मानसिक सन्तुलन गुमेका युवकले अन्धाधुन्द खुकुरी प्रहार गर्दा तीनजनाको हत्या
मकवानपुर, २९ कात्तिक । मकवानपुरमा खुकरी प्रहारबाट तीन जनाको हत्या भएको छ । महनगरी–७ सिमलडाँडाका सुमन बराइलीले अन्धाधुन्द खुकुरी प्रहार गर्दै तीनजनाको हत्या गरेका हुन् । बराइलीले स्थानीय ५२ वर्षीय सीताराम धितालको घरमै पुगेर खुकुरी प्रहार गर्दा उनको घटनास्थलमै ज्यान गएको इलाका प्रहरी कार्यालय मनहरीले जनाएको छ ।
त्यसैगरी खुकुरी प्रहारबाट गम्भीर घाइते भएका धितालका छोरा सुदन र छिमेकी जीतबहादुर ब्लोनको उपचारका लागि भरतपुर लाँदै गर्दा बाटामै ज्यान गएको छ । बराइलीलाई घटनास्थलबाटै पक्राउ गरेर अनुसन्धान अघि बढाएको छ ।
यसरी भयो तीन जनाको एकै चिहानः
मंगलबार साँझ एकाएक सनसनी मच्चियो । मनहरी ७ समिल डाँडामा खुकुरीले काटेर तीन जनाको हत्या भयो । ३२ बर्षका सुमन बराइलीले गर्दनमा खुकुरी प्रहार गरी तीन जनाको हत्या गरे । घटनास्थल मनहरी बजारबाट १ किलोटिर पश्चिममा पर्छ ।
मृतकमध्ये एक हुन् ५२ बर्षीय सीताराम धिताल । उनको सानो एकतले, दुईपाखे फुसको घर छ । हर्नामाडीतिरबाट केही बर्षअघि मात्रै उनी बसाइँ सरेर आएका हुन् । उनी ज्याला मजदुरीका काम गर्थे । उनको घरभन्दा ५० मिटर दुरीमा एउटा अर्को चिटिक्कको घर छ । त्यो घर हो सुमन बराइलीको । सुमनको कान्छो छोरा र सीतारामको कान्छो छोराबीच केही महिनाअघि मात्रै मितेरी साइनो जोडिएको रहेछ ।
३२ बर्षका सुमन र ५२ बर्षका सीताराम मित साइनोमा बाँधिए, छोराहरु मार्फत । सुमन केही बर्षयता असामान्य अबस्थामा रहेछन् । केही समय पहिले हेटौँडा लगेर उपचार गर्दा मानसिक रोगी भएकाले औषधी पनि खुवाइएको रहेछ । केहीदिनदेखि सुमन घरबाट हराएका थिए ।
उनलाई खोजेर सोमबार घर ल्याइयो । सुमन १ बर्षअघि मात्रै समिलडाँडामा बस्न आएका हुन् । कर्राबाट खोजेर ल्याइएका सुमन फेरि हराए र मंगलबार बिहानै फेरि खोजेर ल्याइयो । उनले आफ्नै मित, मित छोरा र बाटामा हिँडिरहेका छिमेकीलाई खुकुरी प्रहार गरी हत्या गरे ।
यसरी भयो हत्याः
मंगलबार साँझ काम सकेपछि सीताराम सुमनको घरमा गए । घरमा बस्नु, काम गर्नु भनेर सम्झाउन उनी गए । सुमन भने चुरियामाईले बोलाको छ भन्दै बिहानैदेखि असामान्य भाषा बोल्दै थिए । यत्तिकैमा घरको आँगनमा मित सीतारामलाई खुकुरी हाने । मितको आधाभन्दा बढी गर्दन काटियो, त्यहीँ ढले । बुवालाई खुकुरी हानेको देखेर दौडेर सीतारामका छोरा सुदन आइपुगे ।
छोरालाई पनि त्यसैगरी गर्दनमै खुकुरी प्रहार गरे। त्यसपछि नांगो खुकुरी नचाउँदै बाटैबाटो सुमन हिँडे । बाटोमा हिडिरहेकी दाईकी छोरी रोशनीलाई पनि खुकुरी प्रहार गरे । तर रोशनी डरले कान्लाबाट लडिन्, खुकुरीको चुच्चाले उनको लुगा अलिकति च्यातियो । गाउँलेहरुको भागाभाग भयो ।
वृद्धलाई बाटोमै खुकुरी प्रहारः
एकजना बृद्धा जीतबहादुर ब्लोनलाई सुमनले बाटोमा भेट्यो ।सबैजनाले ब्लोनलाई भाग्न भने । तर उनले कान नसुन्ने रहेछन् । उनको आँखा पनि कमजोर रहेछ । सुमनले ब्लोनलाई पनि गर्दनमै खुकुरी प्रहार गर्छ, ब्लोन बाटामै ढल्छन् । खुकुरी लिएर प्रहार गर्दै हिँडेका सुमनलाई युवाहरुले पछ्याए । तर उल्टै सुमनले खुकुरी ताकी ताकी युवाहरुलाई लखेटे ।
नांगो खुकरी लिएर धमाधम हत्या गर्न थालेपछि स्थानीय कसैले घटनाको जानकारी फोनमार्फत प्रहरीलाई गराए । प्रहरी निरीक्षक चित्रबहादुर घलेसहितको टोली घटनास्थल आइपुग्छ ।प्रहरीसहित गाउँले मिलेर सुमनलाई लखेट्छन् । तर, उल्टै प्रहरीलाई समेत सुमनले लखेट्न खोज्छ । घलेले प्रहरी उपरिक्षकलाई फोन गरेर गोली हान्ने आदेश माग्छन् । गोली हान्नु भन्ने जवाफ अउँछ । तर, गाउँलेले हानेको ढुंगा लागेर सुमन लड्न पुग्छ । प्रहरीले उनलाई पक्राउ गर्छ ।
मानसिक सन्तुलन गुम्दाको परिणामः
प्रारम्भिक अनुसन्धानबाट यो नितान्त मानसिक सन्तुलन गुम्दाको परिणाम हो भन्ने निष्कर्ष निकालिएको छ । प्रहरी कार्यालयमा सुमनसँग कुरा गर्दा उनी बेहोसीकै कुरा गर्छन् । उताबाट आएका मान्छेले मेरो आमाबुवा, बुढी, छोराछोरी सबै मारे भन्छन् । उता भनेको कता भनेर प्रश्न गर्दा उनी भन्छन् । गढीमाईबाट मलाई यस्तो आदेश आएको भन्छन् ।
Comments
अरु समाचार
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...
-
लुम्बिनी र सुदूरपश्चिम प्रदेशका केही स्थानमा अति भारी वर्षा हुने
काठमाडौँ । हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखा सरदर स्थानभन्दा...