‘घोडा चोर’ को उपमा पाएकालाई मन्त्री बनाउन लागिएको भन्दै प्रचण्ड निवासमा बबण्डर
काठमाडौं, ३० जेठ । प्रदेश संयोजक लेखराज भट्टले स्वेच्छाचारी ढंगले मन्त्री सिफारिस गरेको भन्दै माओवादी केन्द्रको सात नम्बर प्रदेशका नेता कार्यकर्ता असन्तुष्टि व्यक्त गरेका छन् । निर्वाचनको मुखमा आएर मन्त्री छनोटले पार्टीमा विवादको रुप लिएपछि नेतृत्व तह गम्भीर भएको छ । भट्ट विरोधी खेमाका सुदूरपश्चिमका नेताहरुले मंगलबार पार्टी अध्यक्ष पुष्पकमल दाहाल प्रचण्डलाई भेटेर तीव्र असन्तुष्टि जनाएका छन् ।
हेडक्वार्टर सदस्य सेमत रहेका भट्टले बाजुराका सांसद कर्णबहादुर विकलाई मन्त्री बनाउन अध्यक्ष प्रचण्डसहितका नेतालाई दबाब दिँदै आएका छन् । भट्टले विक मन्त्री नभए पार्टी नै छाड्ने चेतावनी समेत उनले नेतृत्वलाई दिएका छन् ।
भट्टविरुद्ध लाजिम्पाटमा डेलिगेशन गएका नेताहरुले संस्थागत ढंगले निर्णय नभए त्यसको मूल्य चुक्ता गर्नका लागि तयार भएर बस्न प्रचण्डलाई चेतावनी दिएका छन् । ‘म नै पार्टी हुँ, मैले गरेको निर्णय नै सही र अन्तिम हुन्छ भन्ने व्यक्तिले पार्टी छाड्छु भन्दैमा तपाईं डराएर खुरुखुरी जे भन्यो त्यही मान्नुहुन्छ भने हामीले सामूहिक रुपमा पार्टी छाड्छौं तपाईं के गर्नुहुन्छ ?’, भेटमा सहभागी नेताले प्रचण्डलाई भने ।
भट्टले पार्टीको नेताका रुपमा भन्दा पनि आफूलाई मालिक ठान्ने चरित्र देखाएको आरोप उनीहरुको थियो । ‘म मालिक हुँ , अरु कारिन्दा हुन् भन्ने भावना लेखराजजीमा देखियो’, भेटमा सहभमागी एक नेताले भने, ‘उहाँले आफूलाई मालिक सोच्नुभएको छ भने हामी पनि केही हौं ।’ नेताहरुले मन्त्री बनाउँदा व्यक्तिको सक्षमता, योग्यता, कार्यकुशलता र इतिहास हेर्न सुझाएका थिए । उनीहरुले मन्त्रीमा कैलालीका सांसद हरि ज्ञवाली र राज्यमन्त्रीमा बझाङका जनक बुढालाई सिफारिस गरेका छन् । ज्ञवाली र बुढा सुदूरपश्चिम क्षेत्रका स्वच्छ छवि भएका र लोकप्रिय नेता भन्दै उनीहरु जसरी पनि मन्त्री हुनुपर्ने दाबी सो समूहको छ ।
भट्टका प्रिय विक घोडा चोर
स्रोतका अनुसार प्रचण्डसँगको भेटमा सुदूरपश्चिमका नेताले भट्टले प्रिय ठानेका विकमाथि घोडा चोरको आरोप लगाए । घोडा चोरेको र सांसद भएपछि पनि विद्यालय व्यवस्थापन समितिको अध्यक्ष बन्न लोभ गरेका कारण जिल्लामा विक बदनाम रहेको उल्लेख गरे । ‘जिल्लामै बदनाम छवि छ’, एक नेताले भने, ‘सबैले घोडा चोरका नामले चिन्ने गरेका छन् ।’ विकलाई प्रहरीले चोरी भएका तीन घोडासहित पक्राउ गरेर थुनामा राखेको रिपोर्टसमेत प्रचण्डलाई दिए । उनीहरुका अनुुसार बाजुरा पोल्टीका एक व्यक्तिले आफ्नो घोडा हराएको सूचना प्रहरीमा दिएका थिए ।
