प्रभु बैंकद्वारा आँखा शिविर सञ्चालन

समाज

काठमाडौं । प्रभु बकले बाँकेको रनियापुर गाबिसमा शनिबार रनियापुर स्वास्थ्य चौकीमा प्रभु बैंक र नेपाल नेत्र ज्योतीसंघ फत्तेवाल आँखा अस्पताल बाँकेको सहकार्यमा आँखा शिविर सम्पन्न गरेको छ । शिविरमा करिब २ सय ५० जनाले आँखा जाँच गराएका थिए ।

आँखाका बिरामीलाई निशुल्क औषधी तथा चश्मा बितरण गरिएको पनि जनाइएको छ । सो शिविरमा सहभागी हुने मोती बिन्दु हुने बिरामीलाई फत्तेवाल आँखा अस्पतालले अपरेशनका लागि ५० प्रतिशत छुट दिने भएको छ ।

यसैगरी प्रभु बैंक लिमिटेड शाखा कार्यालय सन्धिखर्कले नेपाल राष्ट्रिय माध्यमिक विद्यालय सन्धिखर्क, अर्घाखाँचीमा अध्ययनरत श्रवण शक्ति कम भएका १० जना आवासीय बिद्यार्थीहरुलाई दैनिक रुपमा प्रयोगमा आउने ओढ्ने ओछ्याउने कपडा, कापी, कलम, मसी लगायतका शैक्षिक सामाग्री वितरण गरेको छ ।
सोही कार्यक्रममा उक्त विद्यालयमा अध्यनरत ३ जना अपाङ्ग विद्यार्थीहरुको लागि प्रतिव्यक्ति दुई दर्जन कापी र अन्य शैक्षिक सामाग्री समेत वितरण गरेको जनाइएको छ । बैंकको शाखा कार्यालय सन्धिखर्कका शाखा प्रबन्धक सरोज ज्ञवालीले छ ओढ्ने ओछ्याउने कपडा तथा शैक्षिक सामाग्री हस्तान्तरण गरेका थिए ।
प्रभु बैंक लिमिटेडले स्थापना कालदेखिनै संस्थागत सामाजिक उत्तरदायित्वका क्रियाकलापलाई निरन्तरता दिँदै आएको छ ।

Comments

प्रकाशित मिति : 2017-04-03

प्रभु बैंकद्वारा आँखा शिविर सञ्चालन

Comments

अरु समाचार