फाेरमले सरकारमा सहभागी हुने निर्णय गरिसकेकाे छ । सरकारले फाेरमलाई दुई मन्त्रालय र एक राज्यमन्त्री दिने सहमति गरिसकेकाे छ ।
फोरमबाट अध्यक्ष यादव मन्त्री बन्ने निश्चित छ तर अर्का मन्त्री टुंग्याउन फोरमलाई सकस परेको छ। स्रोतका अनुसार एउटा मन्त्रीका लागि ५ नेता आकांक्षी छन्।
फोरमले पाउने स्वास्थ्य मन्त्रालयमा सहअध्यक्ष राजेन्द्र श्रेष्ठ र उपाध्यक्ष रेणुकुमारी यादवले दाबी गरिरहेका छन्। अहिलेको पार्टी मधेसी जनाधिकार फोरम र संघीय समाजवादीबीच एकता भएर बनेकाले एकजना समाजवादी पार्टीबाट आएका नेता मन्त्री हुनु पर्ने उनको माग छ।
फोरम लोकतान्त्रिक कांग्रेसमा एकतापछि समाजवादी फोरममा आएका धनुषा २ का उमाशंकर अरगरियाले पनि अध्यक्ष यादवलाई आफूलाई मन्त्री बनाउन दबाब दिएका छन्। पर्सा ३ का हरिनारायण रौनियारले पनि मन्त्रीको आकांक्षा यादवसँग राखेका छन्।
