सौराहामा बाढीले राप्ती किनारमा रहेका रेस्टुराँका पव डुबायो
चितवन, १४ साउन । वर्षापछि आज बिहान आएको बाढीले चितवनको रत्ननगर सौराहास्थित राप्ती किनारमा रहेका रेष्टुराँका पव डुबाएको छ ।
राप्ती नदीमा आएको बाढीले किनार क्षेत्रमा बनाएका दर्जनभन्दा बढी पव डुबाएको व्यवसायीले बताएका छन् ।
पर्यटन व्यवसायी शीरलाल परियारले किनारमा पर्यटकले बसेर खाने तथा आनन्द लिने क्षेत्रका दर्जनभन्दा बढी पव डुबाएको जानकारी दिनुभयो । सो क्षेत्रमा बाढीले कटान गर्ने गरेकाले अघिल्लो वर्ष बाँध बाँधिएको थियो ।
ड्यामका कारण कटान नभए पनि अहिले बाढी बढेकाले डुबाएको क्षेत्रीय होटल सङ्घ सौराहाले जनाएको छ । बछौली प्रहरी चौकीका इन्चार्ज श्यामबाबु यादवले किनार क्षेत्रका पव डुबाएको जानकारी दिँदै क्षतिको विवरण सङ्कलन भइरहेको बताउनुभयो ।
गएराति यहाँ वर्षा भएको थियो । वर्षाले चितवनका विभिन्न क्षेत्रमा बाढी आएकाले किनार क्षेत्रका बासिन्दा प्रभावित भएका छन् ।
पूर्वी चितवनको शक्तिखोरबाट बग्ने कयर खोलामा समेत बाढी बढेकाले पिठ्वा क्षेत्रको किनारमा रहेका सुकुम्बासी बस्ती प्रभावित भएका इलाका प्रहरी कार्यालय रत्ननगरले जनाएको छ ।
प्रहरीका अनुसार रत्ननगरको शान्तिचोकमा समेत केही क्षेत्र डुबान भएको छ । क्षतिको पूर्ण विवरण भने आइनसकेको प्रहरीले जनाएको छ ।
यस्तै, चितवनको विकट काउलेमा पहिरो गएको खबर आए पनि क्षति के भएको हो भन्नेबारेमा जानकारी आइनसकेको चितवनका प्रमुख जिल्ला अधिकारी विनोदप्रकाश सिंहले जानकारी दिनुभयो ।
चितवनका प्रहरी प्रमुख सहकुलबहादुर थापाले पहिरोमा एकजना मानिस पनि परेको भन्ने जानकारीमा आए पनि पुष्टि भने नभएको बताउनुभयो । सो क्षेत्रमा प्रहरी टोली खटाइएको उहाँको भनाइ छ ।
Comments
अरु समाचार
-
राष्ट्रिय गौरवका आयोजनासम्बन्धी छुट्टै कानुन ल्याउन सांसदद्वारा माग
काठमाडौं । राष्ट्रियसभाका सांसदहरुले राष्ट्रिय गौरवका आयोजनासम्बन्धी छुट्टै कानुन ल्याउन सरकारको ध्यानाकर्षण गराएका छन् । राष्ट्रियसभा, सङ्घीयता सबलीकरण तथा राष्ट्रिय...
-
‘साना तथा मझौला उद्योग प्रवर्द्धनको प्रयासमा उद्योग वाणिज्य महासंघ’
काठमाडौँ, २ असोजः नेपाल उद्योग वाणिज्य महासङ्ले युवा, महिला एवं साना तथा मझौला उद्यमीको प्रवर्द्धनमा विशेष प्रयास गरिरहेको जनाएको छ...
-
दैलेखमा पेट्रोलियम पदार्थको अन्वेषणको ५५ प्रतिशत काम सकियो
काठमाडौं । दैलेखको भैरवी गाउँपालिका–१ जलजले क्षेत्रमा रहेको पेट्रोलियम पदार्थको अन्वेषण अन्तर्गत ड्रिलिङको काम ५५ प्रतिशत काम सकिएको छ ।...
-
नेप्से परिसूचक ५७ अङ्कले घट्दा कारोबार रकम साढे सात अर्बमा खुम्चियो
काठमाडौं । यो साता कारोबारको लगातार दोस्रो दिन पनि नेपाल स्टक एक्सचेञ्ज (नेप्से) परिसूचकमा गिरावट देखिएको छ । आइतबार ५०...
-
चितवनमा बिक्री भएन पाँचसय मेट्रिक टन मह
काठमाडौं । यहाँ उत्पादन गरिएको महलाई ‘ब्राण्डिङ’ गरेर बजारमा ल्याइएको छ । कालिका नगरपालिकाका मौरीपालक किसान शिवप्रसाद शर्मा पौडेलले उत्पादन...
-
पहेलो धातुको मूल्य हाल सम्मकै उच्च
काठमाडौं । बहुमूल्य पहेलो धातु(सुन)को मूल्यले आज पनि नयाँ रेकर्ड कायम गरेको छ। अघिल्लो दिन प्रतितोला पाँच सय रुपैयाँले बढेको...
-
विदेशी मुद्राको विनिमय दर : आज अमेरिकी डलरको मूल्य बढेन
काठमाडौँ । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ । राष्ट्र बैंकका अनुसार अमेरिकी डलरको...
-
पेट्रोलकाे प्रतिलिटर चार र डिजेलको पाँच रुपैयाँ मूल्य घटाइयो
काठमाडौं । पेट्रोलियम पदार्थको मूल्य घटेको छ । नेपाल आयल निगमले आज राति १२ बजेदेखि लागू हुनेगरी पेट्रोल र डिजेलको...
-
झापाको मेचीनगरस्थित होटेल मेची क्राउन चारवर्ष पूरा गरी पाँचौँ वर्षमा प्रवेश
काँँकडभिट्टा । झापाको मेचीनगरस्थित होटेल मेची क्राउनले चार वर्ष पूरा गरी पाँचौँ वर्षमा प्रवेश गरेको छ । संस्कृति, पर्यटन तथा...