नेकपाकै सांसदहरूले मागे अर्थमन्त्रीको राजीनामा
काठमाडाैँ २६, साउन । नेपाल कम्युनिष्ट पार्टी (ने क पा) का सांसदहरूले प्रधानमन्त्री केपी शर्मा ओलीसँग अर्थमन्त्री डा. युवराज खतिवडाको राजीनामा माग गरेका छन् । कम्युनिष्ट पार्टीको सरकार बन्दा पनि जनताका समस्या जस्ताको त्यस्तै रहेको भन्दै प्रदेश नम्बर ५ का सांसदहरूले बजेटपछि सरकारसँग बढि गुनासा आएको बताए ।
प्रधानमन्त्री ओलीले शुक्रबार प्रदेश नम्बर ५ का सांसदहरुसँग भेट गरेका थिए ।
“बजेटले सरकारलाई असफल बनाउँदैछ, अर्थमन्त्री परिवर्तन गर्नुहोस् भनेर सुझाव दियौं,” सांसद मेटमणि चौधरीले बैठकपछि भने, “बजेटपछि सरकार अलोकप्रिय बनाउन अर्थमन्त्रीको भूमिका बढि देखिन्छ । सकिन्छ भने करेक्सन गरौं नभए अर्थमन्त्री परिवर्तन गरेर भए पनि अहिलेको सरकारलाई व्यवस्थित गराउनुपर्छ ।”
उनले धेरैको गुनासो यस्तै रहेको बताए ।
“धेरै सांसदले अहिले जनता उत्साहित छैनन् भनेर भन्नुभयो,” उनले भने, “अब हामीले मुक्ति पाउँदैनौं । जनताका समस्या सम्बोधन गर्नुपर्छ ।” बैठकमा प्रधानमन्त्री केपी शर्मा ओलीले विगतको सरकारले मुलुकलाई खोक्रो बनाएको बताउँदै अहिले जनताका माग सम्बोधन गर्न नसकेको बताएका थिए ।बैठकमा अन्य सांसदहरुले पनि अर्थमन्त्री खतिवडाको आलोचना गरेका थिए । यसअघि अन्य प्रदेशका सांसदहरुले पनि अर्थमन्त्री खतिवडाले ल्याएको बजेटले जनताका समस्या सम्बोधन गर्न नसक्ने भन्दै अर्थमन्त्री परिवर्तन गर्न सुझाव दिएका थिए ।
प्रधानमन्त्री ओलीले केहिवर्ष लागे पनि आफू नेतृत्वको सरकारले मुलुकमा समृद्धि हासिल गर्न बताएका थिए ।
सांसदहरुले सिन्डिकेट अन्त्य गर्न नसकेको, ठेकेदारलाई कारवाही गर्न नसकेको, सरकारले जनताका समस्यालाई सम्बोधन गर्न नसकेको लगायतका गुनासा प्रधानमन्त्री ओलीसँग गरेका थिए । यसैबीच प्रधानमन्त्री ओलीले नेकपाको सरकार नभएको भए देश भयानक संकटमा पर्ने थियो भनेका छन् ।
अघिल्लो सरकारले देशलाई गम्भीर आर्थिक संकटमा पुर्याएको थियो भन्दै उनले अब चालू आर्थिक वर्षमै देशको आर्थिक अवस्थामा सुधार आउने धारणा व्यक्त गरे ।
उनले भने “हामीले विकास र निर्माणका ठूला–ठूला योजना ल्याएका छौं, शिक्षा र स्वास्थ्यका क्षेत्रमा अभियानहरु सुरु गरेका छौं ।”
प्रधानमन्त्री ओलीले अगाडि भने, “कसैलाई कम्युनिष्ट पार्टीको सरकार बनेकोमा असैह्य भएको हुन सक्छ, तर जनताले विश्वास गरेर सुविधाजनक वहुमत प्रदान गरेको अवस्थामा हामीले देशमा आर्थिक–सामाजिक रुपान्तरण गरेरै देखाउनु पर्छ ।”
उक्त अवसरमा नन्दलाल रोकाया, खिमलाल भट्टराई, पूर्णा सुवेदी, हिराचन्द्र के.सी., सोमप्रसाद पाण्डे, तुलसा थापालगायतका सांसदहरुले सरकार र मन्त्रीहरुका काम–कार्वाहीका साथै यो आर्थिक वर्षको वजेटका सम्बन्धमा आ–आफ्नो धारणा राखेको प्रधानमन्त्रीको सचिवालयले जनाएको छ ।
Comments
अरु समाचार
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
सिन्धुपाल्चोक केन्द्रविन्दु भएर भूकम्पको धक्का
काठमाडौं । मंगलबार बिहानै सिन्धुपाल्चोक जिल्ला आसपास केन्द्रविन्दु भएर भूकम्पीय धक्का महशुस भएको छ । राष्ट्रिय भूकम्प मापन तथा अनुसन्धान...
-
गौतमबुद्ध अन्तर्राष्ट्रिय क्रिकेट रङ्गशाला निर्माणले गति लिँदै
काठमाडौं । बहुप्रतिक्षीत गौतमबुद्ध अन्तर्राष्ट्रिय क्रिकेट रङ्गशाला निर्माणले गति लिएको छ । सङ्घ र प्रदेश सरकारसँगको समन्वयमा भरतपुर महानगरपालिकाको अग्रसरतामा...
-
देशभर मनसुनी वायुको प्रभाव कायमै, केही प्रदेशमा ठूलो वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल देशभर मनसुनी वायुको प्रभाव कायमै रहेको जनाएको छ। मनसुनको...
-
एमडीएमएस घोटालाका डिजाइनर मल्ल र सेल्सबेरीका प्रधानाङ्गद्वारा अनुसन्धान गर्ने निकायमाथि ‘मिडिया ट्रायल’
(सजिव कालाखेती) काठमाडौं । दूरसञ्चार क्षेत्रको भीओआईपीदेखि एमडीएमएस घोटालासम्म जोडिएका चर्चित र विवादित पात्र हुन् मनिन्द्र मल्ल। कल बाइपास 'भीओआईपी'...
-
खिलेन्द्र पौडेललाई आइएमई लाइफ इन्स्योरेन्सको नायब प्रमुख कार्यकारी अधिकृतमा नियुक्त गरियो
काठमाडौं। आइएमई लाइफ इन्स्योरेन्सको नायब प्रमुख कार्यकारी अधिकृतमा खिलेन्द्र पौडेल नियुक्त भएका छन्। आइएमई लिमिटेड र जीएमइको मर्जरपछि बिदा भएका...