कलकत्ताको महावाणिज्यदूत हुन सहसचिव भट्टको चलखेल, मुख्यसचिव अर्याल साथ दिँदै
काठमाडौं । मुख्यसचिव डा. बैकुण्ठ अर्यालले कलकत्ताको महावाणिज्यदूतमा प्रधानमन्त्री पुष्पकमल दाहाल प्रचण्ड निकट रहेका सहसचिव नवराज ढुंगानालाई चक्मा दिँदै प्रधानमन्त्री तथा मन्त्रीपरिषद् कार्यालयका प्रशासन महाशाखा प्रमुख सहसचिव नारायण भट्टलाई पठाउने चलखेल सुरू गरेका छन् । सहसचिव भट्टलाई शेरबहादुर देउवा प्रधानमन्त्री हुँदा प्रधानमन्त्री कार्यालयमा लगेका थिए। त्यसयता सत्तामा तिनवटा गठबन्धन भयो तर सहसचिव भट्ट भने नेकपा माओवादी केन्द्र र मुख्यसचिव डा. अर्याललाई रिझाउँदै प्रधानमन्त्री कार्यालयको प्रशासन महाशाखा प्रमुखमै बस्न सफल हुँदै आएका छन। उनले वर्षमा चार पटक भन्दा बढी विदेश भ्रमणको अवसर लिएर डलरमा भत्ता बुझ्ने गरेका छन्। भट्टलाई यस विषयमा प्रतिक्रिया लिन सम्पर्क गर्दा कल रिसिभ गरेनन् ।
पहिलो पटक प्रधानमन्त्री प्रचण्ड पुत्री रेनु दाहाल भरतपुरको मेयरमा चुनाव लड्दा मतगणनामा मतपत्र च्यातेर मुखमा हालेको केसलाई सामान्य अवस्थामा मिलाएर केही स्थानमा मात्र पुनस् मतदान गर्न लगाई दाहाललाई जिताएर एमालेका उम्मेदवार देवी ज्ञवालीलाई हराउने चितवनका प्रमुख जिल्ला अधिकारी भट्ट नै थिए। भट्ट गोरखाको प्रमुख जिल्ला अधिकारी हुँदा नै बुढी गण्डकी जलविद्युत आयोजनाको जग्गा अधिग्रहण गरि मुअब्जा तोक्ने र वितरण गर्ने कार्य भएको थियो। त्यसवेला पनि उनले आरूघाटको हजारौं रोपनी जग्गाको मुअब्जा प्रचलित जग्गाको मूल्यभन्दा बढी मुल्यांकन गरि मुअब्जा वितरणको तानाबुना बनाएर लाखौं कमाएका थिए।
विगत दुई वर्षदेखि प्रधानमन्त्री कार्यालयमा बसेर उनले बहिनी ज्वाइँ नारायण दुवाडीलाई सुदुरपश्चिम प्रदेशको प्रमुख सचिवबाट सरूवा गरेर वाणिज्य सचिव बनाएका थिए। यसरी अधिकारको दुरूपयोग गरेर मालामाल बन्दै आएका सहसचिव भट्टले मुख्यसचिव डा. अर्यालको सारथी बनेर कलकत्ताको महावाणिज्यदूत बन्न परराष्ट्र मन्त्रालयमा सरूवा हुन लागेका छन्। कलकत्ताका महावाणिज्यदूत रहेका सहसचिव इश्वरचन्द्र पौडेलको चारवर्षे कार्यकाल पूरा हुन अब तीन महिनामात्र समय बाँकी हुँदै भट्टले मुख्यसचिव र कांग्रेसको आशिर्वादमा कलकत्ताको महावाणिज्यदूतमा नियुक्ति खान लागेका छन्।
सञ्चार तथा सुचना सचिव हुँदा करोडौं अनियमितता गरेको आरोपमा अख्तियारले बयान लिई छानबिन गरिरहेका मुख्यसचिव डा।अर्यालले प्रधानमन्त्री कार्यालयमा कांग्रेस र माओवादी केन्द्रका नेताहरूको इसारामा असक्षम, विवादित र विगतमा भ्रष्टाचारका अनेकौं काण्ड लागेका कर्मचारीहरूलाई आर्थिक शुभलाभ र कोसेलीपात बुझ्दै छानीछानी आकर्षक र मालदार स्थानमा सरूवा गरेर प्रशासनिक क्षेत्रमा बेथिति भित्र्याउँदै आएका छन्।
Comments
अरु समाचार
-
आजको राशिफल : २०८१ साल भदौ २३ गते आइतबार
मेष: मिहिनेतले नाम, दाम र इनाम दिलाउन सक्छ। सुन्दर पहिरनले व्यक्तित्व निखार्ने अवसर प्राप्त हुनेछ। दोहोर्याएर प्रयास गर्दा रोकिएको काम...
