पुटिनले ट्रम्पलाई सहयोग गरेको खुलासा
एजेन्सी वासिङटन, २४ पुस । अमेरिकी राष्ट्रपतिको चुनावमा डोनाल्ड ट्रम्पलाई रसियाली राष्ट्रपति भ्लादिमिर पुटिनले गोप्य रूपमा सहयोग गरेको अमेरिकी गुप्तचर विभागले खुलासा गरेको छ । गुप्तचर विभागले शुक्रबार बुझाएको प्रतिवेदनमा चुनावका वेला पुटिनले ट्रम्पलाई जिताउन सहयोग गरेको उल्लेख छ । सो प्रतिवेदनमा राष्ट्रपतिकी प्रत्यासी हिलारी क्लिन्टनको विपक्षमा निर्वाचन प्रक्रिया नै प्रभावित हुने गरी ट्रम्पको पक्षमा राष्ट्रपति पुटिनले गुप्त रूपमा साइबर अभियान चलाएको विभागले जनाएको छ ।
२५ पृष्ठ लामो प्रतिवेदन
ह्वाइटहाउसले चुनावअघि र पछि गुप्तचर विभागलाई अुनसन्धान गर्न निर्देशन दिएको थियो । निर्देशनअनुसार गुप्तचर विभागले सूक्ष्म तरिकाले अनुसन्धान गर्यो । गुप्तचर विभागले २५ पृष्ठको लामो प्रतिवेदन नवनिर्वाचित राष्ट्रपति ट्रम्प, ह्वाइट हाउसका अधिकारी र अमेरिकी कंग्रेसलाई भेटर प्रतिवेदन बुझाएको थियो । प्रतिवेदन बुझाउँदा गुप्तचर निकायका प्रमुखहरू उपस्थित थिए । गुप्तचर विभागका अधिकारीले प्रतिवेदन प्रस्तुत गर्दै गत नोभेम्बरमा सम्पन्न चुनावमा भएका सबै घटनाको विस्तृत जानकारी गराए । गुप्तचर विभागले प्रतिवेदनका केही अंश अन्तर्राष्ट्रिय मिडियासमक्ष सार्वजनिक गरेको हो ।
साइबर अभियान
प्रतिवेदनमा रसियाले साइबर अभियान नै चलाएको उल्लेख छ । रसियाली राष्ट्रपति पुटिनले विशेष व्यक्तिमार्फत अमेरिकी राष्ट्रपतिको चुनावमा साइबर अभियान चलाउन निर्देशन गरेको प्रतिवेदनमा उल्लेख छ । ‘हामीले प्रतिवेदनमा रसियाले कहाँबाट र कसरी साइबर अभियान चलायो भन्ने उल्लेख गरेका छौँ,’ अनुसन्धानमा खटिएका एक अधिकारीले भने, ‘हाम्रो निष्कर्ष छ, चुनावका क्रममा रसियाले ट्रम्पलाई व्यापक सहयोग गरेको थियो ।’
क्लिन्टनको बदनाम गर्ने उद्देश्य
चुनाव नजिकिँदै जाँदा राष्ट्रपति चुनावकी प्रत्यासी क्लिन्टनको बदनाम गर्ने उद्देश्यका साथ रसियाले रणनीति बनाएको गुप्तचर विभागले दाबी गरेको छ । ‘अमेरिकी जनताको प्रजातन्त्रप्रति विश्वासमा ठेस पुर्याउन क्लिन्टनलाई घात गरी उनको बदनाम गर्ने काम भयो, क्लिन्टनको जितका आधारमा बाधा सिर्जना गर्ने कामहरू भए,’ प्रतिवेदनमा उल्लेख छ । यता, क्रेमलिनले स्पष्ट रूपमा ट्रम्प नै विजयी होस् भन्न अभियानसमेत चलाएको प्रतिवेदनमा उल्लेख छ ।
ट्रम्पको सामान्य प्रतिक्रिया
राष्ट्रपति ट्रम्पले प्रतिवेदनमाथि खासै प्रतिक्रिया दिएनन् । ट्रम्पले रसियाले आफूलाई सहयोग नगरेको दाबी गरेका छन् । निर्वाचनको नतिजा आएको केही दिनपछि ट्रम्पले रसिया ह्याकरका बारेमा अनुसन्धान हुनुपर्ने बताएका थिए । प्रतिवेदनमा उल्लेख भएअनुसार आफूलाई केही जानकारी नभएको पनि ट्रम्पले स्पष्ट पारे । ‘अमेरिकी निर्वाचन प्रभावित हुने गरी रसियाले हस्तक्षेप गरेको सम्बन्धमा मलाई केही थाहा छैन,’ ट्रम्पले भने, ‘मैले आफ्नो क्षमताले नै चुनाव जितेको हुँ ।’
चुनावअघि पनि आरोप
