मंसिर १० को चुनाव यसकारण रोचकः प्रभावशाली नेताहरु नै एकअर्काका प्रतिष्पर्धी
काठमाडौं, ६ कात्तिक । प्रदेश र प्रतिनिधि सभाको निर्वाचनका लागि केही प्रभावशाली नेताहरुबीच प्रतिस्पर्धा हुने देखिएको छ । पहिलो चरणमा निर्वाचन हुने ३२ जिल्लामा आईतबार उम्मेद्वार मनोनयन दर्ता गरियो । केही क्षेत्रमा चर्चित र प्रभावशाली उम्मेद्वारहरु एकअर्काको प्रतिष्पर्धीको रुपमा उभिएका छन् ।
एकातर्फ नेकपा एमाले र माओवादी केन्द्रबीचको वामपन्थी गठबन्धन र अर्कातर्फ कांग्रेस नेतृत्वमा लोकतान्त्रिक गठबन्धन बनाएर मुख्य दलहरु प्रदेशसभाको चुनावी मैदानमा होमिएका छन् । मनोनयन दर्तासँगै विभिन्न राजनीतिक दलहरुबाट उम्मेद्वार बनेका नेताहरुबीचको भीडन्तको चर्चापरिचर्चा सुरु भएको छ ।
आइतबार सम्पन्न उम्मेद्वार मनोनयन दर्तासँगै मतदाताहरुमा राजनीतिक दलबाट उम्मेद्वार बनेका नेताहरुको प्रतिष्पर्धाले आउँदो मंसिर १० गतेको निर्वाचन केहि रोचक हुने देखिएको छ । दुई फरक धारको गठबन्धनले यो निर्वाचनलाई थप रोचक बनाउँदै लगेको छ ।
नेकपा एमाले र माओवादीको बाम गठबन्धन र नेपाली काँग्रेससहित साना दलको लोकतान्त्रिक गठबन्धनबाट उम्मेद्वार बनेकाहरुबीचको भीडन्त मंसिर १० गते हेर्न लायक बनेको छ । प्रदेशका ७४ सिटमध्ये माओवादीले ३३ सिट र एमालेले ३९ सिट पाएको छ ।
बाबुराम र नारायणकाजीको भिडन्त निकै रोचकः
नयाँ शक्ति नेपालका संयोजक बाबुराम भट्टराई र नारायणकाजी श्रेष्ठको भिडन्त एकदमै रोचक बन्ने छ । एउटै क्षेत्रबाट उम्मेदवारी दिएका यि दुईबीचको चुनावी भीडन्त निकै रोचक देखिने भएको हो । उम्मेदवारी मनोनय दर्ता गराएको भोली पल्टै सोमबार दुई नेताबीच आरोप प्रत्योप सुरु भएको छ । गोरखामा पत्रकार सम्मेलन गर्दै दुई नेताहरुले एकअर्कालाई दोषारोपण गरेका हुन् । काँग्रेसको साथ पाएका बाबुराम भट्टराई र एमालेको साथ पाएका नारायणकाजी श्रेष्ठबीचको प्रतिष्पर्धाले नेपालको राजनीतिक जगतले निकै चाँसोका साथ हेरिरहेको छ ।
सिन्धुपाल्चोकमा पशुपति शमशेरसँग अग्निप्रसाद सापकोटाको टक्कर:
सिन्धुपाल्चोक १ बाटसञ्चारमन्त्री मोहनबहादुर बस्नेतले उम्मेदवारी दर्ता गराएका छन् । यसअघिको निर्वाचनमा हार बेहोरेका राप्रपा (प्रजातान्त्रिक) का अध्यक्ष पशुपति शमशेर राणाले सिन्धुपाल्चोक २ बाट काँग्रेसको साथ पाउँदै उम्मेदवार बनेका छन् । तर, उनलाई चुनावी मैदानमा माओवादी केन्द्रका नेता अग्निप्रसाद सापकोटाले चुनौती दिनेछन् । उनलाई एमालेले साथ दिएको छ । यसले गर्दा अबको चुनाव सिन्धुपाल्चोकमा निकै रोचक हुनेदेखिएको छ ।
ओखलढुंगामा रामहरि खतिवडासँग एमालेका यज्ञराज सुनुवार भिड्नेः
एक निर्वाचन क्षेत्रमा प्रतिनिधिसभाको निर्वाचन गर्नुपर्ने भएपछि दुवै गठबन्धनका चर्चित अनुहार नै प्रतिस्पर्धामा देखिएका छन् । लोकतान्त्रिक गठबन्धनवाट नेपाली कांग्रेसका युवा नेता रामहरि खतिवडा प्रतिष्पर्धामा उत्रेका छन् भने उनलाई एमालेका युवा नेता यज्ञराज सुनुवारले टक्कर दिनेछन् ।
नुवाकोटमा अर्जुननरसिंह केसी र नारायणप्रसाद खतिवडाः
अर्जुननरसिंह केसी पनि यसपटक २ नम्बर क्षेत्रवाट चुनावी मैदानमा उत्रेका छन् । अर्जुननरसिंह केसीसँग वाम गठबन्धनका नारायणप्रसाद खतिवडा भिड्ने भएका छन् । त्यसैगरि रुकुममा माओवादीका प्रभावशाली नेता जर्नादन शर्माले यस पटक लोकतान्त्रिक गठबन्धनका वीरबहादुर ओलीसँग प्रतिष्पर्धा गर्ने भएका छन्।
वाम गठबन्धनको तर्फबाट एमालेका ‘हेभिवेट’ उम्मेदवारहरुमा सचिवद्धय पृथ्वीसुब्बा गुरुङ र योगेश भट्टराई रहेका छन् । प्रदेश १ को मुख्यमन्त्रीको दावेदार रहेका एमाले नेता शेरधन राईले भने भोजपुर २ को प्रदेशसभाका लागि उम्मेदवार बनेका छन् ।
एमालेका अर्का प्रभावशाली नेता राजेन्द्रप्रसाद पाण्डे यसपटक धादिङको प्रतिनिधिसभा १ बाट उम्मेदवारी दिएका छन् । उम्मेद्वारहरुको आफ्नो क्षेत्रमा रहेको प्रभाव भन्दा पनि यो निर्वाचनमा कुन गठबन्धन कतिको बलियो भन्ने आधारमा जित्ने देखिन्छ । गठबन्धन बलियो नभएमा यसअघिका चुनावी नतिजा परिर्वतन नहोला भन्न सकिन्न ?
Comments
अरु समाचार
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...
-
लुम्बिनी र सुदूरपश्चिम प्रदेशका केही स्थानमा अति भारी वर्षा हुने
काठमाडौँ । हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखा सरदर स्थानभन्दा...
-
पूर्वमुख्यमन्त्री कार्कीद्वारा पुनः अनसन सुरु
मोरङ। कोशी प्रदेश सरकारका पूर्वमुख्यमन्त्री केदार कार्कीले पुनः अनसन सुरु गर्नुभएको छ । मंगलबार अपराह्न ४ बजेदेखि विराटनगर–७ स्थित देवकोटा...