कांग्रेसको नेतृत्व फेरी कोइराला परिवारमा जाने संकेत, शेखरले गरे सभापतिको दाबी
काठमाडौं, ७ पुस । चुनावमा पार्टीले नराम्रोसँग पराजय भोगेको नेपाल कांग्रेसभित्र नेतृत्व परिवर्तनको चर्को बहस सुरु भएको छ । प्रदेश र प्रतिनिधिसभा चुनावमा पार्टीले नराम्रोसँग पराजय भोगेपछि नेतृत्व परिवर्तनको कुरा जोडतोडले उठेको हो । नेतृत्व परिवर्तन गर्ने पक्षमा चुनाव जितेर आएका युवा तथा चर्चित नेताहरु रहेका छन् ।
नेपाली कांग्रेसभित्र यतिबेला गगन थापा, धनराज गुरुङ, डा. शेखर कोइराला, प्रकाशमान सिंह लगायतका नेताहरु नेतृत्व परिवर्तनको पक्षमा छन् । चुनाव जितेलगत्तै चर्चित युवा नेता गगन थापाले पार्टी सभापति शेरबहादुर देउवाले राजीनामा दिएर अबको नेृतत्व युवाको हातमा सुम्पिनुपर्ने बताएका थिए । पार्टी सभापतिले राजीनामा नदिए हस्तक्षेप गरेर अगाडि बढ्ने बताएका थिए ।
त्यस्तै नेतृत्व कोइराला परिवारभन्दा अरुले चलाउन नसक्ने दाबी गर्दै आएका नेपाली काङ्ग्रेसका केन्द्रीय सदस्य डा. शेखर कोइरालाले पनि देउवाले राजीनामा दिनुपर्ने माग गर्दै आएका छन् । मोरङ क्षेत्र नम्बर ६ बाट प्रतिनिधिसभामा एमाले उम्मेदवार लालबाबु पण्डितसँग पराजित भएका शेखरले आफू पार्टीको केन्द्रीय सभापतिको आकांक्षी भएको घोषणा गरेका छन्।
कोइराला निवासमा शुक्रबार बिहान नेपाल प्रेस युनियनसमर्थक सञ्चारकर्मीसित केन्द्रीय सदस्य कोइरालाले आफू केन्द्रीय सभापति हुन इच्छुक रहेको बताएका हुन्। ‘राजनीतिमा लाग्ने कसलाई इच्छा हुँदैन र ?’, पत्रकारसित कोइरालाले भने, ‘पार्टीको सभापति हुने इच्छा मलाई छ ।’
शेखरको भनाइ थियो, ‘तर यसका लागि विधि र प्रक्रिया पुग्नुपर्छ। पहिले त तुरुन्त केन्द्रीय समितिको बैठक बस्नुपर्यो। केन्द्रीय समितिको बैठकले महासमितिको बैठकको निधो गर्छ। महासमितिमा पार्टीको ‘अर्ली महाधिवेशन’ गर्ने निर्णय गरेर त्यही महाधिवेशनमा नेतृत्वको चयन गर्नुपर्छ।’
केन्द्रीय समितिको बैठक एक हप्ताभित्र नबोलाए यसका लागि हस्ताक्षर सङ्कलन गरिने चेतावनी डाक्टर शेखरले दिए। उनले भने, ‘केन्द्रीय समितिको बैठक बोलाउन किन ढिला गरिएको हो मैले बुझेको छैन। तुरुन्त बोलाउनु पर्छ भत्रे हाम्रो माग छ ।’
Comments
अरु समाचार
-
बागमती, गण्डकी र कर्णाली प्रदेशमा भारी वर्षाको सम्भावना
काठमाडौँ । हाल देशभर मनसुनी वायुको प्रभाव कायमै छ । मनसुनको न्यून चापीय रेखा पश्चिममा सरदर स्थानको उत्तरतिर र पूर्वमा...
-
केही स्थानमा स्थानमा मेघगर्जन र चट्याङसहित हल्कादेखि मध्यम वर्षाको सम्भावना
काठमाडौँ, ४ असोजः हाल देशभर मनसुनी वायुको प्रभाव रहेको जनाउँदै जल तथा मौसम विज्ञान विभागले मनसुनको न्यून चापीय रेखाको पश्चिमतिर...
-
कोशीका मुख्यमन्त्री कार्कीले असोज २ गते विश्वासको मत लिने
काठमाडौं । कोशी प्रदेशका मुख्यमन्त्री हिक्मतकुमार कार्कीले आगामी असोज २ गते विश्वासको मत लिने भएका छन् । नेपाल कम्युनिष्ट पार्टी...
-
मुग्लिङ-नारायणगढ सडकखण्ड अन्तर्गत सिमलतालबाट त्रिशूली नदीमा ट्रक खस्यो
काठमाडौं । मुग्लिन-नारायणगढ सडकखण्डको सिमलतालबाट आइतबार बिहानै ट्रक खसेको छ। खाने तेल बोकेर सिमाराबाट काठमाडौँ गइरहेकोे ट्रक त्रिशूलीमा खसेको हो...
-
साहित्यकारहरुले भने- नारद पोखरेलको उपन्यास ‘उर्वरा’ ले सजिलै पाठकको मन तान्छ
काठमाडौं, भदौ २९ । उपन्यासकार नारद पोखरेलको उपन्यास ‘उर्वरा’ पाठकका लागि फरक स्वादको चटनी भएको एक कार्यक्रममा सहभागी स्रष्टाहरुले बताएका...
-
बाल अधिकार संरक्षणमा प्रदेश सरकार प्रतिबद्ध छः मुख्यमन्त्री कार्की
काठमाडौं । कोशी प्रदेश सरकारका मुख्यमन्त्री हिक्मतकुमार कार्कीले प्रदेश सरकार बाल अधिकार संरक्षणमा प्रतिबद्ध भएको बताएका छन्। आज बाल दिवसका...
-
बाग्मती, गण्डकी, मधेश र कोशीमा हल्कादेखि मध्यम वर्षाको सम्भावना
काठमाण्डौ । लुम्बिनी, कर्णाली र सुदूरपश्चिमका विभिन्न ठाउँमा अस्तिदेखि लगातार भइरहेको ठूलो वर्षा रोकिएको छ । गएरातिदेखि ती ठाउँमा पानी...
-
वर्षासँगै आएको पहिरोले सुदूरपश्चिमका विभिन्न राजमार्ग अवरुद्ध
काठमाडौं । अविरल वर्षासँगै आएको पहिरोले सुदूरपश्चिम प्रदेशका पहाडी क्षेत्रका विभिन्न राजमार्ग अवरुद्ध भएका छन् । ठाउँ ठाउँमा गएको पहिरोका...
-
दशौँ राष्ट्रिय खेलकुद प्रतियोगिताको तयारीमा कर्णाली, व्यवस्थापन र पूर्वाधार निर्माणको दबाब
काठमाडौं । कर्णालीमा आगामी मङ्सिर २–९ गतेसम्म हुने दशौँ राष्ट्रिय खेलकुद प्रतियोगिताको समय आउन अब करिब दुई महिना बाँकी छ...