प्रचण्डको फोनपछि माओवादी सरकारमा जान तयार, शालिकराम मन्त्री बन्न तयार

प्रदेश

हेटौंडा, २९ माघ । अन्ततः प्रदेश ३ को सरकारमा माओवादी केन्द्र पनि सहभागी हुने भएको छ ।सोमबार विहान मात्र सपथ लिएका मुख्यमन्त्री डोरमणि पौडेल मन्त्रिपरिषद् गठनको तयारी छन् । उनले एमाले र माओवादीका एकरएक मन्त्री नियुक्त गर्नेछन् ।

केन्द्रबाट कुनै प्रतिक्रिया नआएको भन्दै माओवादी सरकारमा जान मानिरहेको थिएन् । प्रदेश ३ का माओवादी संसदीय दलका नेता शालिकराम जम्मरकट्टेलले पार्टी एकता ठोस निष्कर्षमा नपुगेको र पार्टीबाट कुनै निर्देशन नआएको भन्दै सरकारमा सहभागी नहुने बताउँदै आएका थिए । तर माओवादी केन्द्रका अध्यक्ष प्रचण्डले जम्मरकट्टेललाई टेलिफोन गरेर सरकारमा सहभागी हुन भनेका थिए ।

प्रचण्डको निर्देशनपछि माओवादी प्रदेश ३ को सरकारमा सहभागी हुन तयार भएको हो । जम्मरकट्टेलले भने, ‘सपथग्रहणमा जाने भन्ने टुंगियो । मन्त्रालय अझै प्रष्ट भएको छैन ।’ अब एमाले प्रदेशसभा सांसद केशव स्थापित भौतिक पूर्वाधार मन्त्री बन्ने एमोले स्रोतको भनाई छ । माओवादी संसदीय दलका नेता शालिकराम जम्मरकट्टेल पनि मन्त्री बन्ने भएका छन् ।

जम्मरकट्टेलले आन्तरिक मामिला तथा कानुन मन्त्रालय दाबी गर्दै आएका छन् । केन्द्रीय सरकारको गृह मन्त्रालय सरहको मानिने यस मन्त्रालय प्रदेशमा मुख्यमन्त्रीपछिको शक्तिशाली मन्त्रालय मानिन्छ ।