ताजा समाचार

त्रिवि निमित्त उपकुलपतिको जिम्मेवारी खड्ग केसीलाई

Blog
-
       

काठमाडौं । त्रिभुवन विश्वविद्यालय निमित्त उपकुलपतिको जिम्मेवारी रेक्टर खड्ग केसीलाई दिइएको छ । त्रिवि ऐनमा उपकुलपति रिक्त रहे रेक्टरलाई बढीमा ३ महिनाका लागि निमित्त उपकुलपतिको जिम्मेवारी दिन सकिने व्यवस्था छ ।

उक्त अवधिमा शिक्षा मन्त्रीको संयोजकत्वमा ३ सदस्यीय उपकुलपति छनोट तथा सिफारिस समिति गठन गरि नियुक्तिको प्रक्रिया अघि बढाउनुपर्छ । केसीले प्रधानमन्त्री तथा मन्त्रिपरिषद् कार्यालय पुगेर नियुक्ति पत्र बुझेको जानकारी दिए ।

गत बिहिबार कुलपति ओलीले उपकुलपति केशरजंग बरालले चैत १५ गते दिएको राजीनामा स्वीकृत गरेका थिए । राजीनामा स्वीकृत भए पनि त्यतिबेला निमित्त तोकिएको थिएन ।

बरालले प्रधानमन्त्री केपी ओलीको असहयोग र हस्तक्षेपका कारण राजीनामा दिएको बताएका छन् । उनी २०८० फागुन १० गते उपकुलपति नियुक्त भएका थिए । १३ महिनामा नै उनले राजीनामा दिएका हुन् ।

Comments

प्रकाशित मिति : 2025-04-15

अरु समाचार

© NewsNepal 2018 - All Right Reserved.
newsnepal.com 2017.hlon.org