हुम्लामा भारी हिमपातले जनजीवन प्रभावित
हुम्ला । हुम्लाका अधिकाँश उत्तरी भागमा गएको ३ दिनदेखी हिमपात भईरहेको छ । हिमपातले गर्दा यहाँका वासिन्दाको जनजीवन अस्तव्यस्ता भएको छ । जाडोको कारणले घरबाट बाहिर निस्कन समेत मुस्किल भएको छ भने तापक्रम माईनस १२ डिग्री सम्म पुगेको छ । यो वर्षकै अत्याधिक रहेको यो हिमपातले काम विशेषले एक गाउँबाट अर्को गाउँ जान समेत कठिन बनाएको छ । पशुवस्तु समेत घरबाट बाहिर निकाल्न समस्या भएको छ ।
लगातारको हिमपातले अहिले सिमिकोटमा १ फिट ४ ईन्च हिउँ जमेको छ । सरकारी तथा गैरसरकारी कार्यालयका काम प्रभावित भएका छन् भने विद्यालय पूर्ण रुपमा बन्द भएका छन् । उता सिमिकोटमा रहेको हिल्दुम साना जलविद्युत आयोजनाको विद्युत सप्लाई हुन नसक्दा हिमपातले झन् सास्ती बनाएको छ । विद्युतको आपूर्ती बन्द हुँदा नेपाल टेलिकमको सेवा पूर्ण रुपमा प्रभावित भएकोले एक आपसमा सम्पर्क गर्नको लागि समस्या हुँदा हुम्लाका उत्तरी र दक्षिणी गाउँ विकास समिति सम्पर्क विच्छेद भएका छन् । हिमपातले जिल्लाको कुन ठाउँमा के कस्तो खालको क्षती भयो भन्ने समेत थाहा हुन सकेको छैन । दिउँसो घाम नलाग्नाले र अत्याधिक चिसोको कारणले वृद्धा र बालबालिकालाई स्वास्थ्यमा समस्या परेको पाईएको छ ।
यहाँ सञ्चालित स्थानिय सञ्चारका माध्यम पूरै बन्द भएका छन् भने ईन्टरनेट सुविधा नहुँदा जिल्ला प्रशासन कार्यलयले नागरिकता समेत वितरण गर्न सकिरहको छैन ।
हिमपातले भने हुम्लाका किसान खुसी भएका छन् । रोडिकोट १ का कल्पना रोकायाले यो पटकको हिमपातलाई पशुवस्तुलाई हानी गर्ने भएको भएता पनि मंसिरमा छरेको जौ र गौं बालीलाई यो हिमपातले सिचाई गर्ने बताए । जिल्लाका अधिकाँश भेगमा सिँचाई विना नै खेती हुने गरिएकोले यो हिमपात पछि बालीनालीलाई राम्रो हुने समेत उहाँले तर्क गर्नुभयो ।
हिमपात अहिले पनि भईरहेको भएता पनि जिल्लाको एक मात्र भरपर्दो हवाई धावन मार्ग नागरिक तथा उड्डयन कार्यालयको गाडीले हिउँ सफा गर्दा आज मात्र तारा ईयरले १ र सिता ईयरले २ उडान भर्दा हुम्लाबाट नेपालगञ्ज र सुर्खेत जाने यात्रुलाई सहज भएको थियो ।
३ दिन देखी नेपालगञ्ज र सुर्खेतमा हुम्लाका लागि टिकट लिई आज हुम्ला विमानस्तलमा अवतरण गर्न पाउँदा यात्रुमा हर्ष छाएको थियो । आजै मात्रै लोकसेवा आयोगले सुब्बाको लागि लिईने लिखित परीक्षा पनि राम्रोसँग लेख्न नसकिएको परीक्षार्थीले बताए । चिसोको कारणले हातले कलम नै समात्न नसकिँदा प्रश्नको उत्तर लेख्न नसकिएको परीक्षार्थीले बताए । त्यसै गरी आउँदो चैत्र ३ गतेबाट सञ्चालन हुन लागि रहको एस्. ई. ई. परीक्षाको तयारी पनि हिमपताले प्रभावित बनाएको छ ।
जिल्लाका दक्षिणी भेगका ४ ओटा केन्द्रहरु रोडिकोट, सर्केगाढ, मदाना र श्रीनगर केन्द्रका केन्द्राध्यक्षले सिमिकोबाट प्रश्नपत्र र उत्तरपुस्तिका पुर्याउनको लागि हैरानी भएको जिल्ला शिक्षा अधिकारी मदन कुमार थापाले बताउनु भयो । लगातारको हिमपातले प्रश्नपत्र र उत्तरपुस्तिका भिज्न सक्ने अनि हिमपहिरो आउन सक्ने भएकोले सो क्षेत्रका केन्द्राध्यक्षलाई सजग भई प्रश्न पत्र लैजान अनुरोध गरिएको जिशिअले बताए ।
सिमिकोट लगायत पूरै जिल्लामा अझै ३ दिन सम्म लगातार हिमपात हुन सक्ने मौसम पूर्वानुमान शाखाले जनाएको छ भने उत्तरी चिन सिमानाको रहेको मुचु र लिमी गाविस सम्पर्क विहिन भएको छ । त्यस क्षेत्रमा खटाईएको प्रहरी चौकी गत मंसिरमा नै सिमिकोटमा काजमा खटाईएको करण त्यस क्षेत्रका वासिन्दा अनि गाउँ नै सम्पर्क विहिन भएको छ ।
Comments
अरु समाचार
-
सुर्खेत बस दुर्घटना स् दुईजनाको मृत्यु, २१ घाइते
काठमाडौं । दैलेखबाट सुर्खेत आइरहेको बस दुर्घटना हुँदा दुई जनाको मृत्यु भएको छ भने २१ जना घाइते भएका छन् ।...
