यौन सम्बन्ध लुकाउन भाइको हत्या, पोल खुलेसँगै हत्याले निम्त्याएको आत्महत्या
सिरहा, १३ कात्तिक । आफ्नो यौन सम्बन्ध लुकाउन १३ वर्षीय भाइको हत्या गरेकी एक युवतीले प्रहरी हिरासतमै आत्महत्या गरेकी छिन् । सिरहाको कर्जन्हा नगरपालिका–२ की १६ वर्षीया प्रियंका यादवले प्रहरी हिरासमतै आत्महत्या गरेकी हुन् । प्रियंकालाई प्रहरीले आफ्नै भाइको हत्या गरेको आरोपमा पक्राउ गरेको थियो।
प्रहरीले आइतबार मात्र उनलाई सार्वजनिक गरेको थियो । सार्वजनिक गरेको केही घण्टामा नै उनले झुण्डिएर आत्महत्या गरेको प्रहरीले जनाएको छ । प्रियंकाले हिरासतकै शौचालयको भेन्टिलेटरको रडमा सलले झुण्डिएर आत्महत्या गरेको प्रहरीले जनाएको छ ।
प्रहरीले हत्याको आरोपमा प्रियंका र उनका नजिकका साथी सञ्जयकुमार साहलाई पक्राउ गरेको थियो। आफ्नै काकाको छोरो भवेश कुमार यादवले उनको र सञ्जयकुमारको यौन सम्बन्धबारे थाहा पाएपछि घर परिवारले थाहा पाउने डरले उनीहरुले नजिकको जंगलमा लगेर हत्या गरेका थिए।
भवेशले दिदी प्रियंका र साथी सञ्जयले गोठालो जाँदा नर्सरी भित्र यौन सम्बन्ध राखेको देखेका थिए । सोही कुरा परिवारलाई नभन्न आग्रह गर्दा नमानेपछि पटका र मोबाइलको प्रलोभन देखाई नजिकको जंगलमा लगेर हत्या गरेको प्रहरी बयानका क्रममा प्रियंका र सञ्जयले बताएका थिए ।
हत्याले निम्त्यायो आत्महत्याः
घाँटी रेटेर हत्या भएको अवस्थामा शव भेटिएपछि नेपाल प्रहरी २ नं. प्रदेश कार्यालय, जिल्ला प्रहरी कार्यालय र इलाका प्रहरी कार्यालय मिर्चैयाको टोली अनुसन्धानमा खटिएको थियो। अनुसन्धानको क्रममा मृतककी ठूलोबुबाकी छोरी प्रियंका र धनुषाको धनौजीपट्टि घर भई कर्जन्हा– २ स्थित मामाको घरमा बसेर पढिरहेका सञ्जयको अनैतिक सम्बन्ध रहेको प्रारम्भिक सूचना पाएपछि प्रहरीले हप्ता दिनभित्रै दुवैलाई पक्राउ गरेको हो।
छिमेकी युवकसँगको अनैतिक सम्बन्धकै कारणले भाइको हत्या गरेको खुलेपछि हीनताबोध गर्दै उनले आत्महत्या गरेको हुन सक्ने आशंका गरिएको छ। आफ्नै काकाका छोरा १३ वर्षका भवेशकुमार यादवले कार्तिक १ गते सञ्जयसँगको शारीरिक सम्बन्ध देखेपछि दुवैले हत्या गर्ने योजना बनाई पर्सिपल्ट कार्तिक ३ गते धारिलो खुकुरी प्रहार गरी हत्या गरेका थिए। आफूहरूको शारीरिक सम्बन्धको कुरा कसैलाई पनि नभन्ने सर्तमा फकाएर हत्या गर्ने उद्देश्यले ‘नर्सरीमा मोबाइल र पटाका लुकाएर राखेका छौँ, लिन जाऔँ’ भन्दै वनमारा घारीमा धारिलो खुकुरी प्रहार गरी उनको हत्या गरिएको प्रहरीले जनाएको छ।
हत्यामा संलग्न रहेकी प्रियंका बन्दीपुरस्थित नेपाल राष्ट्रिय फूलकुमारी माविमा कक्षा ८ मा पढ्दै थिइन्। बन्दीपुरस्थित अक्सफोर्ड बोर्डिङ स्कुलमा कक्षा ४ मा अध्ययनरत भवेश कार्तिक ३ गते बेपत्ता भएपछि खोजतलाश गर्ने क्रममा दुई दिनपछि कार्तिक ५ गते अपराह्न ४ बजे शव भेटिएको प्रहरीले जानकारी दिएको छ।
आत्महत्याको कारण सामाजिक सञ्जाल तथा मिडियाः
भवेशको हत्या भएकै दिनदेखि सञ्चारमाध्यमहरुले उक्त घटनालाई फ्लोअप गरिरहे । प्रहरीले घटनामा संलग्न पत्ता लगाएर सार्वजनिक पनि गर्यो । प्रहरीले सार्वजनिक गरेको केही क्षणमै उक्त घटना निकै भाइरल बन्यो । विशेषगरी सामाजिक सञ्जालले उक्त घटनालाई निकै मसला मान्यो ।
सञ्चारमाध्यमहरुले पनि ‘सेक्स गरिरहेको देखेपछि आफ्नै भाईको हत्या’, ‘भैसी चराउन जाँदा जंगलमा यौनसम्पर्क गरेको देखेपछि भाईको हत्या’ जस्ता शीर्षकमा प्रकाशन तथा प्रशारण गरे । घटना एकाएक ट्रेन्डिङमा आयो । जसले गर्दा उनलाई आत्महत्या गर्न बाध्य बनायो । अर्को कुरा आफुले गरेको अपराधबाट हिनताबोध मान्दै आईरहेकी प्रियंकालाई सामाजिक सञ्जाल तथा सञ्चारमाध्यमले आत्महत्या गर्नेतर्फ धकेलिदिए ।
Comments
अरु समाचार
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...
-
लुम्बिनी र सुदूरपश्चिम प्रदेशका केही स्थानमा अति भारी वर्षा हुने
काठमाडौँ । हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखा सरदर स्थानभन्दा...
-
पूर्वमुख्यमन्त्री कार्कीद्वारा पुनः अनसन सुरु
मोरङ। कोशी प्रदेश सरकारका पूर्वमुख्यमन्त्री केदार कार्कीले पुनः अनसन सुरु गर्नुभएको छ । मंगलबार अपराह्न ४ बजेदेखि विराटनगर–७ स्थित देवकोटा...