एम्बाप्पेले जिते पहिलो सिजनमै युरोपियन ला–लिगा गोल्डन बुट

काठमाडौं । फ्रान्सेली फुटबल स्टार खेलाडी किलियन एम्बाप्पेले २०२४–२५ को सिजनमा ला लिगामा शीर्ष गोलकर्ता बनेर युरोपियन गोल्डन बुट जितेका छन्।

यस सिजनमा कूल ३१ गोल गरेर गर्दै एम्बाप्पेले गोल्डन बुट जितेका हुन् । युरोपको युएफएको गुणांक प्रणालीअनुसार स्पेनिश लिगका प्रत्येक गोल २ अंकको हुन्छ। एम्बाप्पेले ३१ गोल गरेर ६२ अंक हासिल गरेका छन्।

उनी स्पोर्टिङ सीपीका भिक्टर ग्योकेरेस (३९ गोल, ५८.५ अंक)लाई पछि पार्दै शीर्ष स्थानमा पुगे। लिभरपुलका मोहम्मद सलाहले प्रिमियर लिगको अन्तिम म्याचमा ह्याट्रिक गर्नुपर्ने थियो तर उनले १ गोल मात्र गरे र ५६ अंकमै सीमित भए।

एम्बाप्पेको यो उपलब्धिले उनको स्पेनमा पहिलो सिजनलाई ऐतिहासिक बनायो। उनले ५५ म्याचमा ४२ गोल गरेका छन्। ला लिगामा मात्र ३४ खेलमा ३१ गोल गरेर उनले ‘पिचिची ट्रफी’ (ला लिगाको शीर्ष गोलकर्ता) जिते।

रियल म्याड्रिडमा डेब्यु सिजनमै यो उपलब्धि हासिल गर्ने उनी २००७ मा रुड भ्यान निस्टेल्रोय पछि पहिलो खेलाडी बनेका छन्। साथै, उनले विश्वभरिको क्लब स्तरमा एक सिजनमा सबैभन्दा धेरै गोल गर्ने खेलाडीलाई दिइने ‘गेर्ड मुलर ट्रफी’ पनि जिते।

एम्बाप्पेले यसैगरी धेरै रेकर्ड तोडे। उनले अल्फ्रेडो डि स्टेफानोको ७१ वर्ष पुरानो (डेब्यु सिजनमा धेरै गोल गर्ने) रेकर्ड र इभान जामोरानोको ३३ वर्ष पुरानो (क्लबका लागि डेब्यु सिजनमा कुल गोल) रेकर्ड तोडे। उनी ला लिगा इतिहासमा डेब्यु सिजनमै ३०ं गोल गर्ने प्रुडेन, रोमानो र रोनाल्डो नाजारियोपछि चौथो खेलाडी बने।

२०२४ को सुरुमा फ्री ट्रान्सफरमा आएका एम्बाप्पेले फुटबल इतिहासको सबैभन्दा प्रत्याशित ट्रान्सफर भएको दाबीलाई सार्थक बनाए। अब उनको सिजन अझै सकिएको छैन। अर्को महिना फिफा क्लब विश्वकप खेल्ने रियल म्याड्रिडले उनलाई अझ धेरै गोल गर्ने अवसर दिनेछ।

Comments