-
हवल्दारलाई (सूचक) आफ्नो मुख्य सल्लाहकार बनाउँदा राष्ट्रिय अनुसन्धान जिल्ला कार्यालय बाँकेका प्रमुख (एसपी) ओमबहादुर खड्का विवादित
कैलाली । राष्ट्रिय अनुसन्धान जिल्ला कार्यालय बाँकेका एसपी ओमबहादुर खड्का आफ्नै कारणले विवादित बनेका छन् । राष्ट्रिय अनुसन्धान जिल्ला कार्यालय...
-
मुस्ताङमा वन्यजन्तुसँगै रमाउन थाले पर्यटक
म्याग्दी, २२ भदौ । मुुस्ताङ भन्ने बित्तिकै धेरैले मुक्तिनाथ मन्दिर, कागबेनी, दामोदरकुण्ड, लोमान्थाङ, जोमसोम, लेते, मार्फालगायत स्थान, तालतलैया, हिमाल, मौलिक...
-
आज निजामती सेवा दिवस मनाइँदै, ४० कर्मचारी पुरस्कृत हुँदै (नामसहित)
काठमाडौं । आज २१ औँ निजामती सेवा दिवस मनाइँदै छ । ‘व्यावसायिक र सिर्जनशील प्रशासन : विकास, समृद्धि र सुशासन’...
-
आजको राशिफल: २०८१ भदौ २२ गते शनिवार
मेष: परिवारजनको साथले उत्साह जगाउनेछ। अप्ठ्यारा परिस्थितिलाई समेत सहज बनाउन सकिनेछ। व्यवसायमा आम्दानी बढ्नेछ। भौतिक साधन जुटाउने समय छ। साथीभाइसँग...
-
यसरी मनाए कलाकारले तीज
काठमाडौँ, २१ भदौः आज सबेरै नुहाएर घरकै मन्दिरमा पूजा गरिसकेपछि अभिनेत्री केकी अधिकारी पाटन दरबार क्षेत्र पुग्नुभयो । उहाँ १५...
-
हरितालिका तीजको अवसरमा प्रधानमन्त्रीद्वारा शुभकामना व्यक्त
काठमाडौं । प्रधानमन्त्री केपी शर्मा ओलीले हरितालिका तीजको अवसरमा शुभकामना व्यक्त गरेका छन् ।उनले हाम्रो देश विभिन्न धर्म, संस्कृति र...
-
धनुषाको लक्ष्मीनियामा एकै परिवारका तीन बालकको पोखरीमा डुबेर ज्यान गयो
धनुषा । धनुषामा मावलीघरमा भोज खान गएका तीन बालकको पोखरीमा डुबेर ज्यान गएको छ । धनुषाको लक्ष्मीनिया गाउँपालिका वडा नम्बर...
-
यस्तो छ आजका लागि विदेशी मुद्राको विनिमय दर
काठमाडौँ, २० भदौ । नेपाल राष्ट्र बैंकले आजका लागि विदेशी मुद्राको विनिमय दर सार्वजनिक गरेको छ । केन्द्रीय बैंककानुसार आजका...