लोन्ली प्लानेटको घुम्नैपर्ने १० उत्कृष्ट ठाउँमा नेपाल पनि
एजेन्सी । कोरोना महामारीका कारण यतिबेला भ्रमण क्षेत्र सबैभन्दा नराम्ररी प्रभावित भएको छ । यस वर्ष धेरैले आफ्नो यात्राको योजना रद्द गर्नुपरेको हो । तर यसबीच भविष्यका अड्भेन्चरका लागि भनेर लोन्ली प्लानेटले यो वर्ष पनि नयाँ ‘अल्टिमेट ट्राभल लिस्ट’ अर्थात् घुम्नैपर्ने १० उत्कृष्ट गन्तव्यहरुको सूची सार्वजानिक गरेको छ ।
यसमा लोन्ली प्लानेटका विज्ञहरुले जीवनमा एकपटक देख्नैपर्ने र अनुभव गर्नैपर्ने ठाउँहरु मात्र छनोट गरेका छन् । यो सूची, २०२१ को यात्रालाई प्रेरित गर्ने उद्देश्यसाथ तयार पारिएको लोन्ली प्लानेटका उपाध्यक्ष टम हलले बताए ।
यसको दश नम्बरमा नेपालको ‘अन्नपूर्ण सर्किट’ रहेको छ जहाँ एकपटक हाइक गरिसकेपछि जीवनभरका लागि भुल्न नसकिने दृश्य र अनुभव बटुल्न सकिने बताइएको छ । विशेषगरी ट्रेकिङ, हाइकिङ लगायत पैदल यात्रा गर्न मन पराउनेहरुले नेपालको यो ठाउँ छाड्न नहुने बताइएको छ ।
यात्राभर हामीले धानैधानका खेतबारी, याकहरु चरिरहेका हरिया मैदान र नजिकैबाट विभिन्न हिमाल अनि पहाडहरु देख्न सक्नेछौँ ।
हिँड्दै जाँदा केही भाग उचाइमा तिलिचो ताल पनि देख्न पाइनेछ जसले भ्रमणलाई अझ उत्साहपूर्ण बताइदिनेछ । लोन्ली प्लानेटले भने अनुसार ‘अन्नपूर्ण सर्किटमा एउटा उत्कृष्ट ट्रेकसँग हुनुपर्ने सबै राम्रा कुरा छन् ।’
त्यस्तै बाँकी सूचीमा चाहिँ बोलिभियाको ‘सलरदे युनी’ नौऔँ स्थानमा छ । यो विश्वकै सबैभन्दा ठूलो ‘सल्ट फ्ल्याट’ हो जहाँ हिँड्दा बादलहरु माझ यात्रा गरिरहेको अनुभूति हुने बताइएको छ । अझ पानी पर्दा त त्यहाँका तालको सल्टी सतह सिसा जस्तै चिल्लो हुने र ऐना जस्तैगरि स्पष्ट छाँया देख्न सकिनेछ ।
आठौँ स्थानमा कम्बोडियाको ‘टेम्पल अफ अंकोर’ रहेको छ जहाँ जङ्गलले घेरिएका थुप्रै सुन्दर मठमन्दिरहरु छन् । यो ठाउँ युनेस्कोको विश्व सम्पदामा पनि पर्दछ । यसैगरी ब्राजिलको ‘इगुवाजु’ झरना सातौँ नम्बरमा छ । अर्जेन्टिना र ब्राजिलका बीचमा रहेको सो झरना अत्यन्तै सुन्दर छ । २७५ झरनाहरु मिलेर बनेको यो ठूलो झरनाले प्रकृतिको शक्ति र सुन्दरता एकसाथ प्रकट गर्न सक्ने लोन्ली प्लानेटले बताएको छ ।
छैठौँमा स्लोभेनियाको ‘लेक ब्लेड’ पर्दछ । यो तालको बीचमा रहेको टापुमा एउटा सानो सेतो चर्च पनि रहेको छ । १९ औँ शताब्दीमा यो ठाउँ राजपरिवारको घुम्न आउने स्थल थियो । अहिले चाहिँ पर्यटकहरुले त्यस ताल वरिपरि हिँडेर या साइकलिङ गरेर पनि दृश्यको मज्जा उठाउन सक्छन् ।
उत्कृष्ट गन्तव्यको पाँचौ स्थानमा अमेरिकाको ‘यल्लोस्टोन नेस्नल पार्क’ रहेको छ । एकपटक त्यहाँ घुमिसकेपछि सो क्षणलाई सजिलै बिर्सन नसकिने बताइएको छ । वन्यजन्तुहरु पाइनुका साथै यो ठाउँलाई पृथ्वीकै सबैभन्दा ठूलो ‘जिओथर्मल’ अर्थात भू–तापीय क्षेत्र पनि भनिन्छ । त्यहाँ अमेरिकाको सबैभन्दा ठूलो तातोपानीको झरना रहेको छ जहाँ विभिन्न रङका पानीबाट बन्ने इन्दे्रणी देख्न सकिन्छ ।
