ज्ञानेन्द्रले अर्को मुर्खता गरे अस्तित्व नै समाप्त हुन्छ: पूर्वप्रधानमन्त्री ‘प्रचण्ड’

Breaking News

काठमाडौं । पूर्वप्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्डले विगतमा ठूला–ठूला गल्ती गरेका पूर्वराजा ज्ञानेन्द्र शाहले फेरि अर्को मुर्खता गरे नेपाली जनाताले अस्तित्व नै समाप्त पारिदीने चेतावनी दिएका छन् ।

हुलाकी राजमार्ग केन्द्रित जनतासँग माओवादी, तराई मधेस जागरण अभियानका क्रममा आज बिहान मर्निङ वाकपछि आयोजना गरिएको पत्रकारसँगको कुराकानीमा उनले राजनीति नै गर्ने भए पार्टी खोलेर चुनावमा आउन सुझाव समेत दिएका छन् ।

पत्रकारहरु सँग बोल्दै उनले भने,‘‘मैले पहिला पनि भनेको छु, ज्ञानेन्द्रले पहिला पनि केहि ठूला–ठूला गल्ति गरेका छन्, मैले त मूर्खता नै गरेको देखेको छु । अब फेरी अर्को मुर्खता गरेर आफ्नो भएको पनि सबै सखाप पार्ने गल्ति नगरुन ।’’

त्यस्तै, प्रचण्डले इतिहास पछाडी फर्काउन सम्भव नरहेको समेत जिकिर गरेका छन् । पत्रकारहरु सँग बोल्दै उनले भने, ‘‘इतिहासको चक्का पछाडी फर्काउन सम्भव छैन् । जबरजस्ती गरे नेपाली जनतालाई सैह्य हुँदैन् ।’’