‘द भ्वाइस अफ नेपाल सिजन-५’: साेलुखुम्बुका कुमार प्रयास राईलाइ जिताउन अपिल

काठमाडौं । काठमाडौंमा आयोजित एक कार्यक्रमका सहभागीहरुले ‘द भ्वाइस अफ नेपाल सिजन-५’ का प्रतिस्पर्धी कुमार प्रयास राईलाइ जिताउन अपिल गरेका छन् । कुमार प्रयास राई जिताऔं अभियान समितिले शुक्रबार आयोजना गरेको कार्यक्रमा सहभागी वक्ताहरुले राईलाई जिताउन अपिल गरेका हुन् ।

कार्यक्रममा राजनीतिक दलका नेता, समाजसेवी, उद्यमी/व्यवसायी, कलाकार लगायतले  ‘द भ्वाइस अफ नेपाल’ मा राईलाइ जिताउन आग्रह गरे । सोलुखम्बुको थुलुङ दुधकोशी गाउँपालिकाका अध्यक्ष असिम राईले कुमार प्रयास देशकै प्रतिभावान कलाकार देखिएकाले सिजन ५ मा जिताउन आग्रह गरे ।

वरिष्ठ समाजसेवी तथा व्यवसायी वसन्त वनले प्रतिभावान कलाकार कुमार प्रयासलाई जिताइए देशमा एक प्रतिभावान कलाकारको उदय हुने जनाए ।

कार्यक्रममा अग्रज बलराम गुरुङ,युवा व्यवसायी यशबहादुर राइलगायतले सोलुखम्बुको दुर्गम गाउँमा जन्मिएका प्रतिभालाई जिताउनु पर्नेमा जोड दिए । कुृमार प्रयास राई जिताऔं अभियान समितिका संयोजक पूर्ण राईले कुमार प्रयासलाई सिजन ५ मा जिताइए सगरमाथा बेस क्याम्पमा पुगेर सेलेब्रेशन गर्ने जनाए । कार्यक्रमको सुरुवातमा मदन राईले कुमार प्रयासलाई जिताउन खोज्नुको उद्देश्यको सम्बन्धमा प्रकाश पार्दै स्वागत मन्तब्य व्यक्त गरेका थिए ।

सोलुखुम्बु थुलुङ दुधकोशी गाउँपालिका लोखिम स्थायी घर भएका राई ‘द भ्वाइस अफ नेपाल सिजन ५’ को भोटिङ राउण्डमा प्रवेश गरेका छन् । उनले आफ्नो प्रस्तुतीको कदर गर्न आग्रह गरे । उनले दर्शक तथा शुभचिन्तकले आफूलाई जिताउनेमा आशावादी भएको जनाए । ‘तिमी तारे भीर म त लहरा’ भन्ने बोलको आधुनिक गीत गाउँदै कुमारले तीन वटा कोचको कुर्सी घुमाएका थिए । सुमधुर स्वरमा गीत गाएर कोच र दर्शकलाई मन्त्रमुग्ध पारेका थिए । उनले गीत गाइसकेपछि दर्शकबाट ‘वान्स मोर’ भनेर हुटिङ भएको थियो ।

Comments