मधेशकेन्द्रित दलको चुनावी एजेण्डा के हो ? घोषणापत्र बिना नै चुनावमा
काठमाडौं, २२ कात्तिक । मधेशकेन्द्रित दलहरु विना घोषणापत्र चुनावमा होमिएका छन् । बौद्धिक मतदाताका लागि र पार्टीको धारणा सार्वजनिक गर्न महत्वपूर्ण मानिएको घोषणापत्रलाई मधेशकेन्द्रित दलहरुले लत्याएका छन् ।
नेपाली कांग्रेस, एमाले र माओवादी सम्मिलित वाम गठबन्धन, राप्रपा लगायतका दलहरुले प्रतिनिधि र प्रदेश सभा निर्वाचनका लागि चुनावी घोषणापत्र सार्वजनिक गरिसकेका छन् । तर मतदान नजिकिदै जाँदा पनि मधेशकेन्द्रित दलहरुले घोषणापत्र सार्वजनिक गर्न सकेका छैनन्।
आफुलाई मधेशको रैथाने दाबी गर्ने राष्ट्रिय जनता पार्टी (राजपा) नेपालले घोषणापत्र तयार गर्न समिति समेत बनाउन सकेको छैन। सबै नेताहरु आ आफ्नो क्षेत्रमा रहेकाले घोषणापत्र तयार हुन नसकेको राजपाका महासचिव मनिष सुमनको भनाई छ । उनी भन्छन्, ‘हालसम्म पार्टीको घोषणापत्र तयार भएको छैन। हामी सबै नेताहरु अहिले आ–आफ्नो क्षेत्रमा रहेकाले घोषणापत्र तयार हुन सकेको छैन।’
सुमनले घोषणापत्र एउटा समितिको जिम्मा दिएर बनाउने भने पनि हालसम्म समिति गठन हुन नसकेको बताए। उनले भने, ‘हामी आन्दोलनकारी पार्टी हौं। हाम्रा एजेण्डाहरु जनताले बुझेका छन्। त्यसकारण हाम्रो प्राथमिकतामा घोषणापत्र परेको छैन।’
संयुक्त लोकतान्त्रिक मधेशी मोर्चाको ६ वटा पार्टी मिलेर बनेको राजपामा दस्तावेजहरु निर्माणका लागि विवाद हुँदै आएको छ। पार्टीको विधान पनि विवादरहित बनेको छैन। स्थानीय निकाय निर्वाचनको घोषणापत्रमा पनि निकै विवाद भएको थियो। प्रतिनिधि सभा र प्रदेश सभाको चुनावी घोषणापत्र निर्माणमा पुनः विवाद हुने भन्दै नेताहरु पन्छिन खोजेपछि घोषणा पत्र बन्न नसकेको वा घोषणामा ढिलाई भएको हो ।
संघीय समाजवादी फोरम नेपालले पनि हालसम्म चुनावी घोषणापत्र सार्वजनिक गर्न सकेको छैन। फोरम नेपालकी नेतृ रेखा यादवले घोषणापत्र तयार भईरहेको बताईन् । उनले भनिन्,‘हाम्रो चुनावी घोषणापत्र तयार भइरहेको छ । बुधबार रातिसम्म फाइनल हुनेछ।’ यसै साताभित्र घोषणापत्र सार्वजनिक हुन सक्ने यादवले बताइन् ।
Comments
अरु समाचार
-
विदेशी मुद्रा विनिमय दर कति ? युरो र पाउण्डको मूल्य बढ्यो
काठमाडौँ : बिहीबारको तुलनामा आज शुक्रबार अमेरिकी डलरको मूल्यमा गिरावट आएको छ भने युरो र पाउण्ड स्ट्रलिङको मूल्य बढेको छ...
-
राष्ट्रसंघ महासभाको अधिवेशनमा भाग लिन प्रधानमन्त्री न्यूयोर्क जाँदै
काठमाडौँ । प्रधानमन्त्री केपी शर्मा ओली संयुक्त राज्य अमेरिकाको न्यूयोर्कस्थित संयुक्त राष्ट्रसङ्घको मुख्यालयमा भइरहेको संयुक्त राष्ट्रसङ्घ महासभाको ७९औँ अधिवेशनमा भाग...
-
‘‘संविधानको पूर्ण कार्यान्वयन भए जनताको निराशा हटनेछ’’: मन्त्री गुरुङ
काठमाडौं । संविधान कार्यान्वयनका नौ वर्षलाई हेर्दा निराश हुनुपर्ने अवस्था छैन । विश्वका अन्य देशमा नयाँ संविधान बनिसकेपछिको अभ्याससँग तुलना...
-
संवैधानिक स्वतन्त्रताको उपभोग गरेर भविष्य सुरक्षित गर्नुपर्नेमा प्रधानमन्त्रीको जोड
काठमाडौं। प्रधानमन्त्री केपी शर्मा ओलीले संविधानले दिएको स्वतन्त्रताको उपभोग गरेर भविष्य सुरक्षित गर्नुपर्ने बताएका छन् । संविधान दिवसका अवसरमा आज...
-
संविधानको मर्मअनुरुप काम गर्नुपर्छः मुख्यमन्त्री कार्की
काठमाडौं । कोशी प्रदेशका मुख्यमन्त्री हिक्मतकुमार कार्कीले संविधानको मर्मअनुरुप कार्यसम्पादन गर्नुपर्नेमा जोड दिएका छन् । साथै उनले मुलुकलाई सामाजिक न्यायसहित...
-
जम्मू–कश्मीर विधानसभा चुनावमा ५९.१९ प्रतिशत मतदान
दिल्ली । जम्मू–कश्मीरमा बुधबार भएको विधानसभा चुनावको पहिलो चरणमा साँझ पाँच बजेसम्म ५९ दशमलव १९ प्रतिशत मतदान भएको छ ।...
-
संविधान दिवस २०८१ आज हर्षोल्लासका साथ मनाइँदै
काठमाडौँ । संविधान दिवस तथा राष्ट्रिय दिवस २०८१ आज स्वदेश तथा विदेशमा विभिन्न कार्यक्रम गरी हर्षोल्लासका साथ मनाइँदैछ । नेपाल...
-
दुर्गा प्रसाईंलाई पक्राउ गर्न प्रहरीलाई अदालतले दियो अनुमति
काठमाडौं । बी एन्ड सी मेडिकल कलेज झापाका सञ्चालक दुर्गा प्रसाईंविरुद्ध पक्राउ पुर्जी जारी भएको छ । बुधबार काठमाडौं जिल्ला...
-
वनमन्त्री शाहीसँग कतारका राजदूतको शिष्टाचार भेट
काठमाडौं । वन तथा वातावरण मन्त्री ऐनबहादुर शाही ठकुरीसँग नेपालका लागि कतारका राजदूत मिशाल मोहमद अल अन्सारीले शिष्टाचार भेट भएको...