बालकृष्ण पक्राउ परेपछि उज्जनकी दिदी सावित्रीले दिईन यस्तो प्रतिक्रिया
काठमाडौं, १४ कात्तिक । आफ्ना भाईको हत्यारा पक्राउ परेकोमा उज्जनकुमार श्रेष्ठकी दिदी सावित्री निकै खुशी देखिएकी छन् । मंगलबार बिहान सातदोबाटोबाट बालकृष्ण ढुंगेल पक्राउ परेपछि प्रतिक्रिया दिँदै सावित्रीले न्याय नमरेको बताएकी छिन् ।
भाईको हत्यारालाई कारबाहीको माग गर्दै सात वर्षदेखि अड्डा अदालत धाउँदै आएकी सावित्री आज भने निकै खुशी भएकी छिन् । ‘पक्राउ परेको हल्ला त सुनेकी छु। तर, अहिलेसम्म प्रहरीले औपचारिक रुपमा पक्राउ गरेको जानकारी दिएको छैन,’ सावित्रीले भनिन्, ‘यदि त्यसो भयो भनेमात्र मलाई उनी पक्राउ परेको विश्वास लाग्ने छ।’
पक्राउ गरेकै भए पनि शक्तिको आडमा छुटिहाल्छन् होला भन्ने चिन्ताले पनि सताइरहेको उनको भनाई छ । ‘यो कुरा पुष्टी भयो भने म देशमा न्याय मरेको रहेनछ भन्ने छु,’ सावित्रीले रुँदै भनिन्, ‘मेरो दाइले भाइ मारिएको भनेर जाहेरी दिएबापत हत्याराको सिकार हुनुपर्यो। समातेकै भए मेरो दाइको आत्माले शान्ति पाउँछ।’
पक्राउ परेको खबर सुन्दा पूरा विश्वास नभए पनि पहिलो पटक दाजु गणेशकुमार श्रेष्ठको अनुहार झल्झली सम्झिएको बताइन्। ‘उहाँले जाहेरी दिएको भनेर नै मेरा दाइ गणेशलाई पनि मारेका थिए,’ भकानिँदै सावित्रीले भनिन्।
‘न्यायालयले सही फैसला गरेर पनि हामीले न्याय पाउन सकेका थिएनौं,’ सावित्रीले भनिन्, ‘न्यायालयको फैसला कार्यान्वयन गर भन्न पनि हामीले राज्यसँग भिख मागे झै गर्नुपर्यो । यतिका दिन हामीले न्याय मागेर हिँड्दा नै थप क्षति बेहोर्नु पर्यो।’
उनले ढिलै भए पनि पक्राउ पर्दा राहत महसुस गरेको बताइन्। ‘यो देशमा न्याय अझै मरेको रहेन छ भन्ने अनुभव मैले गरेकी छु,’ सावित्रीले भनिन्। हत्यारालाई समातिएको भए पूरा सजाय दिन र कुनै पनि बाहनामा छुट नदिन आग्रह गरेकी छन् । पक्राउ परेपछि आफ्ना भाईको मृतआत्माले शान्ति पाएको भन्दै उनले भनिन्, ‘अब कुनै बाहनामा उनलाई छुट दिने कार्य नहोस्, पुरै सजाय पाओस् ।’
http://news-nepal.com/659075/
http://news-nepal.com/658905-2/
Comments
अरु समाचार
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...
-
लुम्बिनी र सुदूरपश्चिम प्रदेशका केही स्थानमा अति भारी वर्षा हुने
काठमाडौँ । हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखा सरदर स्थानभन्दा...