एक सातामै तरकारीको मूल्य १३० प्रतिशतले बढ्यो, सुन किन्न सजिलो तरकारी किन्नै मुस्किल
काठमाडौं, ३१ साउन । ‘घिरौला कसरी हो साहू जी ?’ ‘केजीको १०० रुपैयाँ हो, लैजाउनुहोस् बजारमा तरकारी नै छैन, बिहान ४ः०० बजे गएर अलिअलि ल्याएको, ढिलो गएको भए रित्तै आउनुपर्ने रेछ नि !’ सोमबार बिहान कीर्तिपुरका चोकका तरकारी व्यापारी रामेश्वर थापाले तरकारी किन्न आउने ग्राहकलाई मूल्यसँगसँगै सुनाउँदै गरेको गुनासो हो यो।
देशका ठाउँठाउँमा लगातार ठूलो वर्षाले बाटो भत्किएर बजारमा तरकारी नै आएको छैनन्, अलिअलि आएको पनि भाउ छोइसाध्यै छैन उनले भने ‘त्यही पनि ताजा भए त हुन्थ्यो नि, हेर्दै बासी जस्तो छ।’ यो खबर आजको गोरखापत्र दैनिकमा छापिएको छ ।
एक दशकदेखि यहीँ ठाउँमा तरकारीको व्यापार गर्दै आएका थापाले कहिले कालिमाटी त कहिले बल्खुबाट बिहानै साइकलमा तरकारी ल्याएर बिक्री गर्दै आएका छन्। उनको पसलमा बिक्रीमा राखेका तरकारीमध्ये आलु प्रतिधार्नी १०० रुपैयाँ, गोलभेडा ठूलो प्रतिकेजी १०० रुपैयाँ, घिउसिमी प्रतिकेजी १२० रुपैयाँ, बन्दा प्रतिकेजी ६०, घिरौला प्रतिकेजी १०० रुपैयाँ, तिते करेला प्रतिकेजी ६० रुपैयाँ, लौका प्रतिकेजी ८० रुपैयाँ, पाकेको फर्सी प्रतिकेजी ७० रुपैयाँ, मूला प्रतिकेजी ४० रुपैयाँ, स्कुस ६५ रुपैयाँ, काँक्रो प्रतिकेजी ९० रुपैयाँ मूल्य तोकेका छन्।
अन्य खुद्रा व्यापारीकोमा भन्दा केही सस्तोमा पाइने हुँदा वरिपरिका सर्वसाधारण उपभोक्ता यही पसलमा आउने गर्छन्। अघिल्ला वर्षहरूमा अन्य समयको तुलनामा केही महँगो भए पनि अहिले जस्तो तरकारी नै नपाइने अवस्था भने नभएको अनुभव थापाको छ। लगातारको वर्षाका कारण ठाउँठाउँमा बाढी र पहिरोले सडकमा क्षति पुगेर तरकारी आयात नै कम हुन थालेपछि उपत्यकामा तरकारीको भाउ आकासिएको व्यापारी बताउँछन्।
कालीमाटी फलफूल तथा तरकारी बजार विकास समितिका अनुसार सामान्य अवस्थामा अरू बेलामा यस बजारमा दैनिक झण्डै ८५० टनको हारहारिमा तरकारी भित्रिने गरेकोमा शनिबारदेखि दैनिक २५० देखि ३०० टनको हाराहारिमा मात्रै तरकारी भित्रिएको छ। उपत्यकावासीको मागको झण्डै ७० प्रतिशत कम मात्रै तरकारी आयात हुनु र आएको तरकारी पनि पानीले बिग्रेका कारण भाउ आकासिएको समितिले जनाएको छ।
समितिले सार्वजनिक गरेको तथ्याङ्क अनुसार दुई साताको बीचमा तरकारीको भाउ १४० प्रतिशतसम्म महँगिएको छ। वरपरको पसलमा राम्रो तरकारी नपाएपछि कालीमाटीमै आइपुगेका कलङ्कीका विजय अधिकारीले मंहँगो मूल्य तिरेर पनि राम्रो तरकारी नपाएको गुनासो गरे।
Comments
अरु समाचार
-
जीबी राई कहिल्यै पनि एपीवान टीभीको सञ्चालक नरहेको अन्नपूर्ण मिडिया प्रालिको दाबी
काठमाडौं । गितेन्द्रबाबु (जीबी) राई नामक व्यक्ति कहिल्यै पनि एपीवान टेलिभिजनको सञ्चालक नरहेको अन्नपूर्ण ब्रोडकाष्ट मिडिया प्रालिले दाबी गरेको छ...
-
नेपाल वायुसेवा निगम धेरै विदेशी मुद्रा आर्जन गर्ने एयरलाइन्सको रुपमा सम्मानित
काठमाडौं । नेपाल वायुसेवा निगम धेरै विदेशी मुद्रा आर्जन गर्ने एयरलाइन्सको रुपमा सम्मानित भएको छ । ४५ औँ विश्व पर्यटन...
-
भैरहवा भन्सारबाट व्यापक राजस्व छली
काठमाडौं । भैरहवा भन्सार जस्तो देशको दोस्रो ठुलो भन्सार कार्यालयमा विगतमा रसुवा र मेची भन्सार कार्यालय बस्दा धेरै राजस्व चुहावट...
-
सुन मूल्य हालसम्मकै उच्च
काठमडौं । लगातार उकालो लागेको सुनको मूल्य आज पनि वृद्धि भएको छ । तोलामा रु पाँच सयले वृद्धि हुँदा सुन...
-
आज विश्व पर्यटन दिवस: विभिन्न कार्यक्रमको आयोजना गरी मनाइँदै
काठमाडौँ, ११ असोजः आज सेप्टेम्बर २७ अर्थात् ४५औँ विश्व पर्यटन दिवस नेपालमा पनि विविध कार्यक्रमको आयोजना गरी मनाइँदैछ । दिवसलाई...
-
शुक्रबार र शनिबार हिमाली तथा पहाडी जिल्लामा रात्रिबस नचलाउन विपद् प्राधिकरणको आग्रह
काठमाडौँ । राष्ट्रिय विपद् जोखिम तथा न्यूनीकरण प्राधिकरणले आगामी चार दिन भारी वर्षाको सम्भावना रहेकाले उच्च जोखिम रहेका हिमाली र...
-
भैरहवा भन्सारबाट व्यापक राजस्व छली
काठमाडौं । भैरहवा भन्सार जस्तो देशको दोस्रो ठुलो भन्सार कार्यालयमा विगतमा रसुवा र मेची भन्सार कार्यालय बस्दा धेरै राजस्व चुहावट...
-
वीरगञ्जबाट पाँच अर्ब २६ करोडका सामान निर्यात
काठमाडौं । वीरगञ्ज भन्सार कार्यालयबाट चालु आर्थिक वर्षको भदौ मसान्तसम्ममा रु पाँच अर्ब २६ करोड ३७ लाख १० हजार मूल्य...
-
अमेरिकी डलरको मूल्य घट्योे, युरोको बढ्यो
काठमाडौँ, १० असोजः नेपाल राष्ट्र बैंकले आजका लागि तोकेको विदेशी मुद्रा सहटी दरअनुसार अमेरिकी डलर र पाउण्ड स्ट्रलिङको मूल्य घटेको...