ताजा समाचार

चुनावमा उम्मेदवार बन्न दाङमा पाँचजना शिक्षकले राजीनामा दिए

समाचार
-
       

दाङ, २१ जेठ । स्थानिय तह चुनावमा उम्मेद्वार बन्न भन्दै दाङका पाँच जना शिक्षकले राजीनामा दिएका छन् । स्थानीय तह चुनावमा उम्मेद्वार बन्ने भन्दै अहिलेसम्म पाँच स्थायी शिक्षकले राजीनामा दिएको जिल्ला शिक्षा कार्यालय दाङले जनाएको छ ।

राजीनामा दिने शिक्षकहरुमा मावि काठेकोलका विष्णुमणि दाहाल, आदर्श रात्री आधारभुत बिद्यालय गोबरडिहाका प्रध्यानाध्यापक रघुनन्दन चौधरी, हेकुली माबिका शम्भु गिरी, महेन्द्र माबि श्रीवारीका शोभाराम विक र नवज्योती प्राबि मसुरे लोहारपानीका यनुराज खत्री रहेका छन् ।

राजीनामा दिने शिक्षकहरु शिक्षकको पेशागत संगठनमा रहेर राजनीतिमा क्रियाशील रहेका थिए । राजीनामा दिने पाँचै जना शिक्षकहरुको राजीनामा स्विकृत भइसकेको शिक्षा कार्यालय दाङका शाखा अधिकृत शेरबहादुर बिष्टले जानकारी दिए ।

Comments

प्रकाशित मिति : 2017-06-04

अरु समाचार

© NewsNepal 2018 - All Right Reserved.
newsnepal.com 2017.hlon.org