‘चि मुसी चि’को शीर्ष गीतमा नम्रताले मर्काइन कम्मर

भिडियो

काठमाडौं ३०, जेष्ठ । फिल्मको मुख्य भुमिकामा धेरै देख्न नपाए पनि अभिनेत्री नम्रता सापकोटालाई आइटममा भने निकै देख्न पाइन्छ । यस्तैमा आगामी ११ साउनमा रिलिज हुने फिल्म ‘चि मुसी चि’को शिर्ष गीतमा पनि उनी देखिएकी छन् ।

मंगलबार सार्वजनिक फिल्मको गीतमा सन्तोष पोखरेलका शब्द र करणराज कार्की संगीत रहेको छ, भने स्वर सुजाता पाण्डेको छ । अभिनेत्री नम्रताले चोली र फरियामा सजिएर गीतमा आकर्षक नृत्य गरेकी छन् ।

भिडियोमा उनीसँगै सुनिल क्षेत्री र अलिशा शर्मा, शिवराज शर्मा पनि छन् । गीतको कोरियोग्राफर विक्रम स्वाँरले गरेका हुन् । म्यूजिकल थ्रिलर जनरामा निर्मित फिल्ममा दिनेश श्रेष्ठको निर्देशन रहेको छ ।

अरुणकुमार गुरुङ, महेश्वर खत्री, सुबास भुर्तेल, डबबहादुर गुरुङ निर्माता रहेको यस फिल्मको कार्यकारी निर्मातामा शिवराज कार्की र प्रस्तुतकर्ता अनिल पाण्डे र प्रिन्स युवराज कार्की रहेका छन् । सुनिल क्षेत्री, सुशान्त कार्की, अलिशा शर्मा, शिवराज कार्की, शेखर अधिकारी, कमली वाइवालागयतका कलाकारहरुको अभिनय फिल्ममा रहेको छ ।