चौथो स्थानमा बेट्सवानाको ‘ओकाभान्गो डेल्टा’ रहेको छ । हरेक वर्ष ओकाभान्गो नदिमा बाढी आउँदा त्यहाँ सुन्दर वनजङ्गलहरुले जीवन पाएको देख्न सकिन्छ । त्यसैगरी यो क्षेत्र दुर्लभ हात्तीहरुदेखि जलथल प्राणी सबैको एकमात्र घर हो र अफ्रिकाको सबैभन्दा ठूलो र ‘एक्सक्लुसिभ सफारी’ गन्तव्य पनि मानिन्छ । सूचीको तेस्रो स्थानमा अष्ट्रेलियाको ‘उलुरु काता तजुता नेस्नल पार्क’ रहेको छ । विशेषगरी सूर्य अस्तको समयमा त्यहाँ देखिने दृश्य कहिल्यै भुल्न नसकिने बताइएको छ ।
दोस्रो स्थानमा युक्याडरको ‘गालापेगोस टापु’ रहेको छ । यस टापुको सबैभन्दा ठूलो विशेषता भनेकै दुर्लभ र रङ्गीचङ्गी वन्यजन्तु हुन् । ज्वालामुखीबाट निर्मित ढुङ्गाहरु, गाढा नीलो पानी र विविध ‘इकोसिस्टम’ ले यसलाई लोन्ली प्लानेटको दोस्रो स्थानमा ल्याएको बताइएको छ ।
यसरी पहिलो स्थानमा चाहिँ जोर्डनको पेत्रा रहेको छ । कुनैबेला हराएको शहर नाम दिइएको यसलाई युरोपेलीहरुले वास्तवमै एक हजार वर्षसम्म बिर्सिएका थिए । त्यही ठाउँ अहिले भने भ्रमणका लागि उत्कृष्ट गन्तव्य बनेको छ । धेरै इतिहास र संस्कृति बोेकेको यो स्थल युनेस्कोको विश्व सम्पदामा पनि पर्दछ । टमले यो ठाउँलाई अति रहस्यमयी र उत्साहपूर्ण गन्तव्यका रुपमा व्याख्या गरेका छन् ।
Comments
अरु समाचार
-
रारा क्षेत्रमा रिसोर्ट निर्माणको सम्झौता हुनु सुखद : प्रधानमन्त्री प्रचण्ड
काठमाडाैँ । प्रधानमन्त्री पुष्पकमल दाहाल ‘प्रचण्ड’ले तेस्रो लगानी सम्मेलनका क्रममा रारा होल्डिङ र एक्पर्ट ग्रुप अष्ट्रेलियाबीच मुगुको रारा ताल समीप...
-
विराटनगरमा विद्युतीय गाडी उत्पादन गर्न कोशी एनके मोटर्स र चिनियाँ कम्पनीबीच सम्झौता
विराटनगर । विराटनगरमा कोशी एनके मोटर्सले विद्युतीय गाडी उत्पादन गर्ने भएको छ । चिनियाँ कम्पनीसँगको साझेदारीमा एनके मोटर्सले विद्युतीय गाडी...
-
कतारका राजा थानीसँगै कतार जानेछन् ‘रुद्रकली’ र ‘खगेन्द्रप्रसाद’
काठमाडौं । सरकारले कतारलाई जोडी हात्ती उपहार दिने भएको छ। वैशाख ११ र १२ मा हुने कतारका राजा शेख तमिम...
-
मनकामना केबलकार शुक्रबार बन्द हुने
काठमाडौं । मनकामना केबलकार भोलि शुक्रबार एक दिनका लागि बन्द हुने भएको छ । केबलकार टावरमा सामान्य मर्मत गर्नुपर्ने भएकाले...
-
आज घोडेजात्रा: जनविश्वास र रोचक किम्बदन्ती यस्तो
काठमाडौं । परम्परागत रुपमा प्रत्येक वर्षको चैत्र कृष्ण औँसीका दिन मनाइने घोडेजात्रा आज काठमाडौं उपत्यकामा मनाइँदैछ । घोडेजात्रा एउटा अत्यन्तै...
-
बेगनासमा चिनियाँ सांस्कृतिक खेल ‘ड्रागन बोट रेस’
काठमाडाैँ । पर्यटनको राजधानी पोखरामा भएको पहिलो राष्ट्रिय ड्रागन डुंगा दौडको उपाधि वाटर स्पोट्स नेपाल र नारा नेपालले जितेका छन्...
-
मर्स्याङ्दी नदीमा र्याफ्टिङ सञ्चालनका लागि सम्भाव्यता अध्ययन
काठमाडौं । तनहुँको आँबुखैरेनी गाउँपालिकास्थित मर्स्याङ्दी नदीमा र्याफ्टिङ सञ्चालनका लागि सम्भाव्यता अध्ययन गरिएको छ । गाउँपालिकाले पर्यटन प्रवर्द्धनका लागि आँबुखैरेनी–४...
-
पाेखरामा छमछमी नाचे प्रधानमन्त्री प्रचण्ड
काठमाडाैँ । पोखरामा गायक प्रकाश सपुतको गीतमा प्रधानमन्त्री पुष्पकमल दाहाल प्रचण्ड छमछमी नाचेका छन् । उनी पोखरालाई नेपालको पर्यटनको राजधानी...
-
प्रधानमन्त्रीद्वारा पोखरालाई पर्यटकीय राजधानी घोषणा
पोखरा । प्रधानमन्त्री पुष्पकमल दाहाल ‘प्रचण्ड’ले पोखरालाई नेपालको पर्यटकीय राजधानी घोषणा गरेका छन्। फेवाताल छेउको वाराहीघाटमा आज आयोजित समारोहमा प्रधानमन्त्री...