प्रचण्डको उम्मेदवारी दर्तामा सबैभन्दा अगाडि देखिए देवि ज्ञवाली

प्रदेश

चितवन, १६ कात्तिक । नेकपा माओवादी केन्द्रका अध्यक्ष पुष्पकमल दाहाल प्रचण्डले चितवन क्षेत्र नम्बर ३ बाट उम्मेदवारी दर्ता गराएका छन् । नेकपा एमालेसँग चुनावी तालमेल गरेर निर्वाचनमा होमिएका प्रचण्ड र्‍यालीसहित मनोनयन दर्ताको लागि निर्वाचन अधिकृतको कार्यालय पुगेका थिए ।

उक्त र्‍यालीमा एमालेका चर्चित नेता देवी ज्ञवाली अग्र पंक्तिमा थिए । स्थानीय तह निर्वाचनबा एकाएक नेपालको राजनीतिमा चर्चित बनेका ज्ञवाली प्रचण्डलाई चुनाव जिताउन भन्दै लागेका छन् । ज्ञवाली स्थानीय तह निर्वाचनमा प्रचण्डकी छोरी रेणु दाहालसँग पराजित भएका थिए ।

आफ्लाई षडयन्त्रपूर्णक हराएको भन्दै प्रचण्ड र माओवादीप्रति निकै क्रुद्ध देखिएका ज्ञवाली अन्ततः प्रचण्डलाई निर्वाचनमा सहयोग गर्नेस्थितिमा पुगेका थिए । प्रचण्डलाई काठमाडौं आएर भेट गरी चुनावमा जिताउने कमाण्ड आफुले सम्हाल्ने घोषणा गरेका ज्ञवाली बिहीबारको मनोनयन दर्ताका क्रममा प्रचण्डसँगै देखिएका हुन् ।