ताजा समाचार

हिन्दी भाषामा सम्बोधन गरेको भन्दै जनकपुरमा राजपा र फोरमको पुत्ला दहन

प्रदेश
-
       

जनकपुरधाम, २३ माघ । प्रदेशसभा बैठकमा हिन्दी भाषामा सम्बोधन गरेको भन्दै धनुषाको जनकपुरमा संघीय समाजवादी फोरम र राष्ट्रिय जनता पार्टीको पुत्ला जलाइएको छ । स्थानीय युवाहरुले जनकपुरको जानकी चोकमा दुवै पार्टीको पुत्ला बनाएर जलाएका हुन् । माघ २१ गते जनकपुरमा बसेको प्रदेशसभा २ को बैठकमा फोरम र राजपाका सांसदहरुले हिन्दी भाषामा सम्बोधन गरेका थिए ।

स्थानीय युवाहरुले मैथिली, भोजपुरी र अन्य मातृभाषालाई वेवास्ता गर्दै हिन्दी भाषामा सम्बोधन गरेको भन्दै दुई पार्टीको पुत्ला जलाएका हुन् । पुत्ला दहनको क्रममा स्थानीय युवाहरूको प्रहरीसँग पुत्ला खोसाखोस भएको थियो ।

मातृभाषामा नगरी हिन्दीमा संम्बोधन गरेकाले विरोध जनाएको स्थानीयले बताए । आफ्नो मौलिका पहिचान बोकेको मैथली, भोजपुरी लगायतका माृत भाषालाई बेवास्था गरेको भन्दै उनीहरुले कडा आन्दोलन चर्काउने चेतावनी समेत दिएका छन् ।

 

 

Comments

प्रकाशित मिति : 2018-02-06

अरु समाचार

© NewsNepal 2018 - All Right Reserved.
newsnepal.com 2017.hlon.org