अबको पाँच वर्ष देश प्रचण्ड की ओली कसले हाक्ने ?
काठमाडौं, १२ पुस । अबको प्रधानमन्त्रीको नेतृत्व कसले गर्ने भन्ने विषयमा एमाले माओवादीबीच विवाद सिर्जना भएको छ । दुई पार्टीभित्र यस विषयमा गहन छलफल नभएपनि नेताहरुले सार्वजनिक गरिरहेका धारणाले विवाद उत्पन्न भएको पुष्टि भएको छ । वाम एकता र नयाँ सरकार गठनका विषयमा एमाले र माओवादी केन्द्रभित्र विभिन्न कोणबाट छलफल भईरहेका छन् ।
एमाले अध्यक्ष केपी ओली र माओवादी केन्द्रका अध्यक्ष प्रचण्डमध्ये एक एक जना वाम एकतापछि पार्टी अध्यक्ष र प्रधानमन्त्री बन्ने लगभग पक्कापक्की छ । तर कसले प्रधानमन्त्री र कसले पार्टीको नेतृत्व गर्ने भन्नेमा दुई दलभित्र विवाद भएको हो । एमालेले नेताहरु ओलीले देशको नेतृतव गर्नुपर्ने तर्क पेश गरिरहेका छन् भने माओवादी नेताहरु प्रचण्डले प्रधानमन्त्री बन्नपर्ने धारणा अघि सारिरहेका छन् ।
जसका कारण उत्पन्न विवाद सजिलै समाधान हुने छनक देखिदैंन् । नयाँ सरकार निर्माण र पार्टी एकताबारे छलफल गर्न एमाले अध्यक्ष ओली र माओवादी केन्द्रका अध्यक्ष प्रचण्डबीच आज वार्ता हुँदैछ । दुई नेताबीच हुन लागेको वार्तालाई ‘बहुप्रतिक्षित’ मानिएको छ ।
आज हुने वार्ताले अबको प्रधानमन्त्री ओली कि प्रचण्ड ? भन्ने टुंगो लाग्ने जनाईएको छ । एमालेका अधिकांश नेताहरू आगामी पाँच वर्षसम्म केपी ओली नै प्रधानमन्त्री हुने बताउँदै आएका छन् । जुन कुराले माओवादी केन्द्रका नेताहरूलाई झस्काएको छ ।
प्रचण्डले नै नयाँ सरकार आलोपालो चलाउने भन्ने सहमति भएको खुलासा गरिसकेपछि पनि एमाले नेताहरूको पार्टी अध्यक्ष र प्रधानमन्त्री दुवै ओली नै हुने भन्ने अभिव्यक्तिले अबको पाँच वर्षसम्म प्रचण्ड राज्यसत्ता र पार्टी सत्ताबाट बाहिरै रहलान् त ? भन्ने विश्लेषण गर्न थालिएको छ ।
मंगलबार हुने भनिएको वार्ता प्रचण्ड चितवनबाट काठमाडौं आउन ढिलाइ भएपछि हुन सकेको थिएन । बुधबार बिहानलाई भेटवार्ताको समय मिलाइए पनि समय भने निश्चित नभएको बताइएको छ । पार्टी एकताका विषयमा निकै टीकाटिप्पणी हुन थालेपछि ओली र प्रचण्डबीच निर्णायक वार्ता हुन लागेको स्रोतले बतायो । सरकार निर्माण र पार्टी एकीकरण सँगसँगै गर्नुपर्ने निष्कर्षमा पुगेको माओवादी केन्द्रले उक्त विषयको औपचारिक प्रस्ताव ओलीसमक्ष राख्ने तयारी गरेको छ ।
निर्वाचनलगत्तै पार्टी एकीकरण प्रक्रिया सुरु गर्ने भने पनि एमाले अध्यक्ष ओली र माओवादी केन्द्रका अध्यक्ष प्रचण्डबीच दुईपटक मात्रै औपचारिक वार्ता भएका छन् । विभिन्न कार्यक्रममा ओली र प्रचण्डले पार्टी एकता छिट्टै हुने भने पनि लामो समयसम्म दुवै दलबीच औपचारिक संवाद नहुँदा असहमति बढेको आशंका विभिन्न पक्षबाट भएको छ । यदि आजको वार्ता सकारात्मक ढंगले अघि नबढेमा प्रचण्ड नै प्रधानमन्त्री हुने लाइनमा अघि बढिसकेको हुनसक्ने अनुमान पनि गरिएको छ ।
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...