अन्याेलमा परेका सातै प्रदेशका मुख्यमन्त्रीहरुलाई प्रधानमन्त्री अाेलीले काठमाडाैं बाेलाए

समाचार

काठमाडाैं, ६ चैत । प्रधानमन्त्री केपी शर्मा अाेलीले सातै प्रदेशका मुख्यमन्त्रीहरु र प्रमुख सचिवसहितलाई काठमाडौं बोलाएका छन् ।

प्रदेश सरकारहरु अा-अाफ्नाे प्रदेशमा कसरी काम गर्ने भन्ने विषयमा नै अलमल परेपछि मुख्यमन्त्रीहरु र प्रमुख सचिवसलाई प्रधानमन्त्रीले काठमाडौंमा बाेलाएका हुन् ।

प्रधानमन्त्री अाेलीले प्रदेशका मन्त्रीहरुसँग बुधवार सामुहिक छलफल गरी प्रदेशमा काम गर्नका लागि आवश्यक सहजीकरण गर्ने प्रधानमन्त्री तथा मन्त्रिपरिषद कार्यालयले जनाएको छ ।

अाफूहरुकाे कामनै नभएकाे भन्दै प्रदेश सरकारका मन्त्रीहरु काठमाडौं अाईरहेका छन् । प्रदेश सरकारले के कस्ता कानुन अपनाउनुपर्ने हाे भन्ने बारेमा अलमलमा परिरहेकाे समयमा अब बुधवार हुने बैठककाे छलफलमा प्रदेशका मुख्य न्यायाधिवक्ताहरुलाई पनि सहभागी गराउने तयारी गरिएकाे प्रधानमन्त्री कार्यालयका अधिकारीले बताएका छन् ।

छलफलमा प्रधानमन्त्री अाेलीले प्रदेश सरकार सन्चालनमा अाएका समस्या, पूर्वाधार विकासहरुको अवस्था लगायतका विषयमा जानकारी लिनेछन् ।