-
दैलेखबाट सुर्खेत आइरहेको बस दुर्घटना, कम्तीमा २ जनाको मृत्यु
काठमाडौं । दैलेखबाट सुर्खेत आउँदै गरेको एउटा यात्रु बस वीरेन्द्रनगर नगरपालिका–७ स्थित कटकुवानजिक दुर्घटनामा भएको छ ।सोमबार दिउँसो कर्णाली प्रदेश...
-
राष्ट्रियसभालाई समस्या समाधानको थलोका रूपमा स्थापित गर्नुपर्छः अध्यक्ष दाहाल
काठमाडौं । राष्ट्रियसभा अध्यक्ष नारायणप्रसाद दाहालले राष्ट्रियसभालाई राजनीतिक समस्या समाधानको थलोका रूपमा स्थापित गर्नुपर्ने बताउनुभएको छ । सभाको आजको बैठकमा...
-
कलुवापुर–बेलौरी राजमार्गको कालोपत्र गर्ने कार्य अझै अगाडि बढेन
काठमाडौं । कलुवापुर–बेलौरी राजमार्गको कालोपत्र गर्ने कार्य अझै पूरा हुन सकेको छैन । निर्माण व्यवसायीको ढिलासुस्तीका कारण सडक कालोपत्र गर्ने...
-
बारामा दश महिनामा रु दुई करोड ४३ लाख राजस्व सङ्कलन
काठमाडौं । जिल्ला ट्राफिक प्रहरी कार्यालय बाराले चालु आर्थिक वर्षको १० महिनामा रु दुई करोड ४३ लाख १५ हजारभन्दा बढी...
-
सङ्खुवासभाको सभापोखरीमा चट्याङ लागेर ७२ भेडाको मरे
काठमाडौं । सङ्खुवासभाको सभापोखरी गाउँपालिका–५ फाकुवामा चट्याङ लागेर ७२ भेडा मरेका छन् । जिल्ला प्रहरी कार्यालय सङ्खुवासभाका प्रहरी निरीक्षक रामकुमार...
-
इरानी राष्ट्रपति इब्राहिम रइसीको हेलिकप्टर दुर्घटनामा मृत्यु
काठमाडौं। इरानी राष्ट्रपति इब्राहिम रइसी र विदेशमन्त्री हुसेन अमिर अब्दुल्लाहियानको हेलिकप्टर दुर्घटनामा मृत्यु भएको छ । आइतबार भएको हेलिकप्टर दुर्घटनामा...
-
सुन लुटपाट गर्ने दुई पक्राउ
काठमाडौं । नेपाल प्रहरीले बूढानीलकण्ठ क्षेत्रमा सुन लुटपाट गर्ने दुई जनालाई पक्राउ गरेको छ । प्रहरी वृत्त महाराजगञ्जको टोलीले बूढानीलकण्ठ...
-
दमौलीको मुख्यचोकका सटरमा आगलागी, तीन घण्टापछि नियन्त्रणमा
काठमाडौं । तनहुँ सदरमुकाम दमौलीस्थित मुख्यचोकका सटरमा गए राति भीषण आगलागी भएको छ । व्यास नगरपालिका–३ मुख्यचोकस्थित फलफूल लाइनमा रहेका...