नेपालको विकाशमा टेवा पुर्याउने, समृद्धिमा महत्वपूर्ण योगदान पुर्याउन सक्ने कृषि, जलमार्ग एवं रेलमार्गका क्षेत्रमा सहयोग विस्तार गर्ने प्रधानमन्त्रीकाे समझदारीलाई विवेकशील साझाले स्वागत गर्नुका साथै बधाई दिएकाे छ ।
प्रवक्ता डा. सुर्यराज आचार्यले जारी गरेको विज्ञप्तिमा लेखिएको छ, ‘स्वदेश फर्केपछिको प्रधानमन्त्रीको वक्तव्यमा उल्लेख भएअनुसार नै यो भ्रमणले नेपाल-भारत सम्बन्धलाई समानताको आधारमा सौहार्दता र पारस्पारिक विश्वासको नयाँ उचाइमा पुर्याएको हामीले पनि ठानेका छौं ।’
जलमार्ग र रेलमार्गका आयोजनाहरूको प्राविधिक तथा व्यवस्थापकीय पक्ष निर्क्यौल गर्दा नेपालको प्राथमिकता र राष्ट्रिय हितको सुनिश्चितता गर्न विवेकशील साझाले नेपाल सरकारको ध्यानाकर्षण गराएको छ ।
