विप्लव र किराँतीको पार्टी एकताको तयारि तिब्र
काठमाडाैँ ३१, साउन । काठमाडाैँ ३१, साउन । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी र गोपाल किराँती नेतृत्वको पुनर्गठित नेकपा माओवादी केन्द्रबीच पार्टी एकताको गृहकार्य शुरु भएको छ । दुबैपार्टीका नेताहरुले एकताका लागि विभिन्न चरणमा संवादसमेत गरेका छन् ।
पुनर्गठित माओवादीको नेतृत्व गरेका किराँतीले एकताको लागि वार्ता भएको र निकट भविष्यमा एकता हुन सक्ने बताए ।
‘हामी वैद्य कमरेड र विप्लव कमरेडसँग संवादमा छौँ । क्रान्तिकारी शक्तिहरुबीच एकता हुनुपर्छ भन्नेमा हाम्रो एकमत छ । सके सबैबीच एकैपटक, नभए विप्लव कमरेड र हामीबीच एकताको सम्भावना बलियो छ’, किराँतीले भने, ‘क्रान्तिकारी शक्तिहरुबीचको एकता निकट भविष्यमा हुन सक्ने सम्भावना छ । विप्लव कमरेडहरुसँग दुईपटक वार्ता भयो । वार्ता सकारात्मक भएका छन् । हामीले उहाँहरु ठूलो पार्टी भएको हुँदा एकताको औपचारिक पहल उहाँहरुले गर्नुस् भनेर भनेका छौँ ।’
नेता किराँतीले छिट्टै पोलिटब्यूरोको बैठक बसेर औपचारिक रुपमा एकताको पहल सुरु गर्ने बताए ।
तत्कालिन माओवादी केन्द्रले फागुन १० गते किराँतीलाई पार्टीबाट निस्काशन गरेको थियो । त्यसपछि उनी माओवादी केन्द्रलाई पुनर्गठन गर्ने अभियानमा जोडिएका थिए । एमाले र माओवादी एकताको भोलिपल्ट नेता किराँतीले प्रचण्ड नेतृत्वको पार्टीले मार्क्सवाद, लेनिनवाद, माओवादको विचार र बल प्रयोगको सिद्धान्तमा आधारित विचारधारा त्यागेको आरोप लगाउँदै औपचारिक हिसावले माओवादी केन्द्रको पुर्नगठन सुरु गरेका थिए ।
त्यसपछि उनले क्रान्तिकारी शक्तिहरुसँग एकताको पहल थालेका थिए । यहि पहल अन्तर्गत किराँतीले क्रान्त्रिकारी माओवादीका महासचिव मोहन वैद्य किरण र विप्लवसँग संवाद अगाडि बढाएका थिए ।
साउन २२ गते राति विप्लव नेतृत्वको नेकपाका प्रवत्ता खड्गबहादुर विश्वकर्मा प्रकाण्ड चन्दा असुलीको आरोपमा प्रक्राउ परेपछि सो पार्टी अहिले चर्चामा छ । यद्यपी सो पार्टीका महासचिव विप्लवको
कपिलवस्तुस्थित निवासमा प्रहरीले वारेण्ट पूर्जी टाँसेपछि उनी भूमिगत छन् । तर पनि एकीकृत जनक्रान्तिको कार्यदिशा लिएको विप्लव नेतृत्को नेकपा र समाजवादी क्रान्तिको कार्यदिशा लिएको पुनर्गठित माओवादी केन्द्रबीच एकताको गृहकार्य भएको हो ।
यसअघि पनि आफूलाई क्रान्तिकारी दाबी गर्ने विभिन्न धारका माओवादीबीच पार्टी एकताको पहल भए पनि त्यसले मूर्तरुप लिन सकेको थिएन । एमाले माओवादी एकतापछि वैद्य, विप्लव र किराँतीले मूलधारको माओवादी आफूहरु भएको दावी गरेका थिए ।
विप्लवले विज्ञप्ति जारी गर्दै एमाले र माओवादीबीचको एकतालाई ‘क्रान्तिका भगौडा र नाम कटुवा कम्युनिस्टहरूको गठजोड’ भनेर टिप्पणी गरेका थिए । उनले विज्ञिप्त मार्फत ‘कम्युनिस्ट आदर्शबाट च्यूत भएका अवसरवादी तथा संशोधनवादीको एकता भएको’ पनि आरोप लगाएका थिए ।