चोरी भएको घोडा खोज्न खटिएको प्रहरी टोलीले विकलाई सदरमुकाम मार्तडी नजिकैबाट हराएका घोडासहित पक्राउ गरेको थियो । यस्तै बाजुरा जिल्ला कमिटीले समेत विकलाई मन्त्री बनाइए सामूहिक रुपमा पार्टी छाड्ने चेतावनी दिएको छ । ‘जुन व्यक्तिको पक्षमा आफ्नै जिल्लामा र गाउँमा एकजना छैन । सांसद भएपछि विद्यालय व्यवस्थापन समितिको अध्यक्ष बनेकामा एउटा लोकप्रिय दैनिक पत्रिकामा कार्टुन नै छापियो । घोडा चोरको छवि छ’, भेटमा सहभागी अर्का एक नेताले भने, ‘इमान्दार र क्षमतावानको मूल्यांकन नहुने र घोडा चोरहरु पुरस्कृत हुने हो भने हामी किन पार्टीमा बस्ने ?’ प्रचण्ड भेट्न सुदूरपश्चिमका पोलिट्ब्युरो सदस्यहरु खगराज भट्ट, वीरमान थारु, टेकेन्द्र भट्ट, रेणु चन्द र हरि ज्ञवालीलगायत लाजिम्पाट पुगेका थिए ।
Comments
अरु समाचार
-
नेपाल–भूटानबीच जनस्तर र व्यापारिकस्तर सम्बन्ध विकासबारे दुई प्रधानमन्त्रीबीच छलफल
न्युयोर्क (अमेरिका), ७ असोज : नेपाल र भूटानबीच जनस्तर र व्यापारिकस्तरमा सम्बन्ध विकासका लागि दुई प्रधानमन्त्रीबीच छलफल भएको छ ।...
-
प्रधानमन्त्री ओली र कुवेतका राजकुमार एवं प्रधानमन्त्री सबाहबीच भेटवार्ता
न्युयोर्क (अमेरिका), ७ असोजः संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका प्रधानमन्त्री...
-
प्रधानमन्त्री ओली र भारतका प्रधानमन्त्रीबीच न्युयोर्कमा भेटवार्ता
न्युयोर्क (अमेरिका), ७ असोज : संयुक्त राष्ट्रसङ्घको ७९औँ महासभामा भाग लिन नेपाली प्रतिधिमण्डलको नेतृत्व गर्दै संयुक्त राज्य अमेरिकाको न्युयोर्कमा रहनुभएका...
-
अर्थमन्त्री पौडेल र आइएमएफ उपनिर्देशकबीच शिष्टाचार भेट
काठमाडौं। उपप्रधानमन्त्री एवं अर्थमन्त्री विष्णुप्रसाद पौडेल र अन्तर्राष्ट्रिय मुद्रा कोष (आएएमएफ)को एसिया प्रशान्त क्षेत्र उपनिर्देशक रुपा दत्त गुप्ताबीच शिष्टाचार भेट...
-
प्रधानमन्त्री ओली र मोदीबीच आज भेट वार्ता हुँदै
काठमाडौं । संयुक्त राष्ट्रसंघको ७९ औं महासभामा भाग लिन संयुक्त राज्य अमेरिकामा रहेका प्रधानमन्त्री केपी शर्मा ओलीले आज विभिन्न राष्ट्रका...
-
प्रधानमन्त्री ओली र राष्ट्रसंघका महासचिव गुटेरेसबीच भेटवार्ता
न्युयोर्क । प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबिच भेटवार्ता भएको छ। संयुक्त राष्ट्रसङ्घको ७९औँ महासभामा सहभागी...
-
प्रस्तावित प्रधान न्यायाधीश र दुई राजदूतमाथि उजुरी आह्वान
काठमाडौं । संसदीय सुनुवाइ समितिले प्रस्तावित प्रधान न्यायाधीश र दुई राजदूतमाथि सुनुवाइका लागि उजुरी आह्वान गरेको छ । समितिको आज...
-
आज चारवटा संसदीय समितिको बैठक बस्दै
काठमाडौं । आज चारवटा संसदीय समितिको बैठक बस्दैछ। जस अनुसार बिहान ११ बजे शिक्षा, स्वास्थ्य तथा सूचना प्रविधि समितिको बैठक...
-
संयुक्त राष्ट्रसंघको महासभामा सहभागी हुन प्रधानमन्त्री ओली न्यूयोर्क प्रस्थान
काठमाडौं। प्रधानमन्त्री केपी शर्मा ओली संयुक्त राज्य अमेरिकाको न्यूयोर्क प्रस्थान गरेका छन् । शुक्रबार बिहान प्रधानमन्त्री ओली संयुक्त राष्ट्रसंघको महासभामा...