‘पदको लोभ गरेर सत्ताको पक्षमा उभिएकाहरू दलाल हुन्’:प्रचण्ड
काठमाडौं । प्रधानमन्त्री केपी शर्मा ओलीले दक्षिणपन्थी शक्तिको डिजाइनमा प्रतिनिधि सभा विघटन गरेका नेपाल कम्युनिस्ट पार्टी नेकपाको अध्यक्ष पुष्पकमल दाहाल प्रचण्डले आरोप लगाएका छन्।
प्रधानमन्त्री ओलीले नेपाली जनताले ७० वर्षपछि प्राप्त गरेको उपलब्धिमाथि क्रुर प्रहार गरेका अखिल नेपाल किसान महासंघ केन्द्रीय समितिको पूर्ण बैठकलाई सम्बोधन गर्दै अध्यक्ष प्रचण्डले आरोप लगाए। ‘नेपाली जनताले प्राप्त गरेको उपलब्धिमाथि देशभित्र सामन्ती र निरंकुशतावादी र देश बाहिर दक्षिणपन्थी शक्तिको डिजाइनअनुसार ओलीले संविधानको हत्या गरे’, उनले भने।
पहिलो पटक नेपाली जनताले पाएको सार्वभौम अधिकारमाथि ओलीले प्रहार गरेका उनले बताए। ७० वर्षपछि प्राप्त भएको उपलब्धिलाई जोगाउन जनता जुर्मुराएपछि आफूहरुलाई सडक आन्दोलनमा उत्रिन प्रोत्साहन मिलेको पनि उनको भनाइ थियो।
‘पार्टी एकता हाम्रो प्रस्ताव भएको हो। केपी ओली वाम गठबन्धनको पक्षमा पनि थिएनन्’, उनले भने, ‘वामगठबन्धन र पार्टी एकता गर्दा धेरै खुसी मिलेको थियो। तर, ओली खुसी थिएनन्। ओलीले प्रधानमन्त्री दिन्छु भनेपछि सहमति भएका थिए।’
संविधान जारी भएपछि नेपाल नयाँ युगमा गएर प्रवेश गरेको विश्वास गरेपछि ओलीको निरंकुश शैलीको कारणले संकटमा परेको बताए। ‘संविधान निर्माणपछि समाजवादको बाटोमा जाने भयो। न्याय र अधिकार पाउने अपेक्षा थियो’, उनले भने, ‘ओलीले संविधानमाथि प्रहार गरे। ओली निरंकुश बाटोमा लागे। पहिले पनि तानाशाह र निरंकुशतासँग लडेका थियौँ। अब ओलीप्रवृत्तिसँग एकजुट भएर लाग्नुपर्ने दिन आएको छ।’
संसद भंग गर्नु कम्युनिस्ट आन्दोलन र संविधानमाथि नै प्रहार गर्नु भएको उनले आरोप लगाए। ‘केपी ओलीसँग अब मान्छे छैनन्। केही भ्रम र लोभमा परेर गएका छन्’ उनले भने, ‘केही बीच भएका र भ्रममा परेकालाई आफ्नो पक्षमा ल्याउने पहल गर्नुपर्छ। लोभमा परेर गएका दलालहरु नर्फकिए संगठन राम्रो हुन्छ।’
प्रतिगमनविरुद्ध आन्दोलन सुरु भइसकेको र जनता पनि ओलीको कदमविरुद्ध लागिसकेका उनले बताए। ‘ओलीले इतिहासमा कलंकको टीका लगाइसकेका छन्। ओलीले हारिसके’, उनले भने, ‘ओली आफ्नो गुटमा मात्रै सीमित भइसके। सत्ता र पदको दुरुपयोग गरेर आफ्नो पक्षमा ल्याएकाबाहेक अरु कोही छैन।’
Comments
अरु समाचार
-
प्रतिनिधिसभा बैठक दोस्रोपटक सर्यो
काठमाडौं । प्रतिनिधिसभाको बैठक दोस्रोपटक सरेको छ । आज बिहान ११ बजे बस्नेगरी तय भएको बैठक २ बजेका लागि सारिएकामा...
-
राष्ट्रियसभाको बैठक पनि सर्यो
काठमाडौं । दिउँसो १ बजेर १५ मिनेटका लागि तय गरिएको राष्ट्रियसभाको बैठक दुई घण्टाका लागि सारिएको छ । संसद् सचिवालयका...
-
विदेशी हस्तक्षेपको अन्त्य हुनुपर्छ: महासचिव पोख्रेल
काठमाडौं । नेकपा (एमाले)का महासचिव शङ्कर पोख्रेलले विदेशी हस्तक्षेपको अन्त्य हुनुपर्ने बताएका छन् । प्रेस चौतारी दाङले आज तुलसीपुरमा आयोजना...
-
सहकारी ठगी प्रकरणः छानबिन समितिको कार्यादेश टुंगो लगाउन कार्यदलको बैठक बस्दै
काठमाडौं । सहकारी ठगी प्रकरणमा संसदीय छानबिन समितिको कार्यादेश टुंगो लगाउन चार सदस्यीय कार्यदलको बैठक बसिरहेको छ । कानुनमन्त्री पदम...
-
सदन सञ्चालनबारे दलका प्रमुख सचेतकहरुसँग छलफल गर्दै सभामुख
काठमाडौं । सभामुख देवराज घिमिरेले प्रतिनिधिसभाको ११ बजे निर्धारण गरिएको बैठक सञ्चालन गर्न दलका प्रमुख सचेतकहरुसँग छलफल गर्दै छन् ।...
-
सर्वोच्च अदालतले आज वरिष्ठ अधिवक्ताको उपाधि दिँदै
काठमाडौं । सर्वोच्च अदालतले आज वरिष्ठ अधिवक्ताको उपाधि दिँदैछ । बरिष्ठ अधिवक्ता सिफारिस समितिका संयोजक सर्वोच्चका न्यायाधीश प्रकाश राउतको सिफारिसका...
-
सहकारी ठगी प्रकरणको अनुसन्धान गर्न गठित समितिको बैठक बस्दै
६ जेठ, काठमाडौं । सहकारी संस्था ठगीको विषय छानबिन गर्ने संसदीय समितिको कार्यादेश टुंगो लगाउन दलहरु प्रयासमा छन् । त्यसका...
-
राष्ट्रियसभा बैठक बस्दै, प्रतिवेदन तथा अध्यादेश पेस गर्ने कार्यसूची
काठमाडौँ । राष्ट्रियसभा बैठक आज बस्दै छ । बैठक दिउँसो १ बजेर १५ मिनेटमा संसद् भवन नयाँ बानेश्वरमा बस्नेछ ।बैठकमा...
-
प्रतिनिधिसभाको बैठक: राष्ट्रपतिले गरेको सम्बोधनको प्रति टेबल गरिने
काठमाडौं । संघीय संसद अन्तर्गत प्रतिनिधिसभाको बैठक आज बस्दैछ । बैठक बिहान ११ बजे संसद भवन नयाँबानेश्वरमा बस्ने छ ।...