एकतालाई लिएर वैद्यले वाम एकताका नाममा माओवादी केन्द्रको विलय भएको टिप्पणी गरेका थिए । एमाले र माओवादी केन्द्रबीच एकता नभएर दक्षिणपन्थी र अवसरवादी धारको मिलन भएको वैद्यको टिप्पणी थियो ।
नेता किराँतीले एमाले–माओवादी एकतापछि ‘प्रचण्ड नेतृत्वको माओवादी केन्द्र नव प्रतिक्रियावादी कित्तामा पलायन भएको’ आरोप लगाएका थिए ।
एमाले माओवादी एकतापछि तीनवटै नेताले क्रान्तिकारी शक्तिबीचको एकतामा जोड दिएका थिए । विप्लवले एमाले र माओवादी केन्द्रको एकताले क्रान्तिकारीमा नयाँ शक्ति र अवसर पैदा गरेको बताएका थिए ।
वैद्यले आफूहरु सबै क्रान्तिकारी शक्तिहरूलाई गोलबन्द गर्ने दिशामा अगाडि बढेको बताएका थिए । त्यसैगरी किराँतीले माओवादी केन्द्रको पुनर्गठनमा जुट्न सवै माओवादीसँग आग्रह गरेका थिए ।
वैद्य र विप्लव ०६९ असार ५ मा तत्कालिन माओवादीबाट पार्टी फुटाएर नयाँ पार्टी गठन गरेका थिए । पछि विप्लवले वैद्यलाई छाडेर नेपाल कम्युनिस्ट पार्टी गठन गरे । एमाले माओवादीबीच फागुन ७ मा सातबुँदे सहमतिपछि किराँतीले त्यसको विरोध गरेका थिए । त्यसको तीन दिन पछि किराँती र विश्वभक्त दुलाल ‘आहूती’ लाई पार्टीबाट निष्काशन गरेको थियो ।
Comments
अरु समाचार
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
सिन्धुपाल्चोक केन्द्रविन्दु भएर भूकम्पको धक्का
काठमाडौं । मंगलबार बिहानै सिन्धुपाल्चोक जिल्ला आसपास केन्द्रविन्दु भएर भूकम्पीय धक्का महशुस भएको छ । राष्ट्रिय भूकम्प मापन तथा अनुसन्धान...
-
गौतमबुद्ध अन्तर्राष्ट्रिय क्रिकेट रङ्गशाला निर्माणले गति लिँदै
काठमाडौं । बहुप्रतिक्षीत गौतमबुद्ध अन्तर्राष्ट्रिय क्रिकेट रङ्गशाला निर्माणले गति लिएको छ । सङ्घ र प्रदेश सरकारसँगको समन्वयमा भरतपुर महानगरपालिकाको अग्रसरतामा...
-
देशभर मनसुनी वायुको प्रभाव कायमै, केही प्रदेशमा ठूलो वर्षा
काठमाडौं । जल तथा मौसम विज्ञान विभाग मौसम पूर्वानुमान महाशाखाले हाल देशभर मनसुनी वायुको प्रभाव कायमै रहेको जनाएको छ। मनसुनको...
-
एमडीएमएस घोटालाका डिजाइनर मल्ल र सेल्सबेरीका प्रधानाङ्गद्वारा अनुसन्धान गर्ने निकायमाथि ‘मिडिया ट्रायल’
(सजिव कालाखेती) काठमाडौं । दूरसञ्चार क्षेत्रको भीओआईपीदेखि एमडीएमएस घोटालासम्म जोडिएका चर्चित र विवादित पात्र हुन् मनिन्द्र मल्ल। कल बाइपास 'भीओआईपी'...
-
खिलेन्द्र पौडेललाई आइएमई लाइफ इन्स्योरेन्सको नायब प्रमुख कार्यकारी अधिकृतमा नियुक्त गरियो
काठमाडौं। आइएमई लाइफ इन्स्योरेन्सको नायब प्रमुख कार्यकारी अधिकृतमा खिलेन्द्र पौडेल नियुक्त भएका छन्। आइएमई लिमिटेड र जीएमइको मर्जरपछि बिदा भएका...