अदालत र कार्यपालिकाबीच शक्ति पृथकीकरण द्वन्द्व चर्कँदै
काठमाडौं । प्रधानमन्त्री पुष्पकमल दाहालले नेपाल प्रहरीका महानिरीक्षक (आईजीपी) नियुक्ति प्रकरणमा सर्वोच्च अदालतलाई लिखित जबाफ पठाउँदै शक्ति पृथकीकरणमा हस्तक्षेप भए संविधान र कानुनबमोजिमको कर्तव्य पालना गर्न नसक्ने विडम्बनापूर्ण स्थिति आउने बताइसकेका छन् ।
सरकारले आइजीपीमा जयबहादुर चन्दलाई नियुक्ति गर्नुअघि नै कार्यकारी ‘सरकारले गर्न लागेको काममा अविश्वास र आशंका उठाएर अदालतमा विवाद सिर्जना गर्ने र प्रभावित पार्ने कार्य भएको र त्यसलाई रोक्नु पर्ने प्रधानमन्त्री दाहालले माग गरे ।
कार्यकारिणी अधिकार प्राप्त सरकारले मुलुकको शान्ति र सुरक्षा कायम गर्ने आफ्नो जिम्मेवारी र कर्तव्यलाई प्रभावकारी रूपमा सम्पादन गर्न योग्य र सक्षम व्यक्तिलाई आईजीपीमा बढुवा गर्न पाउनु पर्छ ।
सरकारले निर्णय गर्नु पहिले नै अदालतमा मुद्दा पर्ने अनि तत्काल पेशी तोकिहाल्ने काम अदालतबाट हुँदै आएका छन् । यस्तो कामबाट न्यायपालिका र कार्यपालिकाबीच द्वन्द्व कायम रहने जानकारहरुको भनाइ छ ।
सरकारले राज्यसत्ता सञ्चालन गर्न उसले चाहेका व्यक्तिलाई जिम्मेवारी तोक्न पाउँछ । यस्तो अधिकार विश्वका प्राय सबै देशमा छ नै । नेपालमा भने सरकारले आफू र आफ्ना मानिसलाई नियुक्ति दिएन भने तत्कालै अदालत गुहार्ने चलन नै भइसक्यो । जसले राज्य सञ्चालनमा कठिनाइ हुन्छ नै ।
हिजोसम्म लोकमानसिंह कार्की नेपालको राजनीतिमा हाउगुजी थिए । उनले नै समानान्तर सत्ता चलाएको आरोप लाग्ने गरेको थियो । प्रहरीको सरुवादेखि बढुवा, निजामति कर्मचारीको समेत सरुवा र बढुवामा अख्तियार दुरुपयोग अनुसन्धान अयोगले चर्काे दबाव दिने गरेको थियो । कार्कीलाई सर्वाेच्च अदालतले बर्खास्त गरेपछि अहिले समानान्तर सत्ता नभए पनि पछिल्लो समय कार्यपालिका र न्यायपालिकाबीच द्वन्द्व चर्किएको छ । यो कानुनी राज्य र प्रजातान्त्रिक मुलुकमा शुभ होइन । सरकारले गरेका नीतिगत निर्णय र सरुवा तथा बढुवामा अदालतले हात हाल्नु उचित नुहने कानुनका जानकारहरुकै भनाइ छ । जे होस्, सरकारले राज्य सञ्चालन गर्न आवश्यक ठानेर गरेका निर्णयलाई अदालतले उल्ट्याउने र त्यसको असर समग्रमा शान्ति सुरक्षामा पर्न दिनु हुन्न ।
Comments
अरु समाचार
-
कम्युनिष्ट नैतिकता र व्यवहारका पर्याय नेता खड्ग राई
खडगबहादुर राई नेपाली राजनितिमा एक उदयमान नेतृत्व हुनुहुन्छ । विद्यार्थी कालदेखि आफ्नो उर्वर समय नेकपा एमालेका लागि खर्चिनु भएका उहाँ...
-
रूसी दार्शनिक अलेक्जेन्डर दुगिनको सभ्यतागत दृष्टिकोण
रुस सुरूदेखि पश्चिमसँग सभ्यताको युद्धमा छ। जुन युद्धलाई प्रभावकारीरूपमा सामना गर्नका लागि यी योजनाहरूको पदानुक्रमलाई ध्यानमा राख्न आवश्यक छ ।...
-
सकिएकै हो त इतिहास अध्ययनको औचित्य ?
काठमाडौं । असाध्यै उपेक्षित विषय हुन पुगेको छ, यतिखेर इतिहास विषय । हुन त त्रिभुवन विश्वविद्यालयकै मानविकी तथा सामाजिकशास्त्र सङ्कायको...
-
नेपालमा जनसङ्ख्या – ‘पोलिसी डिपार्चर’ को उपयुक्त समय (विचार)
काठमाडौं । एसियाका अन्य देशमा जस्तै नेपालमा पनि जनसङ्ख्या वृद्धि मुख्य समस्याका रुपमा रहेको लामो समय प्रचार गरियो । देशको...
-
ज्येष्ठ नागरिक समाजका जीवित पाठशाला हुन् : पूर्वराष्ट्रपति भण्डारी
काठमाडौं । पूर्वराष्ट्रपति विद्यादेवी भण्डारीले जीवनभरको सङ्घर्ष र भोगाइबाट आर्जित ज्ञान, सीप र अनुभवले भरिपूर्ण ज्येष्ठ नागरिक जीवित पाठशाला रहेको...
-
नेपाल र रसिया बीचको सहकार्य ‘विकास र समृद्धिको आधार’
नेपाल दुई ठूला उदयीमान विश्वशक्ति चीन र भारतका बीचमा रहेको भू-रणनीतिक हिसाबले अति संवेदनशील देश हो। भारत र चीन बीचको...
-
साहसिक पर्यटन ‘ट्रेकिङ’: बढ्दो आकर्षण, केही चुनौती
काठमाडौँ । विश्वमै ट्रेकिङ (पदयात्रा) का लागि आकर्षक गन्तव्यमा पर्ने नेपालमा पछिल्लो समय सम्भावना धेरै देखिएको छ । यतिखेर ट्रेकिङमा...
-
१६ औँ योजनाः लक्ष्यमै केन्द्रित दिगो विकास
काठमाडौं । मन्त्रिपरिषदको बैठकले १६ औँ पञ्चवर्षिय आवधिक योजनाको अवधारणापत्र स्वीकृत गरेको छ । राष्ट्रिय योजना आयोगको पूर्ण बैठकले पहिचान...
-
नेपाल विश्वकै ठूलो सुरक्षाप्रदायक राष्ट्र: सुरक्षाविद् थापा
काठमाडौं । सुरक्षाविद् चिरनजङ्ग थापाले नेपाल विश्वकै एक ठूलो सुरक्षा प्रदायक देश रहेको बताएका छन् । उनले विश्वका ठूला आणविक...