चुनावअघि डेमोक्र्याटिक पार्टीका इमेलहरू ह्याक रसियाले नै गरेको दाबी थियो । डेमोक्र्याटिक पक्षले बासिङटन प्रशासनलाई बारम्बार जानकारी गराएको थियो । तर, वासिङटन प्रशासन चुप लागेर बस्यो । यता, गुप्तचर विभागले पनि रसिया ह्याकरले इमेल ह्याक गरेको खुलासा पनि नगरेको होइन ।
भविष्यमा लाभ उठाउन सक्ने
अमेरिकी गुप्तचर विभागका प्रमुखहरूले अमेरिकी प्रशासन चुप लागेर बस्दा भविष्यमा यस्तो घटना दोहोरिन सक्ने जनाएका छन् । ‘अमेरिकी प्रशासन चुप लागेर बस्दा भविष्यमा आउने कुनै पनि महत्वपूर्ण गतिविधि वा घटनाहरूमा अन्य मुलुकहरूले फाइदा लिन सक्छन्,’ विभागका एक अधिकारीले भने, ‘यसमा रसियाजस्तो मुलुकले निकै फाइदा उठाउन सक्छ, उसले ह्याकरको सहयोगमा आफूले चाहेजस्तो नतिजा निकाल्न सक्छ ।’
Comments
अरु समाचार
-
ला लिगाको उपाधि रियल मड्रिडको पोल्टामा
काठमाडौं । रियल मड्रिडले ३६औं पटक स्पानिस ला लिगाको उपाधि जितेको छ । ला लिगामा दोस्रो स्थानको बार्सिलोना शनिबार राति...
-
जापानकी विदेशमन्त्री आज नेपाल आउँदै
काठमाडाैँ । जापानका परराष्ट्रमन्त्री कामिकावा योको नेपालको औपचारिक भ्रमणमा आज नेपाल आउँदैछिन्। उपप्रधानमन्त्री एवं परराष्ट्रमन्त्री नारायणकाजी श्रेष्ठको निमन्त्रणामा परराष्ट्रमन्त्री योको...
-
चीनले चन्द्रमाको टाढाबाट नमूना संकलन गर्न अनुसन्धान सुरु गर्यो
वेनचाङ ।चीनले चन्द्रमाको टाढाबाट नमूना सङ्कलन गर्नका लागि अनुसन्धान सुरु गरेको छ । यो अनुसन्धान विश्वमा पहिलो पटक हो ।...
-
राजदूत पौड्यालद्वारा क्यानडाकी गभर्नर जनरलसमक्ष ओहोदाको प्रमाणपत्र पेश
काठमाडौं । क्यानडाका लागि नेपालका राजदूत भरतराज पौड्यालले त्यहाँका गभर्नर जलरल मेरी जे मे सिमनसमक्ष आफ्नो ओहोदाको प्रमाणपत्र पेश गरेका...
-
अफगान मस्जिदमा बन्दुक आक्रमणमा छ जनाको मृत्यु
काठमाडौं । पश्चिमी अफगानिस्तानमा बन्दुकधारीले एक मस्जिदमा आक्रमण गर्दा छ जनाको मृत्यु भएको सरकारका एक प्रवक्ताले मङ्गलबार बताएका छन् ।...
-
कोलम्बिया सेनाको हेलिकप्टर दुर्घटना हुँदा नौ सैनिकको मृत्यु
काठमाडौं । उत्तरी कोलम्बियामा सैनिकहरूलाई आपूर्ति गरेर फर्कने क्रममा सोमबार सेनाको हेलिकप्टर दुर्घटना हुँदा त्यसमा सवार नौ सैनिकको मृत्यु भएको...
-
नाइजेरियामा दादुराका कारण १९ बालबालिकाको मृत्यु
काठमाडौं । नाइजेरियाको उत्तरपूर्वी राज्य अदामावामा दादुरा सङ्क्रमणबाट हालसम्म कम्तीमा १९ बालबालिकाको मृत्यु भएको स्थानीय अधिकारीहरूले जानकारी दिएका छन् ।...
-
एम्बाप्पे चम्किँदा पीएसजीको सानदार जित, उपाधिका लागि अब एक जित आवश्यक
काठमाडाैँ । कप्तान केलियन एम्बाप्पे चम्किएको खेलमा पेरिस सेन्ट जर्मेन (पीएसजी) ले फ्रेन्च लिग वानमा सानदार जित हात पारेको छ...
-
फिलिपिन्समा चरम गर्मीका कारण छको मृत्यु
काठमाडौं । फिलिपिन्सको स्वास्थ्य विभाग (डिओएच) ले यस वर्ष जनवरी १ देखि अप्रिल १८ को अवधिसम्ममा छ जनाको मृत्युसहित गर्मीसम्बन्धी...