ताजा समाचार

३२ किलो सुनसहित सिलिगुडीमा तीन जना पक्राउ

समाचार
-
       

काठमाडौं १९, जेष्ठ । २०७५ नेपालमा ३३ किलो सुन हराएको काण्ड चर्चामा रहेकै बेला भारतको सिलिगुडीवाट ३२ किलो सुनसहित तीन भारतीय पक्राउ परेका छन् ।

भारतको केन्द्रीय राजश्व गुप्तचर विभागको टोलीले हिजो अपरान्ह् सिलिगुडीको सेवोक रोड क्षेत्रबाट सुनसहित तीन जनालाई पक्राउ गरेको हो । भारतीय प्रहरीलाई उद्धृत गर्दै भारतीय संचारमाध्यमले पक्राउ पर्नेमा प्रवीण समराव फदम, धनाजी साहेव राव वावर र अक्षय हरिदास छन् ।

तीनै जना महाराष्ट्रका वासिन्दा हुन् । उनीहरुले कम्मरमा बाँधिएको विशेष किसिमको पेटीभित्र लुकाएर सुन तस्करी गरी महाराष्ट्र लैजान लागेका थिए । सुन चीनबाट नाथुला मार्ग हुदै सिलिगुडी भित्रिएको प्रहरी अनुमान छ ।

Comments

प्रकाशित मिति : 2018-06-02

अरु समाचार

© NewsNepal 2018 - All Right Reserved.
newsnepal.com 2017.hlon.org