय सीमा नजिक आज बिहान स्थानीयले शव देखेपछि प्रहरीलाई खबर गरेका थिए ।

मृतक पुरुष छिमेकी मुलुक भारतको पश्चिमी चम्पारण मानपुर थाना अन्तर्गत चौहाटा निवासी राजदेव माझि रहेको पुष्टि भएको प्रहरीले जनाएको छ ।

घटनाको प्रकृति हेर्दा उनको हत्या गरेर फालिएको हुनसक्ने आशङ्का छ । मृतकको साथबाट मोबाइल र डायरी फेला परेको ईलाका प्रहरी कार्यालय ठोरीका प्रहरी निरीक्षक रन्जित लामाले जानकारी दिए ।

घटनाको बारेमा थप अनुसन्धान भइरहेको प्रहरी निरीक्षक लामाले बताए ।

Comments

प्रकाशित मिति : 2025-02-11

अरु समाचार

© NewsNepal 2018 - All Right Reserved.
newsnepal.com 2017.hlon.org