पीएसएलको उपाधि तेस्रो पटक लाहोर कलन्दर्सको पोल्टामा, कति छ पुरस्कार राशी ?

खेलकुद

- न्यूज नेपाल

काठमाडौं । पाकिस्तान सुपर लिग (पीएसएल–२०२५) क्रिकेटको उपाधि लाहोर कलन्दर्सले जितेको छ ।

आइतबार भएको फाइनलमा लाहोरले क्वेट्टा ग्लाडिएटर्सलाई ६ विकेटले पराजित गर्दै लोहोरले उपाधी उचालेको हो । क्वेट्टा ग्लाडिएटर्सले पहिले ब्याटिङ गर्दै दिएको २०२ रनको लक्ष्य लाहोरले १ बल बाँकी छँदा ४ विकेटको क्षतिमा पूरा गर्‍यो ।

लाहोरका लागि परेराले अविजित रहँदै ६२ रन बनाए भने सिकन्दर राजा ७ बलमा २२ रनमा अविजित रहे । अन्तिम ओभरमा १३ रन आवश्यक रहँदा सिकन्दरले चौथो बलमा छक्का र पाँचौ बलमा चौका प्रहार गरे ।

त्यसअघि अघिल्लो ओभरमा परेराले छक्का र चौकासहित राजासँग मिलेर कुल १८ रन जोडेपछि जित सहज बनेको थियो । क्वेटाका मोहम्मद आमिर, फहीम अशरफ, अबरर अहमद र उस्मान तरिकले १–१ विकेट लिए ।

त्यसअघि टस जितेर पहिले ब्याटिङ गरेको क्वेटाले २० ओभरमा ९ विकेट गुमाएर २०१ रन बनाएको थियो । हसन नवाजले सर्वाधिक ७६ रन बनाए । अभिष्का फर्नान्डोले २९ तथा फहीम अशरफले २८ रन बनाए ।

लाहोरका शाहीन अफ्रिदीले ३ विकेट लिँदा सलमान मिर्जा र हारिस राउफले २२ तथा सिकन्दर राजा र रिशाद होसेनले १–१ विकेट लिए ।

यस प्रतियोगितामा विजेता लाहोर कलन्दर्सले पाँचलाख अमेरिकी डलर र उपविजेता क्केट्टा ग्लाडिएटर्सले दुईलाख अमेरिकी डलर हात पारेका छन् ।