सत्तारुढ दलका शीर्ष नेताको बैठक बस्दै

Breaking News

काठमाडौं । आज बिहान ११ बजे सत्तापक्षीय दलका शीर्ष नेताहरुको बैठक आज बस्ने भएको छ ।

प्रधानमन्त्रीको सरकारी निवास बालुवाटारमा बस्ने बैठकमा समसामयिक राजनीति, शिक्षक आन्दोलन र आगामी आर्थिक वर्षको नीति तथा कार्यक्रममा नीतिगत विषयमा छलफल हुने बताइएको छ ।

विभिन्न चरणमा वार्ता हुँदा पनि शिक्षक र सरकारबीच सहमति हुन नसकेकाले बैठकवाट सत्ता साझेदार दलले समान धारणा बनाउनेछन् । सरकारको नीति कार्यक्रममा समेटिने विषयमा पनि बैठकमा छलफल हुने बताइएको छ ।

जनतामा निराशा फैलिरहेका बेला सरकारले प्रस्तुत गर्ने नीति तथा कार्यक्रम आशावादी र जनतासँग प्रत्यक्ष जोडिने गरी ल्याउने तयारी छ । सरकारले आगामी आर्थिक वर्ष २०८२र०८३ को नीति तथा कार्यक्रम वैशाख १९ गते ल्याउने भएको छ ।

त्यस्तै, सदनको संयुक्त बैठकमा राष्ट्रपति रामचन्द्र पौडेलले सरकारको नीति तथा कार्यक्रम प्रस्तुत गर्ने तयारी छ । नीति तथा कार्यक्रम पारित भएपछि सरकारले बजेको प्राथमिकता तथा सिद्धान्त पेस गर्ने संसद सचिवालयले जनाएको छ ।

उपप्रधान एवम् अर्थ मन्त्री विष्णु पौडेलले जेठ १५ गते आगामी आर्थिक वर्ष २०८२र८३ बजेट प्रस्तुत गर्दैछन ।