नेपाल र वेस्ट इन्डिजबीच टी २० आई सिरिज (खेल तालिका सहित)

breaking news

- न्युज-नेपाल

काठमाडौं । नेपाल क्रिकेट संघ (क्यान)ले नेपाली टोली र वेस्ट इन्डिजबिचको ऐतिहासिक टी–२० शृंखला खेल्ने घोषणा गरेसँगै आम नेपाली क्रिकेट प्रमिहरुमा खुसिको सञ्चार भएको छ ।

क्यानले आज एक प्रेस विज्ञप्ति जारी गर्दै नेपाल र वेस्ट इन्डिजबीचको ऐतिहासिक टी–२० अन्तर्राष्ट्रिय सिरिजको घोषणा गरेको छ। अहिले सोहि विषयलाई लिएर सामाजिक सञ्जालका साथसाथै सवत्र चर्चा पाइरहेको छ ।

वेस्ट इन्डिज दुईपटकको टी–२० विश्वकप च्याम्पियन राष्ट्र हो । सोहि बलियो टोलिसँग नेपालले पहिलो पटक टी–२० सिरिज खेल्न लागेको हो ।

सिरिज आगामी सेप्टेम्बरमा यूएईको शारजाहमा टी–२० शृंखला हुनेछ । क्यानले वार्षिक क्यालेन्डरमा नै सेप्टेम्बरमा टेस्ट राष्ट्रसँग टी–२०आई शृंखला खेल्ने कुरा समावेश गरेको थियो ।

यो सिरिज नेपाल क्रिकेटको लागि ऐतिहासिक मात्र नभई भविष्यका टी–२० विश्वकप एसिया छनोट को तयारीमा समेत महत्वपूर्ण मानिएको छ। विश्वकप छनोट यूएईकै छिमेकी देश ओमानमा अक्टोबरमा हुँदैछ ।

क्यानले वेस्ट इन्डिज क्रिकेट बोर्ड र एमिरेट्स क्रिकेट बोर्डलाई यस ऐतिहासिक श्रृङ्खलामा सहकार्य गरेकोमा धन्यवाद दिएको छ। यसअघि गत वर्ष वेस्ट इन्डिजको ए टोली नेपालमै आएर टी–२० शृंखला खेलेको